Ўзбекистон Республикаси Президентининг 2024 йил 5 январидаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5 сонли ҳамда Ўзбекистон Республикаси Вазирлар Маҳкамасининг 2013 йил 19 мартдаги 82 сон қарорлари асосида Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармалари, йирик сув хўжалик обектларининг сув олиш ва сув етказиб бериш режалари, сув манбалари иқтисодиёт тармоқлари маъмурий ҳудудлар бўйича умумлаштирилган. Юқорида кўрсатиб ўтилган қарор талабларидан келиб чиқиб, Ўзбекистон Республикаси «Маҳаллий Давлат ҳокимияти тўғрисида»ги Қонунининг 6- ва 24-моддаларига мувофиқ, халқ депутатлари Сўх туман Кенгаши қарор қилади:

1. Туманда «Сув етказиб бериш хизмати» давлат муассасаси ҳудудлар, манбалар ва сув истеъмолчилари бўйича сув олиш лимитларини тасдиқлаш юзасидан туман «Сув етказиб бериш хизмати» давлат муассасаси директори У.Болтабоевнинг берган ҳисоботи маълумот учун қабул қилинсин.

2. Сўх туман «Сув етказиб бериш хизмати» давлат муассасаси директори У.Болтабоев томонидан туман бўйича 2025 йил вегетация даврида суғориш ишлари учун ажратилган сув лимити тўғрисидаги таклифи маъқуллансин ва 1-2-3-4-иловага мувофиқ тасдиқлансин.

3. Туман ҳокимининг қишлоқ ва сув хўжалиги масалалари бўйича ўринбосари (М.Мавлонбеков)га:

фермер хўжаликлари ер майдонларига сувларни ортиқча исрофгарчиликларга йўл қўймаган ҳолда олишларини учун ички ариқларини бегона ўтлар ва чиқиндилардан тозалаш чораларини кўрсин.

4. «Сув етказиб бериш хизмати» давлат муассасаси директори (У.Болтабоев) мазкур қарор талабларидан келиб чиқиб, қуйидагиларга:

туманда фаолият кўрсатаётган қишлоқ хўжалигига мослаштирилган фермер хўжаликларининг ғалла ер майдони кесимида белгиланган лимитларга асосан сув етказиб берилишини назоратга олиш;

фермер хўжаликлари томонидан лимитларга асосан ажратилган сувдан унумли фойдаланиш ҳамда қаровсиз ҳолда қолдирилиши ва сувни ортиқча исрофгарчилигига йўл қўймаслиги;

амалга оширилаётган ишлар юзасидан ҳар чоракда халқ депутатлари туман Кенгашига ҳисобот киритиб бориш вазифаси юклатилсин.

5. Мазкур қарорнинг ижросини назорат қилиш халқ депутатлари туман Кенгашининг «Аграр, сув хўжалиги масалалари ва экология бўйича доимий комиссияси» (Р.Мавлонов) зиммасига юклатилсин.