«Географик объектларнинг номлари тўғрисида»ги Ўзбекистон Республикаси қонуни ва Ўзбекистон Республикаси Вазирлар Маҳкамасининг 2012 йил 16 октябрдаги 295 сон «Географик объектларнинг номлари тўғрисида»ги Ўзбекистон Республикаси қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги қарори ижросини таъминлаш мақсадида «Маҳаллий давлат ҳокимияти тўғрисида»ги Ўзбекистон Республикаси қонунининг 6-моддасига асосан халқ депутатлари туман Кенгаши қарор қилади:

1. «Географик объектларни номлаш ва қайта номлаш масалалари бўйича вилоят комиссияси»нинг 2025 йил 16 апрелдаги 01-19-09/3648 сонли мурожаатномаси ва Ўзбекистон Республикаси Иқтисодиёт ва молия вазирлиги ҳузуридаги Кадастр агентлигининг «Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида» 2025 йил 6 майдаги 05-19-7145 сон экспертиза хулосасига асосан туман ҳокимлиги ҳузуридаги «Географик объектларни номлаш ва қайта номлаш масалалари бўйича туман комиссияси раиси» - туман ҳокими Р.Жуманиязовнинг туман маркази, Янгиёп маҳалласида жойлашган истироҳат боғига ном бериш тўғрисидаги таклифи маъқуллансин.

2. Туманда янги номланган 1 та истироҳат боғининг рўйхати иловага мувофиқ тасдиқлансин.

3. Туман статистика бўлими (Б.Артиқбоев), туман қурилиш ва уй-жой коммунал хўжалиги бўлими (С.Ражапов), Давлат кадастрлари палатаси туман филиали (Р.Нурметов) туман ҳокимлиги билан биргаликда янги номланган истироҳат боғини давлат рўйхатидан ўтказиш ва электрон базани шакллантириш, иш юритиш ҳужжатларига тегишли ўзгартиришлар киритиш билан боғлиқ барча тадбирларни амалга оширсин.

4. Туман қурилиш ва уй-жой коммунал хўжалиги бўлими (С.Ражапов) истироҳат боғига янги номи ёзилган кўрсатгич белгилар, пешлавҳани замонавий дизайин асосида ўрнатилишини таъминласин.

5. Мазкур қарор матбуотда расман эълон қилинсин ва туман ҳокимлигининг расмий веб-сайтига жойлаштирилсин.

6. Ушбу қарорнинг ижросини назорат қилиш халқ депутатлари туман Кенгашининг ижтимоий соҳа, ёшлар сиёсати, маданият ва спорт масалалари бўйича доимий комиссияси (З.Машарипова) ва коррупцияга қарши курашиш ва хавфсизлик масалалари бўйича доимий комиссияси (И.Ортиков) зиммасига юклатилсин.

7. Ушбу қарор расман эълон қилинган кундан бошлаб кучга киради.