Ўзбекистон Республикаси Президентининг 2011 йил 12 октябрдаги «Географик объектларнинг номлари тўғрисида»ги ЎРҚ-303 сонли Қонуни, «Ўзбек тилининг давлат тили сифатидаги нуфузи ва мавқеийини тубдан ошириш чора-тадбирлари тўғрисида»ги ПФ-5850 сонли Фармони, Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари соҳасидаги ишларни тартибга солиш чора-тадбирлари ҳақида»ги 295 сонли, 2020 йил 20 январдаги «Мамлакатда давлат тилида иш юритишни самарали ташкил қилиш чора-тадбирлари тўғрисида»ги 34 сонли қарорлари ижросини таъминлаш юзасидан 2024 йилнинг 12 декабрда тумандаги 1 та қишлоқ номини расмийлаштириш 2 та кўчани қайта номлаш учун давлат экпертизасига юборилган.

Ўзбекистон Республикаси Давлат солиқ қўмитаси ҳузуридаги Кадастр агентлигининг 2025 йилнинг 6 январидаги 05-19-147 сонли эксперт хулосаси келиб тушди. Хулосага кўра, 3 та географик объект номи «Географик объектлар тўғрисида»ги қонун ҳужжатлари талабларига мувофиқ деб топилган. Номи қонун талабларига мувофиқ деб топилган 3 та географик обект номларини кўриб, Кенгаш тасдиғидан ўтказиш учун кун тартибига киритилди.

Туманда амалга оширилиши керак бўлган ишлар тўғрисидаги туман ҳокимининг маънавий-маърифий ишлар самарадорлигини ошриш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Ш.Кулиеванинг ахборотини муҳокама қилиб, маҳаллий давлат тўғрисидаги Қонуннинг 6 ва 24-моддаларига мувофиқ, халқ депутатлари туман Кенгаши қарор қилади:

1. Ўзбекистон Республикаси Давлат солиқ қўмитаси ҳузуридаги Кадастр агентлигининг 2025 йилнинг 6 январидаги 05-19-147 сонли эксперт хулосаси ҳамда туман ҳокимининг маънавий-маърифий ишлар самарадорлигини ошриш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Ш.Кулиеванинг ахбороти маълумот учун қабул қилинсин.

2. Географик объектларни номлаш ва қайта номлаш масалалари бўйича туман комиссиясининг номлари иловада келтирилган 1 та қишлоқни номлаш ва 2 та кўчани қайта номлаш номлаш тўғрисидаги таклифлари маъқуллансин.

3. Туман ички ишлар бўлими (Э.Нарзуллаев)га Тонготар маҳалласидаги номланган Мерзаесаги қишлоғи ва Гулбулоқ маҳалласидаги қайта номланган тасаддуқ ва таваккал кўчаларига ва тегишли йўл белгиларига ўзгартиришлар киритиш билан боғлиқ ташкилий ишларни амалга оширсин.

4. Туман камбағалликни қисқартириш ва аҳоли бандлигини таъминлаш бўлими бошлиғи (З.Кулиев)га янги номланган кўчаларда ишларни ташкил этиш ва якунига етказиш вазифаси юклатилсин.

5. Туман кадастр ва туман статистика бўлимларига янги номланган ва номи ўзгарган географик объектларни туман харитасига жойлаштириш, шунингдек, тегишлича туман статистика маълумотларига ўзгартиришлар киритсин.

6. «Географик обектлар тўғрисида»ги ЎРҚ-303 сонли Қонунининг 16-моддасига кўра географик объектларни номлаш ва қайта номлаш масалалари бўйича туман комиссиясига ушбу географик объектларга ном берилганлиги ва уларнинг номлари ўзгартирилганлиги тўғрисидаги ҳужжатларни Географик объектлар номларининг давлат реейстрига киритиш учун 10 кун муддатда Ўзбекистон Республикаси Ергедезкадастр Давлат қўмитасига тақдим этиш вазифаси топширилсин.

7. «Географик объеклар тўғрисида»ги ЎРҚ-303 сонли Қонуннинг 20-моддасига кўра Аҳоли пунктларининг таркибий қисмларига ном бериш ва уларнинг номларини ўзгартириш тегишли маҳаллий бюджет ҳисобидан амалга оширилиши кўрсатилган. Қонунга кўра туман иқтисодиёт ва молия бўлими (Н.Шарипов)га белгиланган тартибда молиялаштириш вазифаси юклатилсин.

8. «Бахмал ҳаёти» газетаси таҳририяти ва туман ҳокимлиги ахборот хизмати (А.Эгамбердиев)ларга Ўзбекистон Республикаси «Географик обектларнинг номлари тўғрисида»ги ҳамда «Давлат тили тўғрисида»ги Қонунлари талаблари асосида ушбу олиб борилган ишларни оммавий-ахборот воситаларида ёритиб бориш тавсия этилсин.

9. Мазкур қарорнинг ижросини назорат қилиш халқ депутатлари туман Кенгашининг доимий комиссиялари ва туман ҳокимининг ўринбосари Б.Зулфиқоров зиммасига юклатилсин.