Иқтисодиёт ва Молия вазирлигининг 2025 йил 22 февралдаги 08/46-4-3951 сонли хатига асосан Ўзбекистон Республикаси Сув хўжалиги вазирлиги ҳамда «ТСТ Агро Слусрет» МЧЖ ўртасида 2020 йил 18 декабрдаги тузилган ДХШ/18-2020 сонли Битим, ва «ТСТ Агро Слусрет» МЧЖ тасисчлигида очилган «ТСТ Гидро Сервис» МЧЖ билан ДХШ 18/1-2020 сонли қўшимча келишув Битими 2025 йилнинг 20 февралдан ДХШ лойиҳалари реестридан чиқарилган.

Ўзбекистон Республикаси Сув хўжалиги вазирининг 2025 йил 28 февралдаги 42 сонли буйруғига асосан туманда «Қуйи Чирчиқ тумани Сув етказиб бериш хизмати» давлат муассасасини ташкил этиш тўғрисидаги буйруғи чиқарилган. Ушбу буйруқга асосан туманда «Сув етказиб бериш хизмати» давлат муассасаси 2025 йилнинг 17 мартида ташкил этилиб, ўз фаолиятини бошлаган.

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарорининг 1-бандининг иккинчи хатбоши:

«Сув хўжалиги вазирлигининг туман (Қувасой шаҳар) иригация бўлимлари ҳамда махсус хизматлари негизида «Сув етказиб бериш хизмати» давлат муассасаларини (кейинги ўринларда — Сув етказиб бериш хизматлари) ташкил этиш;» бўйича топшириқ белгиланган. Ушбу топшириққа асосан Қуйи Чирчиқ туманида Сув етказиб бериш хизмати давлат муассасаси ташкил этилган. Эндиликда Ирригация ва мелиорация бўлими фаолиятини Қуйи Чирчиқ тумани Сув етказиб бериш хизмати давлат муассасаси тумандаги барча турдаги қишлоқ хўжалиги сув истеъмолчиларига сув етказиб бериш ҳамда фойдаланилган сув истеъмоли бўйича солиқ органларига сув солиғи ҳисоблаш учун маълумотларни бериб боради» деб белгилаб қўйилган.

Бундан ташқари Ўзбекистон Республикаси Вазирлар Маҳкамасининг 2024 йил 9 февралдаги «Сув етказиб бериш хизмати» давлат муассасалари фаолиятини ташкил этиш чора-тадбирлари тўғрисида»ги 79 сонли қарорида кўрсатиб ўтилган яъни:

Сув хўжалиги ташкилотлари томонидан қишлоқ хўжалиги маҳсулотларини ишлаб чиқарувчиларга сув етказиб бериш хизматлари учун тўловлар бекор қилинганлиги;

Белгиланган лимитлар асосида сув истеъмолчиларига сув етказиб беришлиги;

Ўзига бириктирилган ҳудудда сувнинг ҳисобини ва ҳисоботини юритишлиги;

Суғориш тармоқлари ва улардаги гидротехник иншоотларни ҳимоя зоналари билан биргаликда соз ҳолатда сақлаш, таъмирлаш-тиклаш ишларини амалга ошириши;

Истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориши;

Сув истеъмолчиларининг буюртманомаси асосида бошқа сув хўжалиги хизматларини амалга ошириши кўрсатилган.

Ўзбекистон Республикаси Президентининг ПҚ-5 сонли қарори 6-бандида:

Истеъмол қилинган сув миқдори ҳисобини юритмаган (юритишдан бош тортган) қишлоқ хўжалиги маҳсулотлари ишлаб чиқарувчилари учун сув солиғи базаси халқ депутатлари туман Кенгашлари томонидан тасдиқланган лимитларга нисбатан икки баробар оширилган ҳолда ҳисобланиши;

2025 йилдан бошлаб:

Сувни тежамкор суғориш технологиялари жорий қилганда ҳамда суғориш учун олинган сув ҳажми сув ўлчаш ускуналари асосида аниқланганда сув солиғи ставкасига 0,5 камайтирувчи коеффициент қўлланилиши;

Сувни тежамкор суғориш технологиялари жорий қилганда ёки суғориш учун олинган сув ҳажми сув ўлчаш ускуналари асосида аниқланганда сув солиғи ставкасига 0,7 камайтирувчи коеффициент қўлланилиши;

Балиқчилик учун олинган сув ҳажми сув ўлчаш ускуналари асосида аниқланганда сув солиғи ставкасига 0,7 камайтирувчи коеффициент қўлланилиши белгиланган.

Юқоридагилардан келиб чиқиб, Қуйи Чирчиқ тумани «Сув етказиб бериш хизмати» давлат муассасасининг 2025 йил 1 апрелдаги 9 сонли хатини инобатга олиб, Қуйи Чирчиқ туман «Сув етказиб бериш хизмати» ДМ раҳбари Й.Мархабоевнинг ҳисоботини тинглаб, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6 ва 24-моддаларига мувофиқ, Халқ депутатлари Қуйи Чирчиқ туман Кенгаши қарор қилади:

1. Халқ депутатлари Қуйи Чирчиқ туман Кенгашининг 2025 йил 10 апрелдаги VII-10-45-10-140-K/25-сонли қарори бекор қилиниб, қонун хужжатларига мувофиқлаштирилсин.

2. Қуйи Чирчиқ тумани сув манбалари бўйича 2025 йилнинг ёзги суғориш мавсумига ажратилган чекланган сув миқдори 1-иловага мувофиқ тасдиқлансин.

3. Қуйи Чирчиқ тумани сувдан фойдаланувчиларга 2025 йил ёзги суғориш мавсумига ажратилган чекланган сув микдори (лимит) 2-иловага мувофиқ тасдиқлансин.

4. Қуйи Чирчиқ тумани истеъмолчилар кесимида 2025 йил учун ёзги суғориш мавсумида сув олиш лимити 3-иловага мувофиқ тасдиқлансин.

5. Мазкур қарор ижросини назорат қилиш Аграр, қурилиш, коммунал соҳалар, экология, саноат ва траспорт масалалари бўйича доимий комиссиси (А.Валеев)га, ижросини таъминлаш туман ҳокимининг қишлоқ ва сув хўжалиги масалалари бўйича ўринбосари - туман қишлоқ хўжалиги бўлими бошлиғи Т.Саитмурадов зиммасига юклансин.