Ўзбекистон Республикаси Вазирлар Маҳкамасининг 2014 йил 4 мартдаги 48 сонли «Шаҳарлар, посёлкалар, қишлоқлар ва овулларнинг маҳаллаларини тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш, уларга ном бериш ва уларнинг номини ўзгартириш тартиби тўғрисидаги Низомни тасдиқлаш ҳақида»ги қарори Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ «Географик объектларнинг номлари соҳасидаги ишларини тартибга солиш чора-тадбирлар тўғрисида»ги 295 сонли қарори ва Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва Молия вазирлиги ҳузуридаги Кадастр агентлиги эксперт комиссияси томонидан Сирдарё туманидан жами 279 та кўчаларни номлаш бўйича таклифидан 279 та кўча номлари қонун талабларига номувофиқ эканлиги ўрганилиб чиқиб, 2025 йил 28 апрелдаги 05-19-6586 сонли эксперт хулосаси ҳамда 2025 йил 29 апрелдаги 03/08-4492 сонли хатига асосан 279 та кўчанинг номи Ўзбекистон Республикасининг «Географик объектларнинг номлари тўғрисида»ги 303 сонли қонун ҳужжатлари талабларига мувофиқ эканлиги ўрганилиб чиқиб ижобий хулоса берилди. Юқоридагиларга кўра, Ўзбекистон Республикаси «Маҳаллий давлат ҳокимияти тўғрисида»ги қонунининг 24-моддасига асосан Халқ депутатлари Сирдарё туман Кенгаши қарор қилади:

1. Сирдарё тумани ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчисининг Сирдарё туманида кўчаларни номлаш ва қайта номлаш борасида амалга оширилган ишлар тўғрисидаги ахбороти маълумот учун қабул қилинсин.

2. Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва Молия вазирлиги ҳузуридаги Кадастр агентлиги эксперт комиссиясининг 2025 йил 29 апрелдаги 03/08-4492 сонли хатига асосан, Сирдарё туманида жами 279 та кўчаларни номлаш бўйича таклифидан 279 та кўчанинг номи Ўзбекистон Республикасининг Географик объектларнинг номлари тўғрисида»ги 303 сонли қонун ҳужжатлари талабларига асосан 1-иловага кўра тасдиқлансин.

3. Туман ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси, туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари (Б.Норқулов), ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари (С.Баҳодиров), туман Камбағалликни қисқартириш ва бандликка кўмаклашиш бўлими (С.Ғозиев) ҳамда тумандаги маҳалла фуқаролар йиғинлари раислари билан биргаликда маҳалла фуқаролар йиғинларида кўча номлари акс эттирилган пешлавҳаларни 1 ой муддатда белгиланган тартибда ўрнатиш вазифаси топширилсин.

4. Туман Статистка бўлими (Р.Ғаниев), Ўзбекистон Республикаси Иқтисодиёт ва молия вазирлиги ҳузуридаги Кадастр агентлигилигининг давлат кадастрлари палатаси Сирдарё вилоят бошқармаси Сирдарё туман бўлими (Л.Худайназаров), туман Ички ишлар бошқармаси (О.Абдуллаев)ларга янги ва қайта номланган кўчаларнинг номларини белгиланган тартибда рўйхатга олиш вазифаси юклатилсин.

5. Қарор ижросини таъминлаш учун туман ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси, туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари (Б.Норқулов) ҳамда туман ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари (С.Баҳодиров) масъул этиб белгилансин.

6. Туман ҳокимлиги Ахборот хизмати раҳбари-матбуот котиби (Д.Саримов) ҳамда «Сирдарё газетаси» таҳририяти мухаррири (Д.Эсанова)га:

ушбу қарор юзасидан аҳоли ўртасида кенг тарғиб қилиш мақсадида туманда амалга оширилаётган ишларни ёритиб бориш тавсия этилсин.

7. Ушбу қарорнинг ижросини назорат қилиш, халқ депутатлари Сирдарё туман Кенгашининг таълим, сўғлиқни сақлаш, маданият, спорт ва ижтимоий ҳимоя масалалари бўйича доимий комиссияси раиси (Л.Сабирджанова) зиммасига юклатилсин.

8. Ушбу қарор қабул қилинган кундан эътиборан кучга киради.