Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сон Қарорининг 7-бандида 1 апрелга қадар вегетация даври учун ва 1-октябрга қадар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилишини ва тасдиқлаш учун халқ депутатлари туман Кенгашларига киритилиши белгилаб қўйилган.

Янгийўл тумани «Сув етказиб бериш хизмати» Давлат муассасаси директори К.Й.Абилкасимовнинг маърузасига асосан, Ўзбекистон Республикасининг «Маҳаллий давлат ҳокимияти тўғрисида»ги Қонунини 6 , 24-моддаларига мувофиқ, Халқ депутатлари Янгийўл туман Кенгашини VII чақириқ навбатдаги XII сессияси, қарор қилади:

1. Янгийўл тумани «Сув етказиб бериш хизмати» давлат муассасаси директори К.Й.Абилкасимовнинг ҳисоботи маълумот учун қабул қилинсин.

2. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сон Қарори раҳбарлик ва ижро учун қабул қилинсин.

3. Янгийўл тумани «Сув этказиб бериш хизмати» Давлат муассасаси директори К.Й.Абилкасимовнинг қишлоқ хўжалиги йўналишида якуний истеъмолчиларга сув етказиб бериш бўйича амалга оширган ишлари ҳамда Янгийўл тумани «Сув етказиб бериш хизмати» Давлат муассасасининг 27 мартдаги 21 сонли хати маълумот учун қабул қилинсин.

4. Янгийўл тумани «Сув етказиб бериш хизмати» ДМ директори К.Й.Абилкасимовнинг Янгийўл тумани бўйича 2025 йил вегетация даврида суғориш ишлари учун истеъмолчилар кесимида ажратилган сув лимити тўғрисидаги таклифи маъқуллансин ва туманда 2025 йил вегетация даврида суғориш ишлари учун истеъмолчилар кесимида ажратилган сув лимити 1-2-3-иловаларга мувофиқ тасдиқлансин.

5. Янгийўл тумани «Сув етказиб бериш хизмати» ДМ директори К.Й.Абилкасимовга:

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарори асосида ишларни ташкил этиш;

белгиланган лимитлар асосида истеъмолчиларга сув етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини кўрсатиш бориш вазифалари юклатилсин.

Амалга оширилган ишлар юзасидан жорий йилнинг сентябр ойида халқ депутатлари туман Кенгашига ҳисобот берсин.

6. Мазкур қарор ижросини таъминлаш Янгийўл тумани ҳокимининг қишлоқ ва сув хўжалиги масалалари бўйича ўринбосари Ғ.Т.Турдибаевга ва қарор ижросини назорат қилиш Халқ депутатлари Янгийўл туман Кенгашининг «Аграр, сув хўжалиги ва экология масалалари бўйича» доимий комиссияси раиси З.А.Гаффаров зиммасига юклатилсин.