Ўзбекистон Республикаси Президентининг 2024 йил 5 январь кунги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарорига асосан «Амударё тумани бўйича 2025 йилнинг суғориш мавсуми учун ҳудудлар бўйича тасдиқланган лимит доирасида ишлаб чиқилган якуний истеъмолчилар кесимида экинларни суғориш учун сув олиш лимитларни тасдиқлаш тўғрисида»ги Амударё туман Сув етказиб бериш хизмати давлат муассасаси директорининг ҳисиботини тинглаб ва муҳокама этиб Ўзбекистон Республикасининг «Маҳаллий давлат ҳокимяти тўғрисида»ги Қонунининг 6 ва 24-моддаларига асосан халқ депутатлари Амударё тумани Кенгаши қарор қилади:

1. Амударё тумани бўйича 2025 йилнинг суғориш мавсуми учун ҳудудлар бўйича тасдиқланган лимит доирасида ишлаб чиқилган якуний истеъмолчилар кесимида экинларни суғориш учун сув олиш лимитларни тасдиқлаш тўғрисидаги Амударё туман Сув етказиб бериш хизмати давлат муассасаси директорининг ҳисиботи маълумот учун қабул қилинсин.

2. Амударё тумани бўйича 2025 йилнинг суғориш мавсуми учун ҳудудлар бўйича тасдиқланган лимит доирасида ишлаб чиқилган якуний истеъмолчилар кесимида экинларни суғориш учун сув олиш лимитлари иловага асосан тасдиқлансин.

3. Ушбу қарорнинг ижросини назорат қилиш халқ депутатлари туман Кенгашининг Аграр, сув хўжалиги ва экология масалалари бўйича доимий комиссияси зиммасига юклансин.

4. Ушбу қарор қабул қилинган кундан кучга киради.