Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сон қарорининг 7-бандида ҳар йили 1 апрелга қадар вегетация даври учун ва 1 октябрга қадар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилишини ва тасдиқлаш учун Халқ депутатлари туман Кенгашларига киритилиши белгилаб қўйилганлиги сабабли 2024-2025 йил носуғориш даври ҳамда 2025 йил сув олиш лимитларини сув истеъмолчилари кесимида тасдиқлаб бериш мақсадга мувофиқ деб белгиланган.

Туманда 2025 йил суғориш (вегетация) мавсумида ҳудудлар бўйича сув олиш лимити:

Зангиота ҳудуди майдони 1241,96га, фермер ва сув истеъмолчилар сони 61 та, 8,88 млн.м3;

Наврўз ҳудуди майдони 412,78га, фермер ва сув истеъмолчилар сони 38 та, 2,77 млн.м3;

Назарбек ҳудуди майдони 787,36га, фермер ва сув истеъмолчилар сони 114 та, 5,76 млн.м3;

Ўзбекистон ҳудуди майдони 382,98га, фермер ва сув истеъмолчилар сони 68 та, 3,60 млн.м3;

Дамачи ҳудуди майдони 185,25га, фермер ва сув истеъмолчилар сони 38 та, 1,57 млн.м3;

А.Икромов ҳудуди майдони 788,04га, фермер ва сув истеъмолчилар сони 56 та, 5,94 млн.м3;

Иттифоқ ҳудуди майдони 823,5га, фермер ва сув истеъмолчилар сони 60 та, 6,72 млн.м3;

Туркистон ҳудуди майдони 986,23га, фермер ва сув истеъмолчилар сони 42 та, 7,80 млн.м3;

Эркин ҳудуди майдони 557,11га, фермер ва сув истеъмолчилар сони 41 та, 4,60 млн.м3;

М.Улуғбек ҳудуди майдони 1026,8га, фермер ва сув истеъмолчилар сони 76 та, 7,58 млн.м3;

Бўз сув ҳудуди майдони 1707,44га, фермер ва сув истеъмолчилар сони 50 та, 14,62 млн.м3;

Тўқимачи ҳудуди майдони 435,99га, фермер ва сув истеъмолчилар сони 27 та, 3,57 млн.м3;

Жами суғориладиган экин майдони 9335,44га, жами фермерлар ва сув истеъмолчилар сони 671 тани ташкил этади.

Туман бўйича 2025 йилларнинг суғориш (вегетация) мавсумига талаб этиладиган сув миқдори 73,4 млн.м3 ни ташкил этади. «Чирчиқ-Оҳангарон» ирригация тизимлари ҳавза бошқармаси бўйича 2025 йил суғориш мавсуми учун ажратилган сув олиш лимити туман учун жами 81,6 млн.м3, шу жумладан суғоришга (қишлоқ хўжалиги) 73,4млн м3, балиқчиликка 7,9 млн.м3 ва бошқаларга 0,3 млн.м3 миқдорида тақсимланган.

Юқоридагилардан келиб чиқиб, туман «Сув етказиб бериш хизмати» давлат муассасасининг 2025 йил 27 март 82/09-104 сонли хатини инобатга олиб, туман «Сув етказиб бериш хизмати» давлат муассасаси директори А.Пирмухамедовнинг ҳисоботини тинглаб, Халқ депутатлари туман Кенгаши, «Маҳаллий давлат ҳокимияти тўғрисида»ги Қонунининг 6, 25-моддаларига асосан қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сон Қарори ижро учун қабул қилинсин.

2. Туман «Сув етказиб бериш хизмати» давлат муассасасининг 2025 йил 27 март 82/09-104 сонли хати ва туман «Сув етказиб бериш хизмати» Давлат муассасаси директори А.Пирмухамедовнинг ҳисоботи маълумот учун қабул қилинсин.

3. Туман «Сув етказиб бериш хизмати» давлат муассасаси томонидан 2025 йилнинг суғориш даврида сув манбаларидан олинадиган чекланган сув миқдори 1-иловага мувофиқ тасдиқлансин.

4. Туманда 1 апрелга қадар вегетация даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган режасини бажарилиши туман «Сув етказиб бериш хизмати» давлат муассасаси директори (А.Пирмухамедов) зиммасига юклатилсин.

5. Мазкур қарор ижросини таъминлаш туман ҳокимининг қишлоқ ва сув хўжалиги масалалари бўйича ўринбосари А.Хикматов зиммасига, қарор ижросини назорат қилиш Халқ депутатлари туман Кенгашининг Аграр, сув хўжалиги масалалари ва экология бўйича доимий комиссияси (М.Қорахўжаев) зиммасига юклатилсин.