Ўзбекистон Республикаси Президентининг 2024 йил 5 январдаги ПҚ-5 сонли қарорини ижросини таъминлаш ҳамда Ўзбекистон Республикаси Вазирлар Маҳкамасининг 2013 йил 19 мартдаги 82 сонли қарорида кўрсатиб ўтилган сувни ҳисоб-китоби ва ҳисоботини юритиш тартибига асосан, Фарғона тумани қишлоқ хўжалиги бўлими билан келишилган холда ҳудуддаги барча сув истеъмолчиларни 2025 йил вегитация мавсуми учун қишлоқ хўжалиги экинлари турлари тасдиқланиб, шу асосида ҳар бир сув истеъмолчилари, сув манбалар, иқтисодиёт тармоқлари кесимида сувдан фойдаланиш режалари ишлаб чиқилди.

Юқоридагиларни инобатга олган ҳолда ҳамда Ўзбекистон Республикасининг «Маҳаллий Давлат ҳокимияти тўғрисида»ги Қонунининг 6, 19, 24-моддаларига асосан Халқ депутатлари Фарғона тумани Кенгаши қарор қилади:

1. Ўзбекистон Республикаси Президентининг 2024 йил 5 январь кунги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарори маълумот ва ижро учун қабул қилинсин.

2. Сирдарё-Сўх ирригация тизимлари хавза бошқармаси қошидаги Фарғона тумани «Сув етказиб бериш хизмати» давлат муассасаси томонидан ишлаб чиқилган чекланган (лимит) сув миқдори лимитлари:

2.1. Фарғона тумани ҳудудидаги фермер хўжалиги, МФЙ ва бошқа йўналишдаги сув истеъмолчиларининг 2025 йилнинг суғориш даврида сув олиш лимити 1-иловага;

2.2. Фарғона тумани ҳудудидаги қишлоқ хўжалиги корхоналарини 2025 йилнинг суғориш даврида сув олиш лимити 2-иловага;

2.3. Фарғона тумани ҳудудидаги МФЙ, аҳоли, томорқа йўналишидаги сув истеъмолчиларининг 2025 йилнинг суғориш даврида сув олиш лимити 3-иловага;

2.4. Фарғона тумани ҳудудидаги балиқчилик йўналишидаги сув истеъмолчиларининг 2025 йилнинг суғориш даврида сув олиш лимити 4-иловага мувофиқ тасдиқлаш тавсия этилсин.

3. Туман ҳокимининг қишлоқ ва сув хўжалиги масалалари бўйича ўринбосари (Жўраэв), Сирдарё-Сўх ирригация тизимлари хавза бошқармаси қошидаги Фарғона тумани «Сув етказиб бериш хизмати» давлат муассасаси директори (Юлдашев) ҳамда бошқа мутасадди ташкилотлар билан биргаликда:

туманга сув етказиб бериш бўйича ишлаб чиқилган лимитларни Ўзбекистон Республикаси Президентининг 2024 йил 5 январь кунги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарор талаби асосида амалга ошириш;

қарор мазмун моҳиятини массивлар ҳамда улар таркибидаги фермер ҳамда деҳқон хўжаликлари, МЧЖ, корхона ва ташкилотларга етказиш;

иловада кўрсатилган лимитларни ўз вақтида ва сифатли ҳолатда етказиб бериш;

қарордан келиб чиқадиган бошқа вазифаларни амалга ошириш;

амалга оширилаётган ишлар тўғрисида ҳар чоракда Халқ депутатлари Фарғона тумани Кенгашга ҳисобот киритиш вазифалари юклатилсин.

4. Мазкур қарор ижросини назорат қилиш Аграр, қурилиш, коммунал соҳалар, экология, саноат ва транспорт масалалари бўйича доимий комиссия (Хамдамов), Коррупцияга қарши курашиш, давлат органларида очиқликни таъминлаш ва ҳуқуқий масалалар бўйича доимий комиссия раиси (Қ.Макаров) аъзолари зиммасига юклатилсин.

5. Ушбу қарор тасдиқланган кундан эътиборан кучга киради.