Ўзбекистон Республикасининг «Бюджет кодекси»нинг 143-моддасига асосан ҳамда туман иқтисодиёт ва молия бўлимининг 2025 йил 25 мартдаги 01-14-237/20-02/99 сонли мурожаатини ҳамда туман ҳокимининг ўринбосари – Б.Джафаровнинг 2025 йил 26 мартдаги 05-17/44 сонли хати, туман ҳокимлиги ва туман тиббиёт бирлашмасининг халқ депутатлари Чуст тумани Кенгашининг 2025 йил 28 февралдаги «Чуст тумани маҳаллий бюджетининг 2025 йил бошига сақланган эркин қолдиқ маблағларини йўналтириш тўғрисида»ги VII-7-25-6-89-K/25-сонли қарори иловасининг тегишли бандларига ўзгартириш киритиш ҳақидаги таклифлари, шунингдек, туман Адлия бўлимининг 2025 йил 17 апрелдаги 11-7/4 сонли тақдимномасини инобатга олиб, «Маҳаллий давлат ҳокимияти тўғрисида»ги Ўзбекистон Республикаси қонунининг 6, 19¹ ва 24-моддаларига мувофиқ халқ депутатлари туман Кенгаши қарор қилади:

1. Ўзбекистон Республикаси Бюджет кодексининг «Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг харажатларига ўзгартиришлар киритиш тартиби» тўғрисидаги 147-моддасига асосан, Қорақалпоғистон Республикаси бюджетининг, вилоятлар ва Тошкент шаҳар маҳаллий бюджетларининг харажатларига тегишли бюджетларнинг тасдиқланган параметрларига нисбатан уларнинг харажатларини 10 фоиздан кам миқдорга кўпайтиришни ёки камайтиришни назарда тутадиган ўзгартиришлар киритиш тегишинча Қорақалпоғистон Республикаси Молия вазирлиги, вилоятлар ва Тошкент шаҳар молия бошқармалари тақдимномасига кўра тегишинча Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлари томонидан ҳамда «Туманлар ва шаҳарлар бюджетининг харажатлари ёйилмасига ўзгартиришлар киритиш тартиби» тўғрисидаги 148-моддасига асосан, Бюджет тизими бюджетларига ўзгартиришлар киритиш тартиби тўғрисидаги 143-моддасига асосан амалга оширилиши белгиланган.

«Бюджет ташкилотларида ишловчи аёлларга ҳомиладорлик ва туғиш бўйича нафақа, фуқароларнинг айрим тоифаларига уй-жой коммунал хизматлар ҳаққини тўлаш бўйича имтиёзлар ўрнига ҳужжатларда назарда тутилган ойлик компенсация пул тўловлари ҳамда бола туғилганда бериладиган бир йўла нафақани тўлаш бўйича харажатларни молиялаштириш тартиби тўғрисида Низомни тасдиқлаш ҳақида»ги (Ўзбекистон Республикаси Адлия вазирлиги томонидан 2010 йил 23 февралдаги рўйхатдан ўтказилди, рўйхат рақами № 2080) Низомга мувофиқ, «Гумон қилинувчи, айбланувчи ёки судланувчига адвокатлар томонидан юридик ёрдам кўрсатиш бўйича харажатларни давлат ҳисобига ўтказиш тартиби тўғрисидаги Низомни тасдиқлаш ҳақида»ги (Ўзбекистон Республикаси Адлия вазирлиги томонидан 2024 йил 27 декабрда 1878-1 сон билан давлат рўйхатидан ўтказилган) Низомга мувофиқ, Ўзбекистон Республикаси Президентининг 2023 йил 10 апрелдаги ПҚ-118 сонли қарорига мувофиқ, 2025 йил давомида туман маданият бўлимининг 06.03.2025 йилдаги 01-19/24 сонли, туман ҳокимлигининг 17.03.2025 йилдаги 04-05/52 сонли, туман ҳокимлигида 11.03.2025 йилда Т-178 сон билан рўйхатга олинган туман қўриқлаш бўлимининг 10.02.2025 йилдаги 2/45/33-38 сонли сўровларига мувофиқ 2025 йил давомида туман маҳаллий бюджетининг тасдиқланган харажатлар режаси кўрсаткгичларига ўзгартиришлар киритилганлиги иловага мувофиқ тасдиқлансин.

2. Туман иқтисодиёт ва молия бўлими (А.Умаров)га 2025 йил учун тасдиқланган харажатлар ёйилмасига иловага мувофиқ ўзгартиришлар киритиш вазифаси юклатилсин.

3. Ўзбекистон Республикаси Президентининг 2025 йил 3 январдаги «2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида»ги ПҚ-1 сонли қарори ижросини туманда самарали таъминлаш мақсадида туман ҳокимлиги балансида фойдаланилмаётган бўш бино мавжуд эмаслигини инобатга олиб, туманда маҳалла ҳуқуқ-тартибот маскани ташкил этиш учун «Кафолат суғурта акциядорлик жамияти»га тегишли бўлган бўш турган бинони сотиб олиш ҳақидаги таклиф маъқуллансин ҳамда ушбу мақсад учун зарур бўлган маблағ туман маҳаллий бюджетининг 2025 йил 1-чорак якуни билан кутилаётган даромадлар режасини орттириб бажариладиган қисми маблағлари ҳисобидан ажратилиши тавсия этилсин.

4. Туман ҳокимлиги ва туман тиббиёт бирлашмасининг халқ депутатлари туман Кенгашининг 2025 йил 28 февралдаги «Чуст тумани маҳаллий бюджетининг 2025 йил бошига сақланган эркин қолдиқ маблағларини йўналтириш тўғрисида»ги VII-7-25-6-89-K/25-сонли қарори иловасининг тегишли банларига ўзгартириш киритиш ҳақидаги таклифлари маъқуллансин ва ушбу қарор иловасининг:

2-бандидаги «Туман ҳокимлигини таъмирлаш харажати» жумласи «туман ҳокимлигини таъмирлаш билан боғлиқ қурилиш материаллари сотиб олиш ва бошқа харажатлар учун» жумласи билан;

3-бандидаги «Туман тиббиёт бирлашмасига қарашли Дамобод ОШП биносини таъʻмирлаш учун қурилиш материалларини сотиб олиш харажатлари» жумласи «Туман тиббиёт бирлашмасига қарашли Дамобод ОШП биносини таъъмирлаш учун қурилиш материаллари сотиб олиш ва бошқа харажатлар учун» жумласи билан алмаштирилсин.

5. Туман Адлия бўлимининг 2025 йил 17 апрелдаги 11-7/4 сонли тақдимномаси маълумот ва асос учун қабул қилинсин ҳамда мазкур қарорнинг қабул қилиниши муносабати билан халқ депутатлари туман Кенгашининг 2025 йил 3 апрелдаги VII-9-33-6-89-K/25-сонли қарори бекор қилинсин.

6. Мазкур қарорнинг ижросининг назорати халқ депутатлари туман Кенгашидаги Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (У.Азизов) зиммасига юклатилсин.