Ўзбекистон Республикасининг «Географик объектларнинг номлари тўғрисида»ги Қонуни, Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ географик объектларнинг номлари соҳасидаги ишларни тартибга солиш чора-тадбирлари тўғрисида»ги 295 сонли қарорига асосан ҳамда Географик объектларга ном бериш ёки уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 5 мартдаги 05-19-3446 сонли ва 2025 йил 26 мартдаги 05-19-4741 сонли йиғилиш баёнлари ва эксперт хулосаларини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 24-моддаларига асосан халқ депутатлари туман Кенгаши қарор қилади:

1. Географик объектларга ном бериш ёки уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 5 мартдаги 05-19-3446 сонли ва 2025 йил 26 мартдаги 05-19-4741 сонли йиғилиш баёнлари ва эксперт хулосалари ҳамда туман ҳокимининг маънавий маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Ғ.Эргашевнинг ҳисоботи маълумот учун қабул қилинсин.

2. Қарши туманидаги мавжуд жами 15 (ўн беш) та географик объектларни (қабристон ва зиёротгоҳларни) номлаш бўйича таклифлар иловага мувофиқ тасдиқлансин.

3. Туман ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Ғ.Эргашев тегишли ташкилотлар билан баргаликда мазкур географик объектларни Давлат реестрига киритиш чораларини кўрсин.

4. Мазкур қарор қабул қилиниши муносабати билан халқ депутатлари Қарши туман Кенгашининг 2025 йил 16 апрелдаги VII-8-40-4-59-K/25-сонли қарори ўз кучини йўқотган деб ҳисоблансин.

5.Мазкур қарор ижросини назорат қилиш туман ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Ғ.Эргашев ҳамда халқ депутатлари туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси раиси Ш.Сафарова зиммасига юклатилсин.