Ўзбекистон Республикаси Вазирлар Маҳкамасининг 2024 йил 20 майдаги «Шаҳарлар, шаҳарчалар, қишлоқлар ва овулларнинг маҳаллаларини тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш, уларга ном бериш ва уларнинг номини ўзгартириш тартиби тўғрисидаги низомни тасдиқлаш тўғрисида» 294 сон қарори қабул қилинган.

Ўзбекистон маҳаллалари уюшмаси вилоят бошқармасининг хати ҳамда вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиясининг йиғилиш баёни билан тасдиқланган хулосасини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 24-моддаларига асосан халқ депутатлари вилоят Кенгаши қарор қилади:

1. Ўзбекистон маҳаллалари уюшмаси вилоят бошқармасининг хати, вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиясининг йиғилиш баёни билан тасдиқланган хулосаси ҳамда Ўзбекистон маҳаллалари уюшмаси вилоят бошқармаси бошлиғи М.Умаровнинг ахбороти маълумот учун қабул қилинсин.

2. Вилоятда бирлаштириладиган маҳалла фуқаролар йиғинлари рўйхати иловага мувофиқ маъқуллансин.

3. Туман (шаҳар) ҳокимликлари алоқадор ташкилотлар билан биргаликда бирлаштириладиган маҳалла фуқаролар йиғинларини қайта давлат рўйхатидан ўтказиш ҳамда муҳр ва тамғаларини алмаштириш чораларини кўрсин.

4. Ушбу қарор вилоят ҳокимлигининг расмий веб-сайти ва оммавий ахборот воситаларида эълон қилинсин.

5. Мазкур қарорнинг ижросини назорат қилиш халқ депутатлари вилоят Кенгашининг ёшлар сиёсати, маданият ва спорт масалалари бўйича доимий комиссияси раиси З.Туева зиммасига юклансин.

6. Қарор расмий эълон қилинган кундан эътиборан кучга кириши белгилансин.