Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5-сонли қарори ижросини таъминлаш мақсадида Шовот тумани «Сув етказиб бериш» хизмати давлат муассасаси директорининг ҳисоботи атрофлича муҳакама этилиб, «Маҳаллий давлат ҳокимияти органлари тўғрисида»ги Ўзбекистон Республикаси қонунининг 6 ва 24-моддаларига мувофиқ халқ депутатлари Шовот тумани Кенгаши қарор қилади:

1.Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5-сонли қарори раҳбарлик ва ижро учун қабул қилинсин.

2. Шовот тумани «Сув етказиб бериш хизмати» давлат муассасасининг 2025 йил 7 апрелдаги 56-сонли хати ва туман «Сув етказиб бериш хизмати» давлат муассасаси бошлиғи Ж.Искандаровнинг ҳисоботи маълумот учун қабул қилинсин.

3. Шовот тумани «Сув етказиб бериш хизмати» давлат муассасаси томонидан ишлаб чиқилган чекланган (лимит) 2025 йил учун сув миқдори лимитлари 1-2-иловага мувофиқ тасдиқлансин.

4. Шовот тумани «Сув етказиб бериш» хизмати давлат муассасаси директори Ж.Искандаровга;

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш сармарадорлигини ошириш чора-тадбирлари тўғрисида»ги ПҚ-5-сонли қарори асосида ишларни ташкил этиш;

белгиланган лимитлар асосида истеъмолчиларга сув етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини кўрсатиш;

амалга оширилган ишлар юзасидан халқ депутатлари туман Кенгашига ҳисоботларни ўз вақтида бериб бориш вазифалари юклатилсин.

5. Ушбу қарор туман ҳокимлигининг расмий нашри ҳисобланган «Шовот истиқболи» газетасида эълон қилинсин.

6. Туман ҳокимлигининг ахборот хизмати бўлими (С.Йўлдошев) туман ҳокимлиги бош юрисконсульти билан ҳамкорликда (З.Раҳимов);

мазкур қарорни туман ҳокимлигининг шовоттуман.уз расмий веб-сайтига жойлаштирсин;

7. Мазкур қарор ижросинитаъминлаш туман ҳокимининг ўринбосари Н.Бобониёзов, туман «Сув етказиб бериш» хизмати давлат муассасаси директори Ж.Искандаров ҳамда қарор ижросини назорат қилиш халқ депутатлари туман Кенгашининг аграр, сув хўжалиги масалалари ва экология бўйича доимий комиссияси раиси О.Садуллаев зиммаларига юклатилсин.