Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5 сонли қарори ижросини таъминлаш мақсадида туман ҳокимининг қишлоқ ва сув хўжалиги масалалари бўйича ўринбосари О.Хажимовнинг ахбороти атрофлича муҳокама этилиб, «Маҳаллий давлат ҳокимияти органлари тўғрисида»ги Ўзбекистон Республикаси қонунининг 6 ва 24-моддасига мувофиқ халқ депутатлари Қўшкўпир тумани Кенгаши қарор қилади:

1 Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5 сонли қарори раҳбарлик ва ижро учун қабул қилинсин.

2. Қўшкўпир тумани «Сув етказиб бериш хизмати» давлат муассасасининг сув манбалари, иқтисодиёт тармоқлари ҳамда ҳудудлари бўйича 2025 йилнинг вегетация (суғориш) даврида сув манбаларидан олинадиган сув миқдори (лимит) 1 ва 2- иловаларга мувофиқ тасдиқлансин.

3. Туман ҳокимининг қишлоқ ва сув хўжалиги масалалари бўйича ўринбосари (О.Хажимов), Қўшкўпир тумани «Сув етказиб бериш хизмати» давлат муассасаси директори (Х.Валиев)га 5 кун муддатда:

сув манбалари, иқтисодиёт тармоқлари ва ҳудудлари бўйича ишлаб чиқилган сув олиш лимитларини барча сув истеъмолчиларига етказиш;

сув истеъмолчилари билан уларга ажратилган сув олиш лимитлари доирасида сувдан фойдаланиш ёки сув истеъмоли тўғрисидаги шартномаларнинг тузилишини ҳамда уларни белгиланган тартибда рўйхатдан ўтказилишини таъминласин.

4. Қўшкўпир тумани «Сув етказиб бериш хизмати» давлат муассасасига (Х.Валиев) сувдан мақсадли ва самарали фойдаланиш бўйича ўқув семинарлари ва тушунтириш ишлари олиб бориш вазифаси юклатилсин.

5. Мазкур қарорнинг ижросини назорат қилиш туман ҳокимининг ўринбосари О.Хажимов ҳамда халқ депутатлари туман Кенгашининг Аграр, сув хўжалиги ва экология масалалари бўйича доимий комиссияси раиси А.Эркинов зиммаларига юклатилсин.

6. Ушбу қарор қабул қилинган кундан кучга киради.