Оҳангарон туман «Сув етказиб бериш хизмати» Давлат муассасаси директори А.Алиқуловнинг - Ўзбекистон Республикаси Президентининг 2024 йил 5 январдаги ПҚ-5 сонли қарорида белгиланган топшириқларнинг Оҳангарон туманидаги ижроси тўғрисида – Вазирлар Маҳкамасининг 2013 йилдаги 82 сонли қарори билан тасдиқланган Низомга асосан туман Кенгаши қарори билан 588 сув истеъмолчиларига, шунингдек, бошқа сувдан фойдаланувчилар ва сув истеъмолчиларига Оҳангарон тумани амалаётига эга бўлган сув объектларидан манбалар, ҳудудлар ва иқтисодиёт тармоқлари бўйича белгиланиши кўрсатиб ўтилганлиги тўғрисида ҳисоботи тингланиб, Халқ депутатлари Оҳангарон туман Кенгаши «Аграр, сув хўжалиги ва экология масалалари» бўйича доимий комиссиясининг йиғилиш баёнини инобатга олиб, «Маҳаллий давлат ҳокимияти тўғрисида»ги Қонунининг 6 ва 24-моддаларига асосан Халқ депутатлари туман Кенгаши, қарор қилади:

1. Оҳангарон туман «Сув етказиб бериш хизмати» Давлат муассасаси директори А.Алиқуловнинг - Ўзбекистон Республикаси Президентининг 2024 йил 5 январдаги ПҚ-5 сонли қарорида белгиланган топшириқларнинг Оҳангарон туманидаги ижроси тўғрисидаги ҳисоботи маълумот учун қабул қилинсин.

2. Оҳангарон туманида 2025 йил суғориш даврида сув истеъмолчилари кесимида сувдан фойдаланиш бўйича лимит ҳудудлар бўйича иловаларга асосан тасдиқлансин.

3. Ўзбекистон Республикаси Президентининг 2024 йил 5 январдаги ПҚ-5 сонли қарорида белгиланган топшириқларнинг Оҳангарон туманидаги ижроси Халқ депутатлари туман Кенгашига ҳар чоракларда ҳисобот бериб борилиши белгилаб қўйилсин.

4. Халқ депутатлари Оҳангарон тумани Кенгашининг барча депутатларига:

Ўзбекистон Республикаси Президентининг 2024 йил 5 январдаги ПҚ-5 сонли қарорида белгиланган топшириқларнинг изчил, сифатли ва ўз вақтида бажарилиши юзасидан самарали жамоатчилик назоратини ўрнатсин.

5. Мазкур қарор ижросини назорат қилиш Халқ депутатлари Оҳангарон тумани Кенгашининг «Аграр, сув хўжалиги ва экология масалалари» бўйича доимий комиссияси раиси (А.Ташанов)га, ижросини таъминлаш туман ҳокимининг ўринбосари А.Бойқобилов зиммаларига юклатилсин.

6. Ушбу қарор қабул қилинган кундан эътиборан кучга киради.