Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5-сонли қарорига асосан туман ирригация бўлимлари ҳамда махсус хизматлари негизида «Сув етказиб бериш хизмати» давлат муассасалари ташкил этилганлиги ва уларнинг вазифалари белгилаб берилганини билдирди.

Шунингдек, ушбу қарорда сув хўжалиги ташкилотларига қишлоқ хўжалиги маҳсулотларини ишлаб чиқарувчиларига вегетация давридаги суғориш лимитларини жорий йилнинг 1 апрелига қадар етказиш ва тасдиқлаш учун туман халқ депутатлари Кенгашига киритиш топширилганлигини ва шунга мувофиқ, Туман сув етказиб бериш хизмати давлат муассасаси томонидан 2025 йилнинг вегетация мавсуми учун истеъмолчиларнинг сув манбалари ва иқтисодиёт тармоқлари бўйича сув олиш лимитлари ишлаб чиқилганлигини айтди.

Кун тартибидаги масалани атрофлича муҳокама қилиб, Ўзбекистон Республикаси «Маҳаллий давлат ҳокимияти тўғрисида»ги қонунининг 6 ва 24-моддаларига мувофиқ халқ депутатлари туман Кенгаши қарор қилади:

1. Туман сув етказиб бериш хизмати давлат муассасасининг сув манбалари, иқтисодиёт тармоқлари ҳамда ҳудудлар бўйича 2025 йилнинг ёзги суғориш даври учун чекланган сув миқдори (лимит) 1 ва 2- иловаларга мувофиқ тасдиқлансин.

2. Туман ҳокимининг қишлоқ ва сув хўжалиги масалари бўйича ўринбосари Б.Султанов ва туман сув етказиб бериш хизмати давлат муассасаси директори А.Сапаевлар:

сув манбалари, иқтисодиёт тармоқлари ва ҳудудлар бўйича ишлаб чиқилган сув олиш лимитларини барча сув истеъмолчиларига етказсин;

сув истеъмолчилари билан уларга ажратилган сув олиш лимитлари доирасида сувдан фойдаланиш ёки сув истеъмоли тўғрисидаги шартномаларнинг тузилишини ҳамда уларни белгиланган тартибда рўйхатдан ўтказилишини таъминласин.

3. Янгибозор тумани сув етказиб бериш хизмати давлат муассасаси (А.Сапаев) ва туман қишлоқ хўжалиги бўлими (А.Қазақов) биргаликда сувдан мақсадли ва самарали фойдаланиш бўйича ўқув семинарлари ва тушунтириш ишларини олиб бориш вазифаси юклатилсин.

4. Халқ депутатлари Янгибозор туман Кенгашининг 2024 йил 28-сентябрдаги «2024-2025 йилларнинг куз-қиш даври учун туманда сув олиш лимитини тасдиқлаш тўғрисида»ги VI-102-107-12-178-K/24-сонли қарори бекор қилинсин.

5. Мазкур қарор ижросини назорат қилиш халқ депутатлари туман Кенгашининг аграр, қурилиш, коммунал соҳалар, экология, саноат ва транспорт масалалари бўйича доимий комиссияси раиси (М.Атажанов) зиммасига юклатилсин.