Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сон Қарорнинг 7-бандида 1 апрелга қадар вегетация даври учун ва 1 октябрга қадар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилишини ва тасдиқлаш учун халқ депутатлари туман Кенгашларига киритилиши белгилаб қўйилган. Шунга кўра 2025 йил суғориш даври учун сув олиш лимитларини ҳудудлар ва манбалар бўйича тасдиқлаб бериш мувофиқ деб белгиланган.

Қибрай туманига 2025 йил суғориш даври учун 251,34 млн м³ сув (лимит) ажратилган. Шундан 124,5 млн м³ сув қишлоқ хўжалиги экинларини суғоришга, 126,83 млн м³ сув саноат тармоқларига тақсимланган. Қишлоқ хўжалиги экинларини суғориш учун ажратилган 124,5 млн м³ сув ҳудудлар ва манбалар кесимида қайта тақсимлаб чиқилди.

Юқоридагилардан келиб чиқиб Қибрай туман «Сув етказиб бериш хизмати» Давлат муассасасининг 2025 йил 27 мартдаги 82/11-84 сонли хатини инобатга олиб, туман «Сув етказиб бериш хизмати» Давлат муассасаси директори У.Юлдашевнинг ҳисоботини тинглаб «Маҳаллий давлат ҳокимияти тўғрисида»ги Ўзбекистон Республикаси Қонунининг 6- ва 24-моддаларига мувофиқ Халқ депутатлари Қибрай туман Кенгаши қарор қилади:

1.Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сон Қарори раҳбарлик ва ижро учун қабул қилинсин.

2. Қибрай тумани «Сув етказиб бериш хизмати» Давлат муассасасининг 2025 йил 27 мартдаги 82/11-84 сонли хати ва туман «Сув етказиб бериш хизмати» Давлат муассасасининг директори У.Юлдашевнинг ҳисоботи маълумот учун қабул қилинсин.

3. Қибрай тумани «Сув етказиб бериш хизмати» Давлат муассасаси томонидан Қибрай туманида 2025 йил суғориш (вегетация) даври учун ҳудудлар кесимида сув олиш лимити 1-иловага мувофиқ тасдиқлансин.

4. Қибрай туманида 2025 йил суғориш (вегетация) даври учун манбалар кесимида сув олиш лимити 2-иловага мувофиқ тасдиқлансин.

5. Мазкур қарор ижросини назорат қилиш халқ депутатлари туман Кенгашининг Аграр, қурилиш, коммунал соҳалари, экология, саноат ва транспорт масалалари бўйича доимий комиссияси раиси А.Касимов зиммасига юклатилсин.