Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сон Қарорининг 7-бандида 1 апрелга қадар вегетация даври учун ва 1-октябрга қадар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилишини ва тасдиқлаш учун халқ депутатлари туман Кенгашларига киритилиши белгилаб қўйилган.

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сон қарорига асосан Чиноз тумани «Сув етказиб бериш хизмати» Давлат муассасасининг 2025 йил 11 апрелдаги 82/14-55-сонли хатини кўриб чиқиб, муассаса директори М.Тожибоевнинг ҳисоботини тинглаб, Халқ депутатлари Чиноз тумани Кенгашининг Аграр, сув хўжалиги ва экология масалалари бўйича доимий комиссиясининг 2025 йил 24 апрелдаги 03-04-ДКБ/10-сонли мажлис баёни, доимий комиссиясининг ДКҚ 03-04/12-25-сонли қарори ва хулосасини, Халқ депутатлари Чиноз тумани Кенгашидаги Ўзбекистон Экологик партиясидан сайланган депутатлар партия гуруҳининг ташаббусини ҳамда депутатлар томонидан билдирилган таклиф ва фикр-мулоҳазаларни инобатга олиб, «Маҳаллий давлат ҳокимияти тўғрисидаги Ўзбекистон Республикаси Қонунининг 6 ва 24-моддаларига мувофиқ, халқ депутатлари Чиноз тумани Кенгаши қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сон Қарори раҳбарлик ва ижро учун қабул қилинсин.

2. Чиноз тумани «Сув этказиб бериш хизмати» Давлат муассасаси директори М.Тожибоевнинг қишлоқ хўжалиги йўналишида якуний истеъмолчиларга сув етказиб бериш бўйича амалга оширган ишлари ҳамда Чиноз тумани «Сув етказиб бериш хизмати» Давлат муассасасининг 11 апрелдаги 82/14-55-сонли хати маълумот учун қабул қилинсин.

3. Чиноз тумани «Сув етказиб бериш хизмати» ДМ директори М.Тожибоевнинг Чиноз тумани бўйича 2025 йил вегетация даврида суғориш ишлари учун истеъмолчилар кесимида ажратилган сув лимити тўғрисидаги таклифи маъқуллансин ва туманда 2025 йил вегетация даврида суғориш ишлари учун истеъмолчилар кесимида ажратилган сув лимити 1-2-3-4-иловаларга мувофиқ тасдиқлансин.

4. Чиноз тумани «Сув етказиб бериш хизмати» ДМ директори М.Тожибоевга:

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш сармарадорлигини ошириш чора-тадбирлари тўғрисида»ги ПҚ-5-сонли қарори асосида ишларни ташкил этиш;

белгиланган лимитлар асосида истеъмолчиларга сув етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини кўрсатиш бориш вазифалари юклатилсин.

Амалга оширилган ишлар юзасидан жорий йилнинг сентябр ойида халқ депутатлари туман Кенгашига ҳисобот берсин.

5. Мазкур қарор ижросини таъминлаш Чиноз тумани ҳокимининг қишлоқ ва сув хўжалиги масалалари бўйича ўринбосари Л.Шамсудинов зиммасига, қарор ижросини назорат қилиш халқ депутатлари Чиноз тумани Кенгашининг Чиноз тумани Кенгашининг Аграр, сув хўжалиги масалалари ва экология бўйича доимий комиссияси (Д.Тешабаев) зиммасига юклатилсин.