“Oʻzbekiston Respublikasida kommunal xizmat koʻrsatishni boshqarishni takomillashtirish toʻgʻrisida”gi Farmonga muvofiq Vazirlar Mahkamasi qaror qiladi:

1. “Oʻzsuvoqova”, “Oʻztaʼmirqurilish”, “Oʻzissiqlikmanbai” “Oʻzbekgaz” respublika ishlab chiqarish birlashmalari va viloyatlar uy-joy-kommunal xoʻjalikning ishlab chiqarish birlashmalari tugatilsin.

Oʻzbekiston Respublikasi Kommunal xizmat koʻrsatish vazirligiga bevosita boʻysunuvchi korxonalar va tashkilotlarning roʻyxati 1-ilovaga* muvofiq tasdiqlansin. Vazirlik 3 oy muddatda mazkur ilovada qayd etib oʻtilgan korxonalar va tashkilotlarning bir qismini tegishli hududiy kommunal-foydalanish birlashmalari boʻysunishiga berishni koʻrib chiqsin va bersin.

2. Quyidagi hududiy kommunal-foydalanish birlashmalari tashkil etilsin:

viloyatlarda — mahalliy boʻysunishdagi uy-joy-kommunal xoʻjaligi korxonalari va tashkilotlari, tugatilayotgan “Oʻzsuvoqova”, “Oʻztaʼmirlashqurilish”, “Oʻzissiqlikmanbai” va “Oʻzbekgaz” respublika ishlab chiqarish birlashmalarining viloyat boʻlinmalari negizida, bevosita Oʻzbekiston Respublikasi Kommunal xizmat koʻrsatish vazirligi boʻysunishida qoluvchi viloyatlararo va respublika ahamiyatiga ega boʻlgan korxonalar bundan mustasno;

Toshkent shahrida — Toshkent shahar hokimligi uy-joy-kommunal xoʻjaligi korxonalari va tashkilotlari negizida, uning tarkibiga “Oʻzbekgaz” ishlab chiqarish birlashmasining “Toshgaz” gaz xoʻjaligidan foydalanish boshqarmasini bergan holda;

shaharlarda va tumanlarda — shahar (tuman) kommunal-foydalanish boshqarmalari.

3. Viloyat (Toshkent shahri) hududiy kommunal-foydalanish birlashmasining va shahar (tuman) kommunal-foydalanish boshqarmasining namunaviy tuzilmalari 2, 3-ilovalarga* muvofiq tasdiqlansin.

4. Belgilab qoʻyilsinki:

viloyatlar va Toshkent shahar hududiy kommunal-foydalanish birlashmalari Oʻzbekiston Respublikasi Kommunal xizmat koʻrsatish vazirligi hamda tegishli viloyat va Toshkent shahar hokimligi, shahar (tuman) kommunal-foydalanish boshqarmalari esa —hududiy birlashma va shahar (tuman) hokimligi qaramogʻida boʻladilar;

viloyatlar, Toshkent shahrining hududiy birlashmalari boshliqlari lavozimlariga koʻra viloyatlar, Toshkent shahar hokimining oʻrinbosarlari hisoblanadilar.

5. Qopaqalpogʻiston Respublikasi Vazirlar Kengashiga respublikada kommunal xizmat koʻrsatishni boshqarishning ana shunday tuzilmasini qabul qilish tavsiya etilsin.

6. “Oʻzuyjoykommunkomplekt” ishlab chiqarish birlashmasi “Oʻzkommunmashkomplekt” respublika birlashmasiga aylantirilsin, Angren tajriba-mexanika zavodi, “Fargʻonagazapparat” zavodi, “Oʻzbekgazavtematika” ishlab chiqarish birlashmasi va “Sharq” brokerlik idorasi uning tarkibiga berilsin.

7. Oʻzbekiston Respublikasi Kommunal xizmat koʻrsatish vazirligi tarkibiga kiruvchi birlashmalar, korxonalar va tashkilotlar roʻyxati 4-ilovaga* muvofiq tasdiqlansin.

8. Belgilab qoʻyilsinki, Oʻzbekiston Respublikasi Kommunal xizmat koʻrsatish vazirligi:

aholiga kommunal xizmat koʻrsatishni hududiy kommunal-foydalanish birlashmalari orqali shartnoma asosida amalga oshiradi;

tarmoqni rivojlantirish uchun markazlashtirilgan tartibda ajratiladigan valyuta mablagʻlarining, sarmoya mablagʻlarining, moddiy texnika resurslari va davlat ehtiyojlari uchun mahsulotlarga kvotalarning fond egasi hisoblanadi;

vazirlikka bevosita boʻysunuvchi hududiy kommunal-foydalanish birlashmalari va korxonalari hamda tashkilotlarining daromadlaridan ajratmalar hisobiga umumtarmoq dasturlarini mablagʻ bilan taʼminlash, vazirlik apparatini saqlash va boshqa xarajatlar uchun kommunal xizmat koʻrsatishni barqarorlashtirish va rivojlantirishning yagona jamgʻarmasini tashkil etadi;

oʻz vakolati doirasida respublika hududida barcha vazirliklar, davlat qoʻmitalari, konsernlar, idoralar, Qoraqalpogʻiston Respublikasi Vazirlar Kengashi, hokimliklar, birlashmalar, korxonalar, muassasalar, tashkilotlar va respublika fuqarolari uchun majburiy boʻlgan kommunal xoʻjalik obyektlaridan foydalanish va ularning saqlanishini taʼminlash sohasida normativ hujjatlarni ishlab chiqadi.

9. “Oʻzistiqbolstat” davlat qoʻmitasi, Oʻzbekiston Respublikasi Moliya vazirligi 1994-yildan boshlab:

Kommunal xizmat koʻrsatish vazirligi xoʻjaliklararo suv quvurlarini rivojlantirishga va ularni qurishga hamda respublika ahamiyatiga ega boʻlgan obyektlarga;

Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga hududlarning oʻzlarining mablagʻlari hisobidan taʼminlashga bosqichma-bosqich oʻtishni hisobga olgan holda obyektlarni rivojlantirishga va tumanlararo, tuman ichki magistral tarqatuvchi tarmoqlar qurilishiga, suv, gaz, issiqlik taʼminoti va kanalizatsiya obyektlariga belgilangan tartibda markazlashtirilgan sarmoya mablagʻlari limitini ajratishni nazarda tutsinlar.

10. Oʻzbekiston Respublikasi Moliya vazirligi Oʻzbekiston Respublikasi Kommunal xizmat koʻrsatish vazirligi bilan birgalikda 1994-yil 1-yanvargacha kommunal tarmoqning asosiy moliyaviy koʻrsatkichlari tizimini ishlab chiqsin.

11. “Oʻzshartnomasavdo” va boshqa ixtisoslashtirilgan taʼminot-sotish tashkilotlari kommunal xoʻjaligini kapital qurilish, qayta qurish, asosli tuzatish va obyektlardan foydalanish uchun ishlab chiqarish-texnika mahsulotlarning zarur turlari bilan ustuvor tartibda davlat ehtiyojlari darajasida taʼminlashni amalga oshirsinlar.

12. Oʻzbekiston Respublikasi Kommunal xizmat koʻrsatish vazirligi markaziy apparatining tuzilmasi 5-ilovaga* muvofiq va uning xodimlari soni — 130 nafardan iborat etib (xizmat koʻrsatuvchi xodimlarsiz) tasdiqlansin.

Kommunal xizmat koʻrsatish vazirligiga vazirning 4 nafar oʻrinbosariga, shu jumladan, bir nafar birinchi oʻrinbosariga hamda shaxsiy tarkibi Vazirlar Mahkamasi tomonidan tasdiqlanadigan 9 kishidan iborat hayʼatga ega boʻlishga ruxsat berilsin.

13. Oʻzbekiston Respublikasi Kommunal xizmat koʻrsatish vazirligi ikki hafta muddatda:

hududiy kommunal-foydalanish birlashmasi va shahar (tuman) kommunal-foydalanish boshqarmasi toʻgʻrisidagi namunaviy nizomlarni ishlab chiqsin;

vazirlikning yangi vazifalari va faoliyati yoʻnalishlarini hisobga olgan holda Oʻzbekiston Respublikasi Kommunal xizmat koʻrsatish vazirligi toʻgʻrisidagi Nizom loyihasini Vazirlar Mahkamasiga kiritsin.

14. Oʻzbekiston SSR Ministrlar Sovetining 1988-yil 30-avgustdagi 308-son qarori oʻz kuchini yoʻqotgan deb hisoblansin.

15. Mazkur qapopning bajarilishini nazorat qilish Bosh vazirning oʻrinbosari oʻrtoq K. N. Toʻlaganov zimmasiga yuklatilsin. Qarorning qanday bajarilayotganligi 1993-yil oktyabr oyida koʻrib chiqilsin.