Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини очиш чора тадбирлари» тўғрисидаги ПҚ-5-сон қарорига ҳамда сув хўжалиги вазирлигининг 2024 йил 15 мартдаги 72-сон буйруғига асосан Шароф Рашидов туман «Сув етказиб бериш хизмати» ДМ томонидан хар йили 1 апрелига қадар новегитация даври учун ва 1 октябрига қадар куз-қиш якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқади ва тасдиқлаш учун халқ депутатлар туман Кенгашига киритилиши белгиланган.

Шунингдек Шароф Рашидов туман «Сув етказиб бериш хизмати» ДМ томонидан 2025 йил вегетация даврида суғориш ишлари учун жами 264,5 млн метр куб сув лимити ажратилган. Шундан Жанубий Мирзачўл магистрал каналидан 4,9 млн метр куб, ДМ1 каналидан 22,9 млн метр куб, Зарафшон дарёсидан 144,8 млн метр куб, Жиззах сув омборидан 30.8 млн метр куб, Сой ва булоқлардан 50,9 млн метр куб, Тик қудуқлардан 0,1 млн метр куб, Зовурлардан 1,0 млн метр куб сув лимитлари ажратилиб, суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилган.

«Маҳаллий давлат ҳокимияти тўғрисидаги Ўзбекистон Республикаси Қонунининг 6- ва 24-моддаларига мувофиқ халқ депутатлари туман Кенгаши қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сон Қарори раҳбарлик ва ижро учун қабул қилинсин.

2. Шароф Рашидов туман «Сув етказиб бериш хизмати» Давлат муассасасининг 2025 йил 25 мартдаги 70-сонли хати ва туман «Сув етказиб бериш хизмати» Давлат муассасаси бошлиғи О. Бегимқуловнинг ҳисоботи маълумот учун қабул қилинсин.

3. Шароф Рашидов туманининг 2025 йил вегетасия мавсумида сув лимитлари қуйидагича:

2025 йил вегетация мавсумида халқ хўжалик тармоқларига ажратилган чекланган сув лимити 1-иловага мувофиқ;

ЖММ каналидан 2025 йил вегетация даврида суғориш ишлари учун ажратилган сув лимити 2-иловага мувофиқ;

Сой-булоқлардан 2025 йил вегетация даврида суғориш ишлари учун ажратилган сув лимити 3-иловага мувофиқ;

Зовурлардан 2025 йил вегетация даврида суғориш ишлари учун ажратилган сув лимити 4-иловага мувофиқ;

Скважинадан 2025 йил вегетация даврида суғориш ишлари учун ажратилган сув лимити 5-иловага мувофиқ;

Зарафшон дарёсидан 2025 йил вегетация даврида суғориш ишлари учун ажратилган сув лимити 6-иловага мувофиқ;

Жиззах сув омборидан 2025 йил вегетация даврида суғориш ишлари учун ажратилган сув лимити 7-иловага мувофиқ;

ДМ каналидан 2025 йил вегетация даврида суғориш ишлари учун ажратилган сув лимити 8-иловага мувофиқ;

тумандаги Насос станциялари ва энергетика бошқармаси тасарруфидаги насос станцияларидан сув чиқариб бериш учун 2025 йил суғориш мавсумида чекланган сувдан фойдаланиш лимити 9-иловага мувофиқ тасдиқлансин.

4. Шароф Рашидов туманида 1 апрелга қадар вегетация даври учун ва 1 октябрга қадар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган режасини бажарилиши туман «Сув етказиб бериш хизмати» Давлат муассасаси бошлиғи О.Бегимқулов зиммасига юклатилсин.

5. Мазкур қарор ижросини таъминлаш туман ҳокимининг қишлоқ ва сув хўжалиги масалалари бўйича ўринбосари Ш. Азимов зиммасига, қарор ижросини назорат қилиш халқ депутатлари туман Кенгашининг Аграр, сув хўжалиги ва экология масалалари бўйича доимий комиссияси (Г. Мамарахимова) зиммасига юклатилсин.