Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли ҳамда Ўзбекистон Республикаси Вазирлар Маҳкамасининг 2013 йил 19 мартдаги 82-сонли қарори асосида Қорақалпоғистон Республикаси Сув хўжалиги вазирлиги, вилоят ирригация тизимлари ҳавза бошқармалари, йирик сув хўжалик объектларнинг сув олиш ва сув етказиб бериш режалари, сув манбалари иқтисодиёт тармоқлари маъмурий ҳудудлар бўйича умумлаштирилган.

Юқорида кўрсатиб ўтилган қарор талабларидан келиб чиқиб, Ўзбекистон Республикаси «Маҳаллий Давлат ҳокимияти тўғрисида»ги Қонунининг 6-, 24-моддаларига муофиқ Халқ депутатлари Избоскан туман Кенгаши қарор қилади:

1. Туманда «Сув етказиб бериш хизмати» давлат муассасаси худудлар бўйича сув олиш лимитларини тасдиқлаш юзасидан туман «Сув етказиб бериш хизмати«давлат муассасаси раҳбари А. Махмудовнинг берган ахбороти маълумот ва ижро учун қабул қилинсин.

2. Избоскан туман «Сув етказиб бериш хизмати» давлат муассасаси раҳбари А. Юсупов томонидан туман бўйича 2024-2025 йиллар новегетация даврида суғориш ишлари учун ажратилган сув лимити тўғрисидаги таклифи маъқуллансин ва 1-иловага муофиқ тасдиқлансин.

3. Туман «Сув етказиб бериш хизмати» давлат муассасаси (А. Махмудов) мазкур қарор талабларидан келиб чиқиб:

туманда фаолият кўрсатаётган мослаштирилган фермер хўжаликларининг ғалла ва пахта ер майдонларини кесимида белгиланган лимитларга асосан сув етказиб берилишини назоратга олиш;

фермер хўжаликлари томонидан лимитларга асосан ажратилган сувдан унумли фойдаланиш ҳамда қаровсиз ҳолда қолдирилиши ва сувни ортиқча исрофгарчилигига йўл қўймаслиги;

фермер хўжаликлари ер майдонларига сувларни ортиқча исрофгарчилигига йўл қўймаган ҳолда етказилишини таъминлаш мақсадида ички ариқларни бегона ўтлар ва чиқиндилардан тозалаш;

шунингдек ғалла ер майдонларини пешма-пеш соғорилишини олдини олиш мақсадида фермер хўжаликлари раҳбарларига тушунтуришлар бериб борилишини таъминлансин.

4. Мазкур қарор ижросини назорат қилиш туман ҳокимининг ўринбосари (О. Холиқов), халқ депутатлари туман Кенгашининг Аграр, сув хўжалиги ва экология масалалари бўйича доимий комиссияси (А. Мирзаев) зиммаларига юклатилсин.

5. Ушбу қарор қабул қилинган кундан эътиборан кучга киради.