Oʻzbekiston Respublikasining 2024-yil 7-sentabrdagi OʻRQ-957-son “Maʼmuriy islohotlar doirasida taʼlim sohasida davlat boshqaruvi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2020-yil 12-iyundagi 26-son “Oʻzbekiston Respublikasi Davlat budjetidan moliyalashtiriladigan budjet tashkilotlari boʻyicha tarmoq, shtatlar va kontingentga doir rejaning bajarilishi toʻgʻrisidagi choraklik va yillik hisobot shakllarini tasdiqlash haqida”gi buyrugʻiga (roʻyxat raqami 3255, 2020-yil 30-iyun) (Qonun hujjatlari maʼlumotlari milliy bazasi, 30.06.2020-y., 10/20/3255/1031-son) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 1-bandda:

beshinchi xatboshidagi “taʼlim muassasalari” degan soʻzlar “davlat taʼlim tashkilotlari” degan soʻzlar bilan almashtirilsin;

sakkizinchi xatboshidagi “oliy taʼlim muassasalari” degan soʻzlar “davlat oliy taʼlim tashkilotlari” degan soʻzlar bilan almashtirilsin.

2. 4-ilovaning nomidagi “taʼlim muassasalari” degan soʻzlar “davlat taʼlim tashkilotlari” degan soʻzlar bilan almashtirilsin.

3. 6-ilovadagi “taʼlim muassasalaridan” va “taʼlim muassasalariga” tegishli ravishda “taʼlim tashkilotlaridan” hamda “taʼlim tashkilotlariga” degan soʻzlar bilan almashtirilsin.

4. 7-ilovaning nomidagi “Oliy taʼlim muassasalari” degan soʻzlar “Davlat oliy taʼlim tashkilotlari” degan soʻzlar bilan almashtirilsin.

5. 22-ilovada:

“taʼlim muassasalaridan” degan soʻzlar “taʼlim tashkilotlaridan” degan soʻzlar bilan almashtirilsin;

“taʼlim muassasalariga” degan soʻzlar “taʼlim tashkilotlariga” degan soʻzlar bilan almashtirilsin;

“Oliy taʼlim muassasalarida” degan soʻzlar “Davlat oliy taʼlim tashkilotlarida” degan soʻzlar bilan almashtirilsin;

“Oliy taʼlim va muassasalarida” degan soʻzlar “Davlat oliy taʼlim tashkilotlarida” degan soʻzlar bilan almashtirilsin.

6. 23-ilovadagi “taʼlim muassasalari” va “Oliy taʼlim muassasalari” degan soʻzlar tegishli ravishda “davlat taʼlim tashkilotlari” hamda “Davlat oliy taʼlim tashkilotlari” degan soʻzlar bilan almashtirilsin.