LexUZ sharhi
O‘zbekiston Respublikasi hududida matbaa korxonalarini ochish va faoliyat ko‘rsatishni tartibga solish maqsadida Vazirlar Mahkamasi qaror qiladi:
Oldingi tahrirga qarang.
(1-bandning ikkinchi xatboshisi O‘zbekiston Respublikasi Vazirlar Mahkamasining 2002-yil 27-dekabrdagi 454-sonli qaroriga muvofiq o‘z kuchini yo‘qotgan — O‘R QHT, 2002-y., 24-son, 199-modda)
bosma mahsulotlarning majburiy bepul nusxalarini belgilangan qoidaga muvofiq yuborish tartibi to‘g‘risidagi nizom 2-ilovaga muvofiq tasdiqlansin.
2. Belgilab qo‘yilsinki, matbaa korxonalari O‘zbekiston matbuot va axborot agentligida ro‘yxatga olingandan va Ichki ishlar vazirligining hududiy organlarida hisobga qo‘yilgandan so‘ng o‘z faoliyatini boshlaydilar.
Ro‘yxatdan o‘tkazilmagan matbaa korxonalarining faoliyati to‘xtatilib, ularning olgan daromadlari davlat budjetiga o‘tkaziladi.
(2-band O‘zbekiston Respublikasi Vazirlar Mahkamasining 2002-yil 27-dekabrdagi 454-sonli qarori tahririda — O‘R QHT, 2002-y., 24-son, 199-modda)
Oldingi tahrirga qarang.
3. O‘zbekiston matbuot va axborot agentligiga matbaa korxonalarini ro‘yxatdan o‘tkazish Yagona davlat reyestrini yuritish vazifasi topshirilsin.
(3-band O‘zbekiston Respublikasi Vazirlar Mahkamasining 2002-yil 27-dekabrdagi 454-sonli qarori tahririda— O‘R QHT, 2002-y., 24-son, 199-modda)
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.Azizxo‘jayev zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2002-yil 27-dekabrdagi 454-sonli qaroriga muvofiq o‘z kuchini yo‘qotgan — O‘R QHT, 2002-y., 24-son, 199-modda)
1. Barcha matbaa korxonalari (shu jumladan, matbuotda davlat sirlarini saqlash inspeksiyasi tashkilotlari bilan kelishuvdan holi bo‘lganlar ham), ularning tashkiliy-huquqiy shakllaridan, idoraviy tegishliligidan, mulkchilik shakllaridan qat’i nazar, o‘zlari tayyorlagan maxfiy bo‘lmagan bosma asarlar tirajining dastlabki qismidan davlat hokimiyati va boshqaruv muassasalariga bepul majburiy nusxalar yuborishga majburdirlar.
2. Maxfiy bo‘lmagan bosma asarlarning bepul majburiy nusxalari O‘zbekiston Respublikasi Vazirlar Mahkamasi tasdiqlaydigan ro‘yxat bo‘yicha yuboriladi.
xizmat nashrlari, davlat hokimiyati va boshqaruv tashkilotlari, boshqa davlat tashkilotlari hujjatlari;
blanka mahsulotlari, yo‘riqnomalar va hisobot, hisob-kitob va rejali hujjatlar, to‘ldirilgan blankalar ko‘rsatkichlari, hisob-kitob va hisobot hujjatlarining albom shakli;
Oldingi tahrirga qarang.
3. Chet davlat matbaa korxonalarida tayyorlangan nashrlardan majburiy nusxalar bu nashrlarni tayyorlash uchun tuzilgan shartnomaga muvofiq va Vazirlar Mahkamasining ko‘rsatmasiga binoan O‘zbekiston matbuot va axborot agentligi tasdiqlaydigan ro‘yxatga binoan nashr etuvchi tashkilotlar tomonidan yuboriladi.
(3-band O‘zbekiston Respublikasi Vazirlar Mahkamasining 2002-yil 27-dekabrdagi 454-sonli qarori tahririda — O‘R QHT, 2002-y., 24-son, 199-modda)
4. Majburiy nusxalar buyurtmachi tomonidan belgilangan nashr umumiy tiraji hisobidan nashrni tarqatishni rasmiylashtirishga qadar, gazetalar esa har bir soni chiqadigan kunda yuboriladi. Har bir majburiy nusxaga “Majburiy nusxa” belgisi qo‘yilgan tamg‘a bosiladi.
5. Majburiy nusxalarni yuborgunga qadar va nashrni tarqatishga rasmiylashtirmay turib, buyurtmachiga tirajni berib yuborish taqiqlanadi.
6. Turli matbaa korxonalarida tayyorlangan nashrlardan majburiy nusxalar yuborish o‘sha nashrni tarqatish rasmiylashtiriladigan joyda amalga oshiriladi.
7. Majburiy nusxalar matbaa korxonasi tomonidan ilova qilinadigan hujjat (nakladnoy) bilan yuboriladi. Unda matbaa korxonasining nomi va manzili, muallif va nashr nomi, nashriyot yoki nashr etuvchi tashkilot, majburiy nusxalar kimga yuborilayotgani, buyurtma raqami, tiraji, jo‘natilayotgan nusxalar soni va jo‘natish sanasi ko‘rsatiladi.