Oʻzbekiston Respublikasi Prezidentining 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida” va 2023-yil 1-iyundagi PF-82-son “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida”gi farmonlari hamda 2023-yil 27-dekabrdagi PQ-410-son “Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmat va yordam koʻrsatish tizimini takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi sogʻliqni saqlash vazirining 2016-yil 27-apreldagi 50-son “Yolgʻiz keksalar va nogironlarni Oʻzbekiston Respublikasi Sogʻliqni saqlash vazirligi tizimidagi Urush va mehnat faxriylari uchun respublika pansionati, “Saxovat” va “Muruvvat” internat uylariga rasmiylashtirish qoidalarini tasdiqlash haqida”gi buyrugʻiga (roʻyxat raqami 2785, 2016-yil 12-may) (Oʻzbekiston Respublikasi qonun hujjatlari toʻplami, 2016-y., 19-son, 217-modda) ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqning nomi va 1-banddagi “Sogʻliqni saqlash vazirligi tizimidagi Urush va mehnat faxriylari uchun respublika pansionati, “Saxovat” va “Muruvvat” degan soʻzlar “Prezidenti huzuridagi Ijtimoiy himoya milliy agentligi tizimidagi “Muruvvat” degan soʻzlar bilan almashtirilsin.

2. Qoidalarda:

a) nomidagi “Sogʻliqni saqlash vazirligi tizimidagi Urush va mehnat faxriylari uchun respublika pansionati, “Saxovat” va “Muruvvat” degan soʻzlar “Prezidenti huzuridagi Ijtimoiy himoya milliy agentligi tizimidagi “Muruvvat” degan soʻzlar bilan almashtirilsin;

b) muqaddima quyidagi tahrirda bayon etilsin:

“Mazkur Qoidalar Oʻzbekiston Respublikasida doimiy yashaydigan, ruhiyatida sezilarli yoki ancha sezilarli nuqsonlar bor boʻlgan, 4 yoshdan 18 yoshgacha nogironligi boʻlgan bolalar hamda 18 yoshidan boshlab I va II guruh nogironligi boʻlgan shaxslarni (bundan buyon matnda vasiylikka olinuvchilar deb yuritiladi) Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi “Muruvvat” internat uylariga (bundan buyon matnda tibbiy-ijtimoiy muassasa deb yuritiladi) rasmiylashtirish qoidalarini belgilaydi.”;

d) 1-bandning birinchi xatboshisidagi “sogʻliqni saqlash vazirining” degan soʻzlar “Prezidenti huzuridagi Ijtimoiy himoya milliy agentligi direktorining” degan soʻzlar bilan almashtirilsin;

e) 2-banddagi “Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari hamda Toshkent shahar sogʻliqni saqlash bosh boshqarmasi” degan soʻzlar “Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmasi” degan soʻzlar bilan almashtirilsin;

f) 4-band quyidagi tahrirda bayon etilsin:

“4. Vasiylikka olinuvchi Oʻzbekiston Respublikasi Vazirlar Mahkamasining 2021-yil 17-sentabrdagi 575-son qarori bilan tasdiqlangan “Muruvvat” nogironligi boʻlgan shaxslar uchun internat uylari toʻgʻrisidagi nizom hamda “Muruvvat” nogironligi boʻlgan bolalar uchun internat uylari toʻgʻrisidagi nizomda nazarda tutilgan tegishli tibbiy-ijtimoiy muassasaga rasmiylashtirish uchun talab etiladigan hujjatlarni tuman (shahar) “Inson” ijtimoiy xizmatlar markazlariga topshiradi. Bunda, sogʻliqning holati toʻgʻrisidagi tibbiy hujjatlar mazkur Qoidalarning ilovasida koʻrsatilgan roʻyxatga muvofiq taqdim etiladi.”;

g) 5-bandda:

birinchi xatboshidagi “tibbiyot birlashmalari” degan soʻzlar “Inson” ijtimoiy xizmatlar markazlari” degan soʻzlar bilan almashtirilsin;

ikkinchi xatboshidagi “tibbiyot birlashmalari boshliqlari” degan soʻzlar “Inson” ijtimoiy xizmatlar markazlari direktorlari” degan soʻzlar bilan almashtirilsin;

h) 6-banddagi “tibbiyot birlashmalaridan” degan soʻzlar “Inson” ijtimoiy xizmatlar markazlaridan” degan soʻzlar bilan almashtirilsin;

i) 9, 10 va 11-bandlar quyidagi tahrirda bayon etilsin:

“9. Maxsus komissiya qarori u qabul qilingan kundan boshlab 3 kun ichida tegishlicha hududiy boshqarmalarga vasiylikka olinuvchilarning hujjatlari bilan birga yuboriladi.

10. Hududiy boshqarma boshligʻi tomonidan Maxsus komissiya qarori kelib tushgan kundan boshlab 3 kun ichida uning asosida vasiylikka olinuvchini “Muruvvat” internat uyiga yuborish toʻgʻrisida buyruq qabul qilinadi va vasiylikka olinuvchining hujjatlari bilan birga tibbiy-ijtimoiy muassasaga yuboriladi.

11. Maxsus komissiya qarorida vasiylikka olinuvchini tegishli tibbiy-ijtimoiy muassasaga yuborishda (qabul qilishda) rad etilgan boʻlsa, hududiy boshqarma qaror kelib tushgan kundan boshlab 3 kun ichida bu haqda vasiylikka olinuvchini uning hujjatlarini ilova qilgan holda xat orqali xabardor qiladi.”;

j) 12-band oʻz kuchini yoʻqotgan deb topilsin;

k) 13-band quyidagi tahrirda bayon etilsin:

“13. Vasiylikka olinuvchi (uning qonuniy vakili) hududiy boshqarma boshligʻining tibbiy-ijtimoiy muassasaga yuborish toʻgʻrisidagi buyrugʻini olgandan soʻng, tegishli tibbiy-ijtimoiy muassasaga murojaat qiladi.”;

l) 18-bandning ikkinchi xatboshisidan “, vasiylikka olingan Urush va mehnat faxriylari uchun respublika pansionatidan koʻchirilayotganda esa, pansionatning oʻziga ham” degan soʻzlar chiqarib tashlansin;

m) 19-band quyidagi tahrirda bayon etilsin:

“19. Hududiy boshqarma(lar) boshligʻi tomonidan Maxsus komissiya qarori kelib tushgan kundan boshlab 3 kun ichida vasiylikka olinuvchini tibbiy-ijtimoiy muassasadan chiqarish yoki qabul qilish toʻgʻrisida buyruq qabul qilinadi va ushbu buyruq tibbiy-ijtimoiy muassasaga yuboriladi.”;

n) ilovada:

ilova belgisidagi “Sogʻliqni saqlash vazirligi tizimidagi Urush va mehnat faxriylari uchun respublika pansionati, “Saxovat” va “Muruvvat” degan soʻzlar “Prezidenti huzuridagi Ijtimoiy himoya milliy agentligi tizimidagi “Muruvvat” degan soʻzlar bilan almashtirilsin;

nomidagi “tibbiy-ijtimoiy muassasalarga” degan soʻzlar “Muruvvat” internat uylariga” degan soʻzlar bilan almashtirilsin;

quyidagi mazmundagi 6-band bilan toʻldirilsin:

“6. OITSga qarshi kurash markazining xulosasi.”.