Oʻzbekiston Respublikasining “Pochta aloqasi toʻgʻrisida”gi Qonuniga muvofiq Oʻzbekiston Respublikasi Raqamli texnologiyalar vazirligi hamda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:

1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2018-yil 5-iyuldagi 176-mh va 28-son “Pochta aloqasi operatorlari, provayderlari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalarini tasdiqlash toʻgʻrisida”gi qaroriga (roʻyxat raqami 3061, 2018-yil 28-avgust) (Qonun hujjatlari maʼlumotlari milliy bazasi, 29.08.2018-y., 10/18/3061/1807-son) ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Qaror nomi va 1-banddagi “Pochta aloqasi operatorlari, provayderlari” degan soʻzlar “Pochta aloqasi milliy operatori” degan soʻzlar bilan almashtirilsin.

2. Qoidalarda:

1) nomidagi “Pochta aloqasi operatorlari, provayderlari” degan soʻzlar “Pochta aloqasi milliy operatori” degan soʻzlar bilan almashtirilsin;

2) muqaddimasi va 2-ilovaning 2-bandi “a” kichik bandidagi “pochta aloqasi operatorlari, provayderlari” degan soʻzlar “pochta aloqasi milliy operatori” degan soʻzlar bilan almashtirilsin;

3) 1-bandda:

uchinchi xatboshisi quyidagi tahrirda bayon etilsin:

“ichki nazorat — pochta aloqasi milliy operatorining pul mablagʻlarining pochta oʻtkazmalarini joʻnatishni amalga oshiruvchi, foydalanuvchilarni lozim darajada tekshirish, jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish bilan bogʻliq tavakkalchiliklarni boshqarish, shubhali operatsiyalarni aniqlash hamda terrorchilik faoliyatida yoki ommaviy qirgʻin qurollarini tarqatishda ishtirok etuvchi yoxud ishtirok etishda gumon qilinayotgan shaxslar bilan bogʻliq boʻlgan operatsiyalarni aniqlashga doir faoliyati;”;

oʻn uchinchi xatboshidagi “operatorlari, provayderlari” degan soʻzlar “milliy operatori” degan soʻzlar bilan almashtirilsin;

oʻn yettinchi xatboshidagi “operatorlari, provayderlarida” degan soʻzlar “milliy operatorida” degan soʻzlar bilan almashtirilsin;

oʻn toʻqqizinchi xatboshisi quyidagi tahrirda bayon etilsin:

“pul mablagʻlarining pochta oʻtkazmasi (bundan buyon matnda pul oʻtkazmasi deb yuritiladi) — pochta joʻnatmasi boʻlib, joʻnatuvchi uning vositasida oʻzi pochta aloqasi milliy operatoriga toʻlagan pul mablagʻlari summasini adresatga toʻlashni topshiradi;”;

yigirma beshinchi xatboshisidagi “operatorlari, provayderlarining” degan soʻzlar “milliy operatorining” degan soʻzlar bilan almashtirilsin;

yigirma sakkizinchi xatboshidagi “tashkilotlar.” degan soʻz “tashkilotlar;” degan soʻz bilan almashtirilsin;

quyidagi mazmundagi xatboshi bilan toʻldirilsin:

“yuridik shaxsni tashkil etmagan chet el tuzilmasi — chet davlatning qonunchilik hujjatlariga muvofiq yuridik shaxs tashkil etmagan holda tashkil etilgan va oʻz ishtirokchilarining (paychilarning, ishonch bildiruvchilarning yoki boshqa shaxslarning) yoxud boshqa benefitsiarlarning manfaatlarini koʻzlab daromad (foyda) olishga qaratilgan faoliyatni amalga oshirish huquqiga ega boʻlgan tashkiliy tuzilmadir (fondlar, sherikliklar, shirkatlar, trastlar, jamoaviy investitsiyalar va (yoki) ishonchli boshqaruvning boshqa shakllari).”;

4) 2-bandning uchinchi xatboshisi quyidagi tahrirda bayon etilsin:

“pochta aloqasi milliy operatorining jinoiy faoliyatga qasddan yoki qasddan boʻlmagan holda jalb etilishiga yoʻl qoʻymaslik;”;

5) 4-band quyidagi tahrirda bayon etilsin:

“4. Pochta aloqasi milliy operatori tomonidan ichki nazorat tizimi uning ish jihatlari, foydalanuvchilar va ularning operatsiyalari bilan bogʻliq tavakkalchilik darajasini hisobga olgan holda tashkil etiladi.”;

6) 5-bandda:

birinchi xatboshi quyidagi tahrirda bayon etilsin:

“5. Pochta aloqasi milliy operatori ichki nazorat tizimining tegishli tuzilmasini tashkil etishi kerak.”;

ikkinchi xatboshidagi “pochta aloqasi operatori, provayderi” degan soʻzlar “pochta aloqasi milliy operatori” degan soʻzlar bilan almashtirilsin;

7) 6-bandda:

birinchi xatboshi quyidagi tahrirda bayon etilsin:

“6. Ichki nazorat tizimi tuzilmasi milliy operatorining tegishli boʻlinmasi yoki masʼul xodimlari, shuningdek pochta aloqasi xodimlaridan iborat.”;

ikkinchi xatboshidagi “pochta aloqasi operatori, provayderi” degan soʻzlar “pochta aloqasi milliy operatori” degan soʻzlar bilan almashtirilsin;

quyidagi mazmundagi xatboshi bilan toʻldirilsin:

“Ichki nazorat tizimi tuzilmasi rahbari oliy maʼlumotga va pochta aloqasi milliy operatorining pul oʻtkazmalari bilan bogʻliq boʻlinmasini boshqarish boʻyicha kamida ikki yillik ish tajribasiga yoki ichki nazorat tizimi tuzilmasida kamida bir yillik ish stajiga ega boʻlishi kerak.”;

8) 8-band quyidagi tahrirda bayon etilsin:

“8. Ichki nazorat tizimining tuzilmasi rahbari va masʼul xodimlariga malakaviy va ishbilarmonlik obroʻsiga qoʻyiladigan talablar jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasidagi qonunchilik hujjatlari talablarini hisobga olgan holda, pochta aloqasi milliy operatorining rahbari tomonidan belgilanadi.”;

9) 9-bandning ikkinchi xatboshisidagi “qonun hujjatlari” degan soʻzlar “qonunchilik hujjatlari” degan soʻzlar bilan almashtirilsin;

10) 10-bandda:

beshinchi, sakkizinchi va toʻqqizinchi xatboshilardagi “pochta aloqasi operatori, provayderining” degan soʻzlar “pochta aloqasi milliy operatorining” degan soʻzlar bilan almashtirilsin;

yettinchi xatboshi quyidagi tahrirda bayon etilsin:

“pochta aloqasi faoliyatida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisidagi qonunchilik hujjatlari, mazkur Qoidalar va ichki qoidalar talablariga rioya qilinmaganligi boʻyicha aniqlangan kamchilik va qoidabuzarliklarni bartaraf etish yuzasidan pochta aloqasi milliy operator rahbari koʻrib chiqishi uchun takliflar tayyorlaydi va kiritadi;”;

11) 11-bandning toʻrtinchi xatboshisidagi “pochta aloqasi operatori, provayderining” degan soʻzlar “pochta aloqasi milliy operatorining” degan soʻzlar bilan almashtirilsin;

12) 13-bandda:

birinchi xatboshi quyidagi tahrirda bayon etilsin:

“13. Pochta aloqasi milliy operatori mazkur Qoidalar talablaridan kelib chiqqan holda, quyidagilar aks etgan ichki qoidalarni ishlab chiqishi kerak:”;

beshinchi xatboshi quyidagi tahrirda bayon etilsin:

“masʼul xodimlar tomonidan pochta aloqasi milliy operatori rahbariga jinoiy faoliyatidan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashishga oid qonunchilik hujjatlari buzilishi faktlari toʻgʻrisida axborot taqdim etish tartibi;”;

oʻzbek tilidagi matn quyidagi mazmundagi oʻn toʻrtinchi xatboshi bilan toʻldirilsin:

“ichki nazorat tizimining maqsad va vazifalariga erishish maqsadida ichki nazorat tizimi rahbari, masʼul xodimlari va pochta aloqasi xodimlari oʻrtasida funksional vazifalarni taqsimlash;”;

oʻzbek tilidagi matnning oʻn toʻrtinchi — oʻn oltinchi xatboshilar tegishli ravishda oʻn beshinchi — oʻn yettinchi xatboshilar deb hisoblansin;

oʻn yettinchi xatboshidagi “pochta aloqasi operatori, provayderining” degan soʻzlar “pochta aloqasi milliy operatorining” degan soʻzlar bilan almashtirilsin;

13) quyidagi mazmundagi 13¹-band bilan toʻldirilsin:

“13¹. Pochta aloqasi milliy operatorining nazorati ostida yoki ahamiyatli taʼsiri doirasida bitta yoki bir nechta pul mablagʻlari yoki boshqa mol-mulk bilan bogʻliq operatsiyalarni amalga oshiruvchi tashkilotlar boʻlgan taqdirda ichki qoidalar guruhiy yondashuv asosida ishlab chiqilishi va quyidagilarni oʻz ichiga olishi kerak:

jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirish bilan bogʻliq tavakkalchiliklarni boshqarish va foydalanuvchilarni lozim darajada tekshirish uchun zarur boʻlgan maʼlumotlar bilan almashish qoidalari va tartib-taomillari;

komplaens nazoratni, auditni va (yoki) jinoiy faoliyatdan olingan daromadlarni legallashtirishga, terrorizmni moliyalashtirishga va (yoki) ommaviy qirgʻin qurolini tarqatishni moliyalashtirishga qarshi kurashish funksiyalarini guruh darajasida taʼminlash, jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirishga qarshi kurashish maqsadlari uchun zarur boʻlgan hollarda filiallardan va shoʻba korxonalardan ularning foydalanuvchilari va operatsiyalari toʻgʻrisidagi maʼlumotlarni olinishini taʼminlash;

maxfiylikni va maʼlumotlardan foydalanishni yetarli darajada himoya qilish.”;

14) 14-band quyidagi tahrirda bayon etilsin:

“14. Pochta aloqasi milliy operatori har yili 15-yanvargacha ichki nazorat tizimi tuzilmasi rahbarlari va masʼul xodimlarining roʻyxatlarini, ularning shaxsiy maʼlumotlarini ilova qilingan holda Oʻzbekiston Respublikasi Raqamli texnologiyalar vazirligi hamda Inspeksiyaga taqdim etadi.”;

15) 15-band quyidagi tahrirda bayon etilsin:

“15. Pochta aloqasi milliy operatori har chorak yakunidan keyingi oyning 5-sanasigacha jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ishlar toʻgʻrisidagi choraklik hisobotlarini Inspeksiyaga taqdim etiladi.”;

16) 16-bandda:

birinchi xatboshidagi “Pochta aloqasi operatorlari, provayderlarining” degan soʻzlar “Pochta aloqasi milliy operatorining” degan soʻzlar bilan almashtirilsin;

oltinchi xatboshidagi “pochta aloqasi operatorlari, provayderlarining” degan soʻzlar “pochta aloqasi milliy operatorining” degan soʻzlar bilan almashtirilsin;

17) 17-bandning birinchi xatboshisi quyidagi tahrirda bayon etilsin:

“17. Pochta aloqasi milliy operatori foydalanuvchilarni lozim darajada tekshirish choralarini koʻrishi kerak.”;

18) 20-bandda:

birinchi xatboshi quyidagi tahrirda bayon etilsin:

“20. Pochta aloqasi milliy operatori foydalanuvchi yoki benefitsiar mulkdorning yuqori mansabdor shaxs, ularning oila aʼzolari va yuqori mansabdor shaxslarga yaqin shaxslar ekanligini aniqlash maqsadida tavakkalchiliklarni boshqarish tizimlaridan foydalanishi shart va foydalanuvchini lozim darajada tekshirish boʻyicha mazkur Qoidalarning 19-bandida koʻrsatib oʻtilgan choralarni koʻrish bilan birga, foydalanuvchi yoki benefitsiar mulkdor sifatida qatnashayotgan yuqori mansabdor shaxslarga nisbatan:”;

beshinchi xatboshi quyidagi tahrirda bayon etilsin:

“Pochta aloqasi milliy operatori yuqoridagi choralarni yuqori mansabdor shaxslarning oila aʼzolariga yoki yuqori mansabdor shaxsga yaqin shaxslarga nisbatan ham koʻrishi kerak.”;

19) 20¹-bandda:

birinchi xatboshi quyidagi tahrirda bayon etilsin:

“20¹. Pochta aloqasi milliy operatori mazkur Qoidalarning 19-bandidagi uchinchi va toʻrtinchi xatboshlarida nazarda tutilgan foydalanuvchilarni lozim darajada tekshirish boʻyicha chora-tadbirlarni amalga oshirgan uchinchi tomonlarning lozim darajada tekshirish natijasiga ishonishi mumkin. Mazkur hollarda foydalanuvchilarni lozim darajada tekshirish natijasi boʻyicha soʻnggi javobgarlik pochta aloqasi milliy operatorining zimmasida qoladi. Bunda, pochta aloqasi milliy operatori:”;

beshinchi va oltinchi xatboshlari quyidagi tahrirda bayon etilsin:

“Pochta aloqasi milliy operatori mazkur bandning ikkinchi — toʻrtinchi xatboshilarida nazarda tutilgan talablardan biriga rioya qilinmagan taqdirda, foydalanuvchilarni lozim darajada tekshirish boʻyicha chora-tadbirlarni mustaqil ravishda amalga oshirishi kerak.

Pochta aloqasi milliy operatori foydalanuvchi bilan ish munosabatlariga kirishish toʻgʻrisidagi qarorni oʻz tavakkalchiliklaridan kelib chiqib, mustaqil ravishda qabul qiladi hamda foydalanuvchini lozim darajada tekshirish boʻyicha chora-tadbirlarni amalga oshirishga haqli.”;

20) 22-bandda:

birinchi xatboshi quyidagi tahrirda bayon etilsin:

“22. Foydalanuvchining operatsiyalarni amalga oshirish toʻgʻrisidagi topshirigʻi bilan bir vaqtda yoki koʻp marotaba murojaat qilishida pochta aloqasi milliy operatori quyidagilarni bajarishga majbur:”;

rus tilidagi matn quyidagi mazmundagi sakkizinchi xatboshi bilan toʻldirilsin:

“osushestvlyat peresilku denejnix perevodov posle nadlejashey proverki polzovateley.”;

rus tilidagi matnda yettinchi xatboshi sakkizinchi xatboshi deb hisoblansin;

21) 23-bandda:

birinchi xatboshisi quyidagi tahrirda bayon etilsin:

“23. Pochta aloqasi milliy operatori quyidagi hollarda xalqaro pul oʻtkazmalari bilan bogʻliq operatsiyalarga alohida eʼtibor qaratishi va tahlil qilishi kerak:”;

oltinchi xatboshi chiqarib tashlansin;

yettinchi xatboshi oltinchi xatboshi deb hisoblansin;

oltinchi xatboshi quyidagi tahrirda bayon etilsin:

“Joʻnatuvchilar toʻgʻrisida toʻliq maʼlumotlar boʻlmagan taqdirda pochta aloqasi milliy operatori xorijiy davlatlarning pochta aloqasi operatorlari, provayderlari bilan tuzilgan shartnomalarga muvofiq ulardan uch ish kuni davomida pul mablagʻlarini joʻnatuvchilar toʻgʻrisida qoʻshimcha axborot olish imkoniyatiga ega boʻlishi kerak. Bunday imkoniyat boʻlmagan holda pochta aloqasi operatori, provayderi bilan shartnomani bekor qilish masalasini koʻrib chiqish zarur.”;

22) 23¹-bandda:

birinchi xatboshi quyidagi tahrirda bayon etilsin:

“23¹. Xalqaro pul oʻtkazmalarini joʻnatish boʻyicha xizmatlarni koʻrsatuvchi pochta aloqasi milliy operatori quyidagilarni amalga oshirishi lozim:”;

oltinchi xatboshidagi “operatorlar, provayderlar” degan soʻzlar “pochta aloqasi milliy operator” degan soʻzlar bilan almashtirilsin;

yettinchi xatboshi quyidagi tahrirda bayon etilsin:

“Agar pul oʻtkazmasi mazkur bandda belgilangan talablarga javob bermasa, pochta aloqasi milliy operatoriga pul oʻtkazmalarini joʻnatish taqiqlanadi.”;

23) 27-bandning ikkinchi xatboshisi quyidagi tahrirda bayon etilsin:

“Agarda koʻrilgan tegishli choralar benefitsiar mulkdorni aniqlash imkonini bermasa, pochta aloqasi milliy operatori foydalanuvchining rahbarini identifikatsiya qilishi va uning shaxsini tekshirish yuzasidan oʻrinli choralarni koʻrishi kerak.”;

24) quyidagi mazmundagi 27¹ va 27²-bandlar bilan toʻldirilsin:

“27¹. Yuridik shaxsni tashkil etmagan chet el tuzilmalariga nisbatan ushbu Qoidalar bilan yuridik shaxslar uchun belgilangan talablar qoʻllaniladi.

27². Pochta aloqasi milliy operatorining chet eldagi shuʼba korxonalari va filiallari agarda ular joylashgan mamlakatning qonunchilik hujjatlarida pochta aloqasi milliy operatorining ichki qoidalariga nisbatan yengilroq ichki nazorat choralari belgilangan boʻlsa, ular jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish borasidagi chora-tadbirlarni amalga oshirishda pochta aloqasi milliy operatorining ichki qoidalariga rioya qilishlari kerak.”;

25) quyidagi mazmundagi 28¹-band bilan toʻldirilsin:

“28¹. Pochta aloqasi milliy operatori foydalanuvchilardan olingan axborot (hujjatlar) ishonchliligiga shubhalar mavjud boʻlganda, ushbu axborotni (hujjatlarni) tekshirish (verifikatsiyalash) choralarni koʻrishlari lozim. Bunday holatlarda, pochta aloqasi milliy operatori tegishli tashkilotlarga foydalanuvchilar haqidagi axborotning (hujjatlarning) ishonchliligini (haqiqiyligini) aniqlashtirish uchun murojaat qilishga haqli.”;

26) 30-bandning ikkinchi xatboshisi quyidagi tahrirda bayon etilsin:

“Foydalanuvchi, benefitsiar mulkdor yoki operatsiya ishtirokchilarining barcha identifikatsiya maʼlumotlari Roʻyxatga kiritilgan shaxs bilan toʻliq mos kelganligi aniqlangan holda, pochta aloqasi milliy operatori mazkur Qoidalarning 8-bobida belgilangan choralarni koʻrishi kerak.”;

27) 31-bandda:

birinchi xatboshi quyidagi tahrirda bayon etilsin:

“31. Pochta aloqasi milliy operatori quyidagi hollarda foydalanuvchiga operatsiyalarni amalga oshirishni rad etishi lozim:”;

yettinchi xatboshi quyidagi tahrirda bayon etilsin:

“Bunday hollarda pochta aloqasi milliy operatori maxsus vakolatli davlat organiga xabar yuborishi kerak.”;

28) 33-bandda:

birinchi va ikkinchi xatboshilari quyidagi tahrirda bayon etilsin:

“33. Jinoiy faoliyatdan olingan daromadlarni legallashtirish va terrorizmni moliyalashtirish yuzasidan ehtimol tutilgan tavakkalchiliklarni oʻrganishni, tahlil qilishni va aniqlashni pochta aloqasi milliy operatori oʻz faoliyatida tizimli ravishda, yiliga kamida bir marta amalga oshirishi, oʻrganish natijalarini hujjatlar bilan qayd etishi hamda aniqlangan tavakkalchiliklarni kamaytirishga doir tegishli choralarni koʻrishi shart.

Pochta aloqasi milliy operatori tavakkalchilik darajasi hamda uni pasaytirishning talab etiladigan darajasini aniqlashi, tavakkalchilik turi va darajasiga qarab tegishli chora-tadbirlar dasturini ishlab chiqishi va amalga oshirishi kerak.”;

29) 35-bandi quyidagi mazmundagi “i¹” kichik band bilan toʻldirilsin:

“i¹) yuridik shaxsni tashkil etmagan chet el tuzilmasi;”;

30) 36 — 38-bandlar quyidagi tahrirda bayon etilsin:

“36. Operatsiya yuqori darajadagi tavakkalchilik toifasiga kiritilgan taqdirda, pochta aloqasi milliy operatori ushbu foydalanuvchiga nisbatan lozim darajada tekshirishning kuchaytirilgan chora-tadbirlarini koʻrishi va doimiy monitoring qilib borishi shart.

37. Foydalanuvchi tomonidan amalga oshirilayotgan operatsiyalarning xususiyati oʻzgarishiga qarab, pochta aloqasi milliy operator foydalanuvchini lozim darajada tekshirish natijalari boʻyicha toʻplangan maʼlumotlarni hisobga olgan holda tavakkalchilik xavfi darajasini qayta koʻrib chiqishi lozim

38. Pochta aloqasi milliy operatori ichki qoidalarda belgilangan tartibda yuqori tavakkalchilik darajasi toifasiga kiritilgan barcha foydalanuvchilarning hisobini yuritishi kerak. Yuqori tavakkalchilik darajasi toifasiga kiritilgan barcha foydalanuvchilar toʻgʻrisidagi maʼlumotlar maxsus jurnalga kiritiladi.”;

31) 39-bandda:

birinchi xatboshi quyidagi tahrirda bayon etilsin:

“39. Pochta aloqasi milliy operatori jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirish maqsadida texnologik yutuqlardan foydalanilishining oldini olishga qaratilgan choralarni koʻrishi kerak. Ushbu maqsadda pochta aloqasi milliy operatori:”;

beshinchi va oltinchi xatboshilaridagi “pochta aloqasi operatori, provayderining” degan soʻzlar “pochta aloqasi milliy operatorining” degan soʻzlar bilan almashtirilsin;

yettinchi xatboshidagi “pochta aloqasi operatori, provayderi” degan soʻzlar “pochta aloqasi milliy operatori” degan soʻzlar bilan almashtirilsin;

32) 40¹-bandning ikkinchi xatboshisi quyidagi tahrirda bayon etilsin:

“Pochta aloqasi milliy operatori maxsus vakolatli davlat organi bilan kelishilgan holda Oʻzbekiston Respublikasi Raqamli texnologiyalar vazirligi tomonidan ishlab chiqiladigan va tavsiyaviy xarakterga ega boʻlgan uslubiy qoʻllanmalar asosida shubhali operatsiyalarni dastlabki aniqlash indikatorlari tizimini yoʻlga qoʻyishi mumkin.”;

33) 48 va 49-bandlardagi “pochta aloqasi operatori, provayderi” degan soʻzlar “pochta aloqasi milliy operatori” degan soʻzlar bilan almashtirilsin;

34) 50-band quyidagi tahrirda bayon etilsin:

“50. Pochta aloqasi milliy operatori operatsiyalarni amalga oshirishda ular ishtirokchilarining identifikatsiya maʼlumotlarini Roʻyxat bilan solishtirishi shart.”;

35) 52-band quyidagi tahrirda bayon etilsin:

“52. Roʻyxatga kiritilgan shaxsning operatsiyasi toʻxtatib turilganda va (yoki) pul mablagʻlari ishga solinmay toʻxtatib qoʻyilganda pochta aloqasi milliy operatori ishga solmay toʻxtatib qoʻyilgan pul mablagʻlarining miqdorini koʻrsatgan holda maxsus vakolatli davlat organiga shubhali operatsiya toʻgʻrisida uch soatdan kechiktirmay xabar yuborishi lozim.”;

36) 55-banddagi “Pochta aloqasi operatorlari, provayderlari” degan soʻzlar “Pochta aloqasi milliy operatori” degan soʻzlar bilan almashtirilsin;

37) 58-bandning birinchi xatboshisi quyidagi tahrirda bayon etilsin:

“58. Pochta aloqasi milliy operatori faqat maxsus vakolatli davlat organidan quyidagilar toʻgʻrisida tegishli axborotni olgan holdagina ishga solmay toʻxtatib qoʻyilgan pul mablagʻlaridan foydalanishga ruxsat beradi va toʻxtatib turilgan operatsiya oʻtkazilishini tiklaydi:”;

38) 59-banddagi “Pochta aloqasi operatorlari, provayderlarining” degan soʻzlar “Pochta aloqasi milliy operatorining” degan soʻzlar bilan almashtirilsin

39) 60-banddagi “pochta aloqasi operatorlari, provayderlarining” degan soʻzlar “pochta aloqasi milliy operatorining” degan soʻzlar bilan almashtirilsin;

40) 61-band quyidagi tahrirda bayon etilsin:

“61. Pochta aloqasi milliy operatori maxsus vakolatli davlat organining yozma soʻrovlari boʻyicha qoʻshimcha axborotni taqdim etadi.”;

41) 61¹-band quyidagi tahrirda bayon etilsin:

“61¹. Pochta aloqasi milliy operatori maxsus vakolatli davlat organining koʻrsatmasiga asosan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish choralarini koʻrish maqsadida pul mablagʻlari bilan bogʻliq operatsiyalarni oʻz vaqtida va foydalanuvchini oldindan xabardor qilmasdan oʻttiz ish kunidan koʻp boʻlmagan muddatga toʻxtatib qoʻyishi shart.”;

42) 63-band quyidagi tahrirda bayon etilsin:

“63. Pochta aloqasi milliy operatori pul mablagʻlari bilan bogʻliq operatsiyalar toʻgʻrisidagi axborotni, shuningdek foydalanuvchilarni lozim darajada tekshirish boʻyicha identifikatsiyalash maʼlumotlari hamda materiallarini, shu jumladan ish yozishmalarini va oʻtkazilgan har qanday tahlil natijalarini qonunchilik hujjatlarida belgilangan muddatlar mobaynida, lekin operatsiya amalga oshirilganidan yoki foydalanuvchi bilan munosabatlar toʻxtatilganidan keyin besh yildan kam boʻlmagan muddatda saqlashi shart.”;

43) 67-band quyidagi tahrirda bayon etilsin:

“67. Pochta aloqasi milliy operatori jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish bilan bogʻliq boʻlgan axborotga kirish imkoniyatini cheklaydi, uning tarqalib ketmasligini taʼminlaydi hamda yuridik va jismoniy shaxslarga ularning operatsiyalari haqida maxsus vakolatli davlat organiga xabar berilganligi toʻgʻrisida maʼlum qilish huquqiga ega emas.

Pochta aloqasi milliy operatori ichki nazorat vazifalarini bajarish jarayonida olingan axborotning uning xodimlari tomonidan oshkor qilinmasligini (yoki shaxsiy maqsadda yoxud uchinchi shaxslar manfaatlarida foydalanmasligini) taʼminlaydi.”;

44) 68-bandda:

birinchi xatboshi quyidagi tahrirda bayon etilsin:

“68. Pochta aloqasi milliy operatori ichki va tashqi vaziyatlarning oʻzgarishini inobatga olgan holda, ichki nazorat tizimini doimiy ravishda monitoring qiladi va samaradorligini baholab boradi, shuningdek samarali ishlashini taʼminlash uchun zaruratga qarab uni mustahkamlaydi.”;

ikkinchi xatboshidagi “pochta aloqasi operatori, provayderining” degan soʻzlar “pochta aloqasi milliy operatorining” degan soʻzlar bilan almashtirilsin;

45) 69-bandda:

birinchi xatboshi quyidagi tahrirda bayon etilsin:

“69. Pochta aloqasi milliy operatori tomonidan mazkur qoidalarga rioya etilishi ustidan monitoring va nazorat Inspeksiya, zarur hollarda maxsus vakolatli davlat organi bilan birgalikda amalga oshiriladi.”;

ikkinchi xatboshidagi “pochta aloqasi operatori, provayderining” degan soʻzlar “pochta aloqasi milliy operatorining” degan soʻzlar bilan almashtirilsin;

46) 71-band quyidagi tahrirda bayon etilsin:

“71. Pochta aloqasi milliy operatori, shu jumladan pochta aloqasi milliy operatorining rahbari, ichki nazorat tizimi tuzilmasining rahbari va masʼul xodimlari hamda pochta aloqasi ishchilari mazkur Qoidalarni buzganligi uchun qonunchilik hujjatlariga muvofiq javobgar boʻladi.”