Oʻzbekiston Respublikasining Mehnat kodeksi va Oʻzbekiston Respublikasi Prezidentining 2023-yil 20-iyundagi PQ-197-son “Maʼmuriy islohotlar doirasida sogʻliqni saqlash sohasida davlat boshqaruvini samarali tashkil qilish chora-tadbirlari toʻgʻrisida”gi qarori hamda Vazirlar Mahkamasining 2024-yil 24-fevraldagi 100-son “Qurilish va uy-joy kommunal xoʻjaligi sohasida davlat boshqaruvi tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi qaroriga muvofiq buyuraman:

1. Oʻzbekiston Respublikasi mehnat va aholini ijtimoiy muhofaza qilish vazirining 2009-yil 8-maydagi 19/B-son buyrugʻi (roʻyxat raqami 1967, 2009-yil 11-iyun) (Oʻzbekiston Respublikasi qonun hujjatlari toʻplami, 2009-y., 24-son, 280-modda) bilan tasdiqlangan Yigʻma temirbeton va beton konstruksiyalar va buyumlar ishlab chiqarish xodimlari uchun mehnatni muhofaza qilish qoidalariga ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Togʻ-kon sanoati va geologiya vazirligi hamda Qurilish va uy-joy kommunal xoʻjaligi vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. 9-band quyidagi tahrirda bayon etilsin:

“9. Korxonalarda mehnat faoliyati bilan bogʻliq ravishda sodir boʻlgan baxtsiz hodisalar va boshqa jarohatlanishlarni tekshirish va hisobini yuritish Oʻzbekiston Respublikasi Vazirlar Mahkamasining 1997-yil 6-iyundagi 286-son qarori bilan tasdiqlangan Ishlab chiqarishdagi baxtsiz hodisalarni va xodimlar salomatligining mehnat vazifalarini bajarish bilan bogʻliq boshqa xil zararlanishini tekshirish va hisobga olish toʻgʻrisidagi nizomga muvofiq amalga oshirilishi lozim.”.

2. 13-band “davriy” degan soʻzdan keyin “(mehnat faoliyati davomida) majburiy” degan soʻzlar bilan toʻldirilsin.

3. 15-band “Xodimlar” degan soʻzdan keyin “majburiy” degan soʻz bilan toʻldirilsin.

4. 16-band quyidagi tahrirda bayon etilsin:

“16. Majburiy tibbiy koʻriklar korxonalarga tibbiy xizmatlar koʻrsatuvchi davolash-profilaktika muassasalari tomonidan, ular boʻlmagan taqdirda esa korxona joylashgan yerdagi davolash-profilaktika muassasalari tomonidan oʻtkaziladi.”.

5. 17-band “qoʻmitasi” degan soʻzdan keyin “majburiy” degan soʻz bilan toʻldirilsin.

6. 18-banddagi “Davriy tibbiy koʻriklar” degan soʻzlar “Majburiy davriy tibbiy koʻriklar” degan soʻzlar bilan almashtirilsin.

7. 20-band quyidagi tahrirda bayon etilsin:

“20.Ish beruvchi majburiy tibbiy koʻrikdan oʻtmagan yoxud majburiy tibbiy koʻrik natijalariga koʻra tibbiy komissiyalar tomonidan berilgan tavsiyalarni bajarishdan boʻyin tovlagan shaxslarni ishdan chetlashtirishi shart.”.

8. 51-bandning ikkinchi xatboshisidagi “QMQ 2.01.05-98” degan soʻzlar “QMQ 2.01.05-19” degan soʻzlar bilan almashtirilsin.

9. 57 va 60-bandlardagi “QMQ 2.09.04-98 “Korxonalarning maʼmuriy va maishiy binolari” degan soʻzlar “SHNK 2.09.04-09 “Tashkilotlarning maʼmuriy va maishiy binolari” degan soʻzlar Bilan almashtirilsin.

10. 74-banddagi “Isitish, shamollatish va konditsionerlash” degan soʻzlar “Isitish, ventilyatsiya va konditsiyalash” degan soʻzlar bilan almashtirilsin.

11. 80-band quyidagi tahrirda bayon etilsin:

“80. Suv bilan taʼminlash va kanalizatsiya tizimi QMQ 2.04.01-98 “Binolar ichki vodoprovodi va kanalizatsiyasi” talabiga mos kelishi kerak.”.

12. 88-banddagi “Davlat sanitar nazorati organlari” degan soʻzlar “Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining hududiy boshqarmalari yoki tuman (shahar) boʻlimlari” degan soʻzlar bilan almashtirilsin.

13. 89-band quyidagi tahrirda bayon etilsin:

“89. Korxona maydonida, ishlab chiqarish va yordamchi binolar va xonalarda tabiiy va sunʼiy yoritishlar QMQ 2.01.05-19 “Tabiiy va sunʼiy yoritish”ga mos kelishi kerak.”.

14. 101-banddagi “QMQ 2.01.05-98” degan soʻzlar “QMQ 2.01.05-19” degan soʻzlar bilan almashtirilsin.

15. 153-band quyidagi tahrirda bayon etilsin:

“153. Bugʻ va suv isitish qozonlaridan foydalanish, oʻrnatish va taʼmirlash, shuningdek ularni sinovdan oʻtkazish ishlari “Sanoatgeokontexnazorat” davlat inspeksiyasi tomonidan 2018-yil 25-sentabrda 16/NTD-5-son bilan tasdiqlangan Bugʻ va suv isitish qozonlarini tuzilishi va ulardan xavfsiz foydalanish qoidalari talablariga mos kelishi kerak.”.

16. 154-band quyidagi tahrirda bayon etilsin:

“154. Koʻchmas kompressor qurilmalari, havo quvurlari va gaz quvurlarini oʻrnatish, taʼmirlash va foydalanish “Sanoatgeokontexnazorat” davlat inspeksiyasi tomonidan 2011-yil 3-noyabrda 239-son bilan tasdiqlangan Statsionar kompressor qurilmalari, havo oʻtkazgich quvurlari va gaz quvurlarining tuzilishi hamda ulardan xavfsiz foydalanish qoidalari talablariga mos kelishi kerak.”.

17. 155-band quyidagi tahrirda bayon etilsin:

“155. Gaz xoʻjaligini ekspluatatsiya etish Oʻzbekiston Respublikasi Vazirlar Mahkamasining 2019-yil 16-martdagi 226-son qarori bilan tasdiqlangan Gaz xoʻjaligida xavfsizlik qoidalari talablariga mos kelishi kerak.”.

18. 156-band quyidagi tahrirda bayon etilsin:

“156. Yuk koʻtarish kranlaridan foydalanish, oʻrnatish va taʼmirlash, shuningdek ularni sinovdan oʻtkazish ishlari Oʻzbekiston Respublikasi Sanoat xavfsizligi davlat qoʻmitasi tomonidan 2019-yil 20-iyunda 20/YUB-26-son bilan tasdiqlangan Yuk koʻtarish kranlarining tuzilishi va ulardan xavfsiz foydalanish qoidalari talablariga mos kelishi kerak.”.

19. 157-band quyidagi tahrirda bayon etilsin:

“157. Elektr qurilmalarini ekspluatatsiya etish, joylashtirish va qurish Oʻzbekiston Respublikasi Vazirlar Mahkamasining 2020-yil 11-noyabrdagi 712-son qarori bilan tasdiqlangan Isteʼmolchilar elektr qurilmalarini texnik ekspluatatsiya qilish qoidalari hamda Isteʼmolchilar elektr qurilmalarini ekspluatatsiya qilishda xavfsizlik texnikasi qoidalari va mazkur qoidalar talablariga mos kelishi kerak.”.

20. 286-band quyidagi tahrirda bayon etilsin:

“286. Bugʻ va issiq suv quvurlaridan foydalanish, oʻrnatish va taʼmirlash, shuningdek ularni sinovdan oʻtkazish ishlari “Sanoatkontexnazorat” davlat inspeksiyasi tomonidan 2010-yil 6-iyulda 199-son bilan tasdiqlangan Bugʻ va issiq suv quvurlarining tuzilishi va xavfsiz ekspluatatsiya qilish qoidalari talablariga mos kelishi kerak.”.

21. 290-band quyidagi tahrirda bayon etilsin:

“290. Bugʻ quvurlari va armatura toʻsiqlari “Sanoatkontexnazorat” davlat inspeksiyasi tomonidan 2010-yil 6-iyulda 199-son bilan tasdiqlangan Bugʻ va issiq suv quvurlarining tuzilishi va xavfsiz ekspluatatsiya qilish qoidalari talablariga mos kelishi lozim.”.

22. 305-band quyidagi tahrirda bayon etilsin:

“305. Yuk ortish va tushirish ishlari (yuk ilish, koʻtarish va tashish) “Sanoatkontexnazorat” davlat inspeksiyasi tomonidan 2006-yil 14-fevralda 32-son bilan tasdiqlangan Yuk ortish va tushirish ishlaridagi yukchilar uchun ishlarning xavfsizligi qoidalari talablariga mos kelishi kerak.”.