O‘zbekiston Respublikasi Prezidentining 2022-yil 21-dekabrdagi PF-269-son “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi Farmoni va O‘zbekiston Respublikasi Vazirlar Mahkamasining 2021-yil 22-fevraldagi 87-son “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi hamda 2023-yil 17-avgustdagi 396-son “Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash bo‘yicha nodavlat ta’lim xizmatlarini ko‘rsatish faoliyatini litsenziyalashga oid qonunchilik takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida”gi qarorlariga muvofiq O‘zbekiston Respublikasi Oliy ta’lim, fan va innovatsiyalar vazirligi, Kambag‘allikni qisqartirish va bandlik vazirligi hamda Iqtisodiyot va moliya vazirligi qaror qiladi:

1. O‘zbekiston Respublikasi Oliy va o‘rta maxsus ta’lim vazirligi, Oliy va o‘rta maxsus ta’lim vazirligining Kasb-hunar ta’limi markazi, Bandlik va mehnat munosabatlari vazirligi, Moliya vazirligining 2018-yil 29-dekabrdagi 78-q/q, 13/qq, 32-q/q, 162-son “Akademik litsey, kasb-hunar maktabi, kollej va texnikumlar boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlarini tasdiqlash to‘g‘risida”gi qarorga (ro‘yxat raqami 3119, 2019-yil 11-yanvar) (Qonun hujjatlari ma’lumotlari milliy bazasi, 14.01.2019-y., 10/19/3119/2469-son) ilovaga muvofiq o‘zgartirish va qo‘shimchalar kiritilsin.

2. Mazkur qaror O‘zbekiston Respublikasi Sog‘liqni saqlash vazirligi, O‘zbekiston Respublikasi Vazirlar Mahkamasi huzuridagi Soliq qo‘mitasi hamda Yoshlar ishlari agentligi bilan kelishilgan.

3. Mazkur qaror rasmiy e’lon qilingan kundan e’tiboran kuchga kiradi.

Mazkur qarorga ilovaning 2-bandi “v” kichik bandi ikkinchi va uchinchi xatboshilari hamda “g” kichik bandi ikkinchi va uchinchi xatboshilari 2024-yilning 1-sentabridan amalga kiritiladi.

1. Qarorda:

a) muqaddimadan “qarori, O‘zbekiston Respublikasi Vazirlar Mahkamasining 2018-yil 25-maydagi 391-son “O‘zbekiston Respublikasi Oliy va o‘rta maxsus ta’lim vazirligining Kasb-hunar ta’limi markazi to‘g‘risidagi nizomni tasdiqlash haqida”gi” degan so‘zlar chiqarib tashlansin;

b) 2-bandning beshinchi xatboshisidagi “O‘zbekiston Respublikasi Oliy va o‘rta maxsus ta’lim vazirligi, Bandlik va mehnat munosabatlari vazirligi hamda Moliya vazirligi” degan so‘zlar “O‘zbekiston Respublikasi Oliy ta’lim, fan va innovatsiyalar vazirligi, Kambag‘allikni qisqartirish va bandlik vazirligi hamda Iqtisodiyot va moliya vazirligi” degan so‘zlar Bilan almashtirilsin.

2. Namunaviy shtatlarda:

a) I-bobning 5, 13, 15, 16 va 42 pozitsiyalar chiqarib tashlansin;

b) II-bobning 5, 12, 14, 18 va 47 pozitsiyalar chiqarib tashlansin;

v) III-bobda:

2-pozitsiyadagi “Direktorning o‘quv va tarbiyaviy ishlar bo‘yicha o‘rinbosari” degan so‘zlar “Direktorning o‘quv ishlari bo‘yicha o‘rinbosari****” degan so‘zlar bilan almashtirilsin;

quyidagi mazmundagi 2¹-pozitsiya bilan to‘ldirilsin:

4, 10, 16, va 49 pozitsiyalar chiqarib tashlansin.

g) IV-bobda:

2-pozitsiyadagi “Direktorning o‘quv va tarbiyaviy ishlar bo‘yicha o‘rinbosari” degan so‘zlar “Direktorning o‘quv ishlari bo‘yicha o‘rinbosari****” degan so‘zlar bilan almashtirilsin;

quyidagi mazmundagi 2¹-pozitsiya bilan to‘ldirilsin:

4, 10, 16, va 49 pozitsiyalar chiqarib tashlansin.

d) Izoh qismida:

ikkinchi va uchinchi xatboshilari quyidagi tahrirda bayon etilsin:

e) Ilovada:

1-bandda:

birinchi xatboshi quyidagi tahrirda bayon etilsin:

“1. Shtat jadvalini tuzishda ta’lim muassasalari xodimlarining soni moliya yilining birinchi sanasi holatidagi kunduzgi, kechki, sirtqi, masofaviy va dual ta’lim shakllarida ta’lim olayotgan o‘quvchilar kontingentidan kelib chiqib, sirtqi ta’lim o‘quvchilari uchun — 0,4 koeffitsiyentni qo‘llagan holda, akademik litsey, kasb-hunar maktabi, kollej va texnikumlar boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlariga muvofiq aniqlanadi va shtatlar jadvali o‘quvchilar soni o‘zgarishi bilan yilning 1-sentabr holatiga qayta ko‘rib chiqilishi mumkin.”

ikkinchi xatboshidagi “Oliy va o‘rta maxsus ta’lim vazirligi (boshqa vazirlik va idoralar tizimidagi ta’lim muassasalari uchun), Bandlik va mehnat munosabatlari vazirligi hamda Moliya vazirligi” degan so‘zlar “Oliy ta’lim, fan va innovatsiyalar vazirligi (boshqa vazirlik va idoralar tizimidagi ta’lim muassasalari uchun), Kambag‘allikni qisqartirish va bandlik vazirligi hamda Iqtisodiyot va moliya vazirligi” degan so‘zlar bilan almashtirilsin;

3-band o‘z kuchini yo‘qotgan deb topilsin;

15-band quyidagi tahrirda bayon etilsin:

“15. Liftchi lavozimi bir binoda joylashgan va foydalanilayotgan liftlar uchun 1,0 birlik kiritiladi.”.

21 va 24-bandlar o‘z kuchini yo‘qotgan deb topilsin;

25-banddagi “Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish bo‘yicha nodavlat ta’lim xizmatlari ko‘rsatish faoliyatini litsenziyalash tartibi to‘g‘risidagi” degan so‘zlar “Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash bo‘yicha nodavlat ta’lim xizmatlari ko‘rsatish faoliyatini litsenziyalash tartibi to‘g‘risidagi” degan so‘zlar bilan almashtirilsin.