Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalarini aniqlash va ulardan samarali foydalanilishini taʼminlash maqsadida Oʻzbekiston Respublikasi Oliy Majlisi Senatining Kengashi qaror qiladi:

1. Oʻzbekiston Respublikasi Oliy Majlisi Senati Kengashining 2022-yil 8-apreldagi KQ-331-IV-sonli Qarori bilan tasdiqlangan Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalarini aniqlash va ulardan foydalanish tartibi toʻgʻrisidagi namunaviy nizomga 1-ilovaga muvofiq;

Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalari hisobidan amalga oshiriladigan tadbirlarni umumlashtiruvchi komissiyaning namunaviy tarkibiga 2-ilovaga muvofiq oʻzgartirish va qoʻshimchalar kiritilsin.

2. Mazkur Qarorning ijrosini nazorat qilish Oʻzbekiston Respublikasi Oliy Majlisi Senatining Budjet va iqtisodiy islohotlar masalalari qoʻmitasi raisi E. Gadoyev zimmasiga yuklansin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senati Kengashining 2022-yil 8-apreldagi KQ-331-IV-sonli qarori 1-ilovasi bilan tasdiqlangan Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalarini aniqlash va ulardan foydalanish tartibi toʻgʻrisidagi namunaviy nizomga quyidagi qoʻshimcha va oʻzgartirishlar kiritilsin:

1) 3-bandning toʻrtinchi xatboshisi quyidagi tahrirda bayon etilsin:

“Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjeti, tumanlar va shaharlar budjetlarining maxsus gʻazna hisobraqamlariga haqiqatda elektron savdo maydonchasida yer uchastkalariga boʻlgan huquqlarni sotishdan tushgan tushumlar”;

2) 10-band quyidagi tahrirda bayon etilsin:

“10. Qonunchilikda belgilangan miqdorlarda Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjeti, tumanlar va shaharlar budjetlarining maxsus gʻazna hisobraqamlariga elektron savdo maydonchasida yer uchastkalariga boʻlgan huquqlarni sotishdan haqiqatda tushgan tushumlar hisobidan xarajatlarning amalga oshirilishida tegishli budjetlarga oʻzgartirishlar kiritish talab etilmaydi.

Qoraqalpogʻiston Respublikasi budjeti, viloyatlar va Toshkent shahri budjetining birinchi-uchinchi hisobot chorak yakunlari bilan daromadlar prognozining oshirib bajarilgan miqdori Qoraqalpogʻiston Respublikasi respublika budjeti, viloyatlar viloyat budjetlari, Toshkent shahri shahar budjeti, tuman va shahar budjetlari kesimida daromadlar prognozining bajarilmagan qismiga teng boʻlgan miqdorda qoʻshimcha xarajatlarni yoʻnaltirishga yoʻl qoʻyilmaydi”;

3) 11-band:

birinchi xatboshisi quyidagi tahrirda bayon etilsin:

“11. Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalari (Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetiga elektron savdo maydonchasida yer uchastkalariga boʻlgan huquqlarni sotishdan tushgan tushumlar bundan mustasno) hisobidan tadbirlarga mablagʻ Qoraqalpogʻiston Respublikasi Vazirlar Kengashi, viloyatlar, Toshkent shahri, tumanlar va shaharlar hokimliklarining takliflariga asosan tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahri, tumanlar va shaharlar Kengashlari qarori asosida yoʻnaltiriladi”;

oltinchi xatboshisi quyidagi tahrirda bayon etilsin:

“Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalari shakllangani boʻyicha tegishincha Qoraqalpogʻiston Respublikasi Iqtisodiyot va moliya vazirligi va Soliq boshqarmasining, viloyatlar va Toshkent shahri Iqtisodiyot va moliya bosh boshqarmalarining va Soliq boshqarmalarining, tumanlar va shaharlar Iqtisodiyot va moliya boʻlimlarining va Soliq inspeksiyalarining xulosalari”;

4) 12-band:

birinchi xatboshisi quyidagi tahrirda bayon etilsin:

“12. Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahri Iqtisodiyot va moliya bosh boshqarmalari tomonidan Qoraqalpogʻiston Respublikasining respublika budjetiga, viloyatlarning viloyat budjetlariga, Toshkent shahrining shahar budjetiga elektron savdo maydonchasida yer uchastkalariga boʻlgan huquqlarni sotishdan maxsus gʻazna hisobraqamlariga haqiqatda tushgan tushumlar quyidagicha taqsimlanadi:”;

toʻrtinchi va beshinchi xatboshilari quyidagi tahrirda bayon etilsin:

“Bunda elektron savdo maydonchasida yer uchastkalariga boʻlgan huquqlarni sotishdan maxsus gʻazna hisobraqamlariga haqiqatda tushgan tushumlar taqsimotiga Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahri Kengashlari hamda Qoraqalpogʻiston Respublikasi Vazirlar Kengashi, viloyatlar, Toshkent shahri hokimlarining qarorlari qabul qilinishi talab etilmaydi.

Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahri Iqtisodiyot va moliya bosh boshqarmalari elektron savdo maydonchasida yer uchastkalariga boʻlgan huquqlarni sotishdan maxsus gʻazna hisobraqamlariga haqiqatda tushgan tushumlar toʻgʻrisida maʼlumotni Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklariga har oyning oxirgi ish kunida taqdim etadi”;

quyidagi mazmundagi oltinchi xatboshi bilan toʻldirilsin:

“Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklari taqdim etilgan maʼlumot asosida bir ish kuni davomida tegishli mablagʻlar hududiy jamgʻarmalarga oʻtkazilishini taʼminlaydi”;

5) 13-band quyidagi tahrirda bayon etilsin:

“13. Qoraqalpogʻiston Respublikasi Vazirlar Kengashi Raisi, viloyatlar, Toshkent shahri, tumanlar va shaharlar hokimlari favqulodda vaziyatlarda va shunga oʻxshash kechiktirib boʻlmaydigan choralar koʻrilishi talab etiladigan hollarda ishlatilgan mablagʻlar toʻgʻrisida Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahri, tumanlar va shaharlar Kengashlariga hisobot berish sharti bilan qoʻshimcha mablagʻlarni (Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetiga elektron savdo maydonchasida yer uchastkalariga boʻlgan huquqlarni sotishdan maxsus gʻazna hisobraqamlariga haqiqatda tushgan tushumlar bundan mustasno) yoʻnaltirish boʻyicha qarorlar qabul qiladi”;

6) 14-bandning birinchi xatboshisi quyidagi tahrirda bayon etilsin:

“14. Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalari (Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetiga elektron savdo maydonchasida yer uchastkalariga boʻlgan huquqlarni sotishdan maxsus gʻazna hisobraqamlariga haqiqatda tushgan tushumlar bundan mustasno) birinchi navbatda quyidagi maqsadlarga yoʻnaltiriladi:”;

7) 16-band quyidagi tahrirda bayon etilsin:

“16. Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalarining kamida 30 foizi jamoatchilik fikri asosida shakllantiriladigan tadbirlarni moliyalashtirishga yoʻnaltiriladi.”

8) 17-band quyidagi tahrirda bayon etilsin:

“17. Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahri Kengashlarining qarorlari asosida yuqori turuvchi tegishli budjetlarning qoʻshimcha manbalari hisobidan tumanlar va shaharlar budjetlari orqali ushbu hududdagi ijtimoiy-iqtisodiy tadbirlarni amalga oshirish uchun mablagʻ ajratilishi mumkin.”

9) 18-band quyidagi tahrirda bayon etilsin:

“18. Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalari toʻgʻri aniqlanishi, ularning sarflanishi va natijadorligi boʻyicha nazorat Oʻzbekiston Respublikasi Hisob palatasi, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti tuzilmasidagi Davlat moliyaviy nazorati inspeksiyasi va uning hududiy boshqarmalari, shuningdek, Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahri, tumanlar va shaharlar Kengashlari tomonidan amalga oshiriladi.”;

10) Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalarini aniqlash va ulardan foydalanish tartibi toʻgʻrisidagi namunaviy nizomga 2-ilovaning:

ikkinchi xatboshisi quyidagi tahrirda bayon etilsin:

n = 1,2 va 3 hisobot choragi”;

oʻn ikkinchi xatboshisi chiqarib tashlansin;

oʻn uchinchi — oʻn yettinchi xatboshilar tegishincha oʻn ikkinchi — oʻn oltinchi xatboshilar deb hisoblansin;

oʻn beshinchi va oʻn oltinchi xatboshilar quyidagi tahrirda bayon etilsin:

“tegishli budjet daromadlarining aniqlangan prognozi, soliq idoralarining maʼlumotlari asosida belgilangan ajratmalar meʼyorlariga muvofiq tegishli budjetlarga soliqlar, penyalar va jarimalarning ortiqcha toʻlangan yoki ortiqcha undirilgan summalari boʻyicha Qoraqalpogʻiston Respublikasining Iqtisodiyot va moliya vazirligi, viloyatlar va Toshkent shahri Iqtisodiyot va moliya bosh boshqarmalari, tumanlar va shaharlar Iqtisodiyot va moliya boʻlimlari tomonidan shakllantiriladi.

Qoraqalpogʻiston Respublikasi respublika budjeti, viloyatlar viloyat budjetlari, Toshkent shahri shahar budjeti, tumanlar va shaharlar budjetlari daromadlarining birinchi-uchinchi hisobot choraklari yakunlari boʻyicha aniqlanadigan prognozidan oshirib bajarilishi Qoraqalpogʻiston Respublikasining Iqtisodiyot va moliya vazirligi va Soliq boshqarmalari, viloyatlar va Toshkent shahri hokimliklari Iqtisodiyot va moliya bosh boshqarmalari va Soliq boshqarmalari, tumanlar va shaharlar hokimliklari Iqtisodiyot va moliya boʻlimlari va Soliq inspeksiyalari rahbarlari tomonidan birgalikda mahalliy budjetlarning hisobotlari aniqlashtirilganidan soʻng shakllangan qoʻshimcha manba hisoblanadi.”

Oʻzbekiston Respublikasi Oliy Majlisi Senati Kengashining 2022-yil 8-apreldagi KQ-331-IV-sonli qarori 2-ilovasi bilan Qoraqalpogʻiston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qoʻshimcha manbalari hisobidan amalga oshiriladigan tadbirlarni umumlashtiruvchi komissiyaning namunaviy tarkibiga quyidagi oʻzgartish va qoʻshimchalar kiritilsin.

1) 4-band quyidagi tahrirda bayon etilsin:

“4. Lavozimiga koʻra — Qoraqalpogʻiston Respublikasi Iqtisodiyot va moliya vaziri, viloyatlar, Toshkent shahri, tumanlar va shaharlar iqtisodiyot va moliya boshqarmasi (boʻlimi) rahbari”;

2) 5-band chiqarib tashlansin;

3) izoh qismi quyidagi tahrirda bayon etilsin: