Oʻzbekiston Respublikasining Budjet kodeksi va Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2018-yil 18-dekabrdagi 157-son buyrugʻi (roʻyxat raqami 3124, 2019-yil 18-yanvar) (Qonun hujjatlari maʼlumotlari milliy bazasi, 19.01.2019-y., 10/19/3124/2524-son) bilan tasdiqlangan Oʻzbekiston Respublikasi budjet hisobining standarti (3-sonli BHS) “Budjet hisoboti”ga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 10-banddagi “(roʻyxat raqami 2837, 2016-yil 8-noyabr)” degan soʻzlar “(roʻyxat raqami 3255, 2020-yil 30-iyun)” degan soʻzlar bilan almashtirilsin.

2. 137-banddagi va 147-bandning birinchi xatboshisidagi “tegishli gʻaznachilik boʻlinmalari” degan soʻzlar “tegishliligi boʻyicha Iqtisodiyot va moliya vazirligi, hududiy iqtisodiyot va moliya organlari” degan soʻzlar bilan almashtirilsin.

3. 138-band quyidagi tahrirda bayon etilsin:

“138. Dasturiy majmua orqali budjet tashkiloti rahbari va bosh hisobchisining elektron imzosi bilan tasdiqlangan elektron shakldagi moliyaviy hisobotlarni qogʻozga chop etilishi talab etilmaydi.”.

4. 139-band quyidagi tahrirda bayon etilsin:

“139. Budjet mablagʻlarini taqsimlovchilar va markazlashtirilgan moliya-buxgalteriya xizmati jamlanma moliyaviy hisobotlarni dasturiy majmua orqali vakolatli xodimlari tomonidan elektron raqamli imzodan foydalangan holda elektron shaklda tegishliligi boʻyicha Iqtisodiyot va moliya vazirligi, hududiy iqtisodiyot va moliya organlariga taqdim etadi.”.

5. 140-band oʻz kuchini yoʻqotgan deb topilsin.

6. 141-band quyidagi tahrirda bayon etilsin:

“141. Moliyaviy hisobotlarni elektron shaklda taqdim qilish imkoniyati mavjud boʻlmagan hollarda, budjet tashkilotlari moliyaviy hisobotlarni tegishliligi boʻyicha Iqtisodiyot va moliya vazirligi, hududiy iqtisodiyot va moliya organlariga qogʻoz shaklida imzolangan holda bir nusxada taqdim etadi.

Mazkur hisobotlarda budjet tashkilotlarining muhri, rahbari va bosh hisobchisining imzolari mavjud boʻlmasa, ular haqiqiy emas deb hisoblanadi.”.

7. 142 va 148-bandlardagi “tegishli gʻaznachilik boʻlinmalariga” degan soʻzlar “tegishliligi boʻyicha Iqtisodiyot va moliya vazirligi, hududiy iqtisodiyot va moliya organlariga” degan soʻzlar bilan almashtirilsin.

8. 143-banddagi “Iqtisodiyot va moliya vazirligi huzuridagi Gʻaznachilik xizmati qoʻmitasiga” degan soʻzlar “Iqtisodiyot va moliya vazirligiga” degan soʻzlar bilan almashtirilsin.

9. 155-bandda:

birinchi xatboshidagi “gʻaznachilik boʻlinmalari, moliya va” degan soʻzlar “gʻaznachilik xizmati boʻlinmalari, iqtisodiyot va moliya hamda” degan soʻzlar bilan almashtirilsin;

ikkinchi xatboshidagi “Davlat soliq qoʻmitasini” degan soʻzlar “Vazirlar Mahkamasi huzuridagi Soliq qoʻmitasini” degan soʻzlar bilan almashtirilsin.

10. 167-bandning birinchi xatboshisi va 168-bandning birinchi xatboshisidagi “Gʻaznachilik xizmati boshqarmalari” degan soʻzlar “iqtisodiyot va moliya bosh boshqarmalari” degan soʻzlar bilan almashtirilsin.

11. 169-bandning uchinchi xatboshisidagi “moliya bosh boshqarmalari” degan soʻzlar “iqtisodiyot va moliya bosh boshqarmalari” degan soʻzlar bilan almashtirilsin.

12. 1-ilovaning 290-qatoridan keyin quyidagi mazmundagi qator bilan toʻldirilsin:

13. 2-ilovaning 120-qatori nomidagi “020” raqamlari “030” raqamlari bilan almashtirilsin.