T/r

Chora-tadbirlar

Amalga oshirish mexanizmi

Amalga oshirish shakli

Ijro muddati

Mas’ul ijrochilar

I. Xalqaro sug‘urta tamoyillari (Sug‘urta asosiy prinsiplari) asosida sug‘urta xizmatlari iste’molchilari manfaatlarini himoya qilishga, shuningdek, ushbu sohani tartibga soluvchi normativ-huquqiy hujjatlarni takomillashtirishga qaratilgan normativ-huquqiy bazani yaratish

1.

O‘zbekiston Respublikasining “Sug‘urta faoliyati to‘g‘risida”gi, “Litsenziyalash, ruxsat berish va xabardor qilish tartib-taomillari to‘g‘risida”gi va “Davlat boji to‘g‘risida”gi qonunlariga sug‘urta faoliyatini tartibga solishga doir o‘zgartirish va qo‘shimchalar kiritish.

“Sug‘urta faoliyati to‘g‘risida”gi, “Litsenziyalash, ruxsat berish va xabardor qilish tartib-taomillari to‘g‘risida”gi va “Davlat boji to‘g‘risida”gi O‘zbekiston Respublikasi qonunlariga quyidagi o‘zgartish va qo‘shimchalarni nazarda tutuvchi qonun loyihasini Vazirlar Mahkamasiga kiritish:

a) qayta sug‘urta brokerlari, syurveyerlar, adjasterlar, assistanslar va aktuar tashkilotlar faoliyatining boshlanishi yoki tugatilishi to‘g‘risida vakolatli organni xabardor qilish tartibini joriy etish;

b) sug‘urtalovchining (qayta sug‘urtalovchining) va sug‘urta brokerining rahbarlari va bosh buxgalterlari bilan ularning sug‘urta faoliyati va buxgalteriya hisobi to‘g‘risidagi qonunchilik hujjatlarini bilishini aniqlash maqsadida suhbat o‘tkazish;

v) vakolatli davlat organiga sug‘urta va bank sirini tashkil etuvchi ma’lumotlarni to‘plash, saqlash va qayta ishlash huquqini berish;

g) prudensial me’yorlar buzilganda, shuningdek, to‘lovga layoqatsizlik (to‘lovga qobiliyatsizlik) yoki bunday taqsimlash natijasida to‘lovga layoqatsizlik (to‘lovga qobiliyatsizlik) belgilari paydo bo‘lganda, sug‘urtalovchilar (qayta sug‘urtalovchilar) foydasini taqsimlashni cheklash chora-tadbirlari;

d) sug‘urta qildiruvchilarni (jabrlanuvchilarni) majburiy sug‘urta shartnomalaridan kelib chiqadigan da’volar bo‘yicha davlat bojini to‘lashdan ozod etish.

Qonun loyihasi

2024-yil sentabr

Istiqbolli loyihalar milliy agentligi

(ILMA)

2.

Sug‘urta faoliyati to‘g‘risidagi qonunchilik hujjatlarini, shu jumladan, belgilangan iqtisodiy normativlarni buzganlik uchun sug‘urtalovchilarga (qayta sug‘urtalovchilarga) jarimalar qo‘llashning yangilangan tartibini tasdiqlash.

Jarima sanksiyalarini qo‘llash bo‘yicha normativ-huquqiy hujjatni ishlab chiqish, qo‘shimcha ravishda quyidagi javobgarliklarni nazarda tutish:

a) majburiy sug‘urta turlari bo‘yicha qonunchilik hujjatlarida belgilangan muddatlarda:

arizalarni ko‘rib chiqmaganlik (sug‘urta da’volarini ko‘rib chiqish);

sug‘urta tovonini to‘lamaganlik uchun;

b) sug‘urtalovchilar, sug‘urta brokerlari va ularning alohida bo‘linmalarining rahbarlari va bosh buxgalterlarini vakolatli organ bilan kelishmagan holda tayinlaganlik uchun;

v) vakolatli davlat organining majburiy taqdimnomalari va/yoki ko‘rsatmalarini bajarmaganlik, shu jumladan o‘z vaqtida bajarmaganlik uchun;

g) sug‘urtalovchi (qayta sug‘urtalovchi)ning hisob (valyuta) va boshqa bank raqamlarida o‘tgan o‘n ikki oy mobaynida hisoblangan sug‘urta tovonlari summasining 3 foizidan kam bo‘lmagan miqdorda pul mablag‘lari mavjud bo‘lishiga oid talabga rioya qilmaganlik uchun.

Normativ-huquqiy hujjat loyihasi

2024-yil aprel

ILMA

3.

Sug‘urta xizmatlarini elektron shaklda ko‘rsatish tartibini takomillashtirish.

Elektron shaklda sug‘urta xizmatlarini ko‘rsatishning yangilangan tartibini ishlab chiqish, jumladan quyidagilarni nazarda tutish:

a) yagona axborot tizimi orqali sug‘urta shartnomalarini ro‘yxatdan o‘tkazish va sug‘urtaning barcha turlari bo‘yicha sug‘urta polislarini shakllantirish;

b) sug‘urta mukofotlarini hisoblashni avtomatlashtirish, sug‘urtalovchini tanlash huquqi bilan shartnomani elektron shaklda majburiy tartibda tuzish imkoniyatini ta’minlash, shuningdek, boshqa chora-tadbirlar orqali majburiy sug‘urta shartnomalarini tuzish jarayonlarini soddalashtirish;

v) sug‘urta da’volarini tartibga solish;

g) sug‘urtalovchilar tomonidan yagona axborot tizimidan foydalanish talablari va shartlari, shuningdek, Agentlikning ko‘rsatmasiga asosan qonunbuzilishlarni bartaraf etish davrida yagona axborot tizimidan to‘liq yoki qisman foydalanishni to‘xtatish.

Normativ-huquqiy hujjat loyihasi

2024-yil may

ILMA,

Raqamli texnologiyalar vazirligi

4.

Tashish faoliyatini amalga oshiruvchi shaxslar uchun tashuvchining fuqarolik javobgarligini majburiy sug‘urta qilish ustidan nazoratni kuchaytirish.

Tashish faoliyatini amalga oshiruvchi shaxslar uchun tashuvchining fuqarolik javobgarligini majburiy sug‘urta qilish polisiga ega bo‘lish talabini nazarda tutuvchi o‘zgartirishlar yo‘l harakati qoidalariga kiritilishini ta’minlash.

Normativ-huquqiy hujjat loyihasi

2024-yil may

Ichki ishlar vazirligi,

Transport vazirligi

5.

Xavfli ishlab chiqarish obyektida avariya yuz bergan taqdirda boshqa shaxslarning hayoti, sog‘lig‘i va (yoki) mol-mulkiga hamda atrof-muhitga zarar yetkazganlik uchun fuqarolik javobgarligini majburiy sug‘urta qilish talablarini kuchaytirish.

Xavfli ishlab chiqarish obyektida avariya yuz bergan taqdirda boshqa shaxslarning hayoti, sog‘lig‘i va (yoki) mol-mulkiga hamda atrof-muhitga zarar yetkazganlik uchun fuqarolik javobgarligini majburiy sug‘urta qilish talablarini buzganlik uchun ma’muriy javobgarlik choralarini belgilash.

Qonun loyihasi

2024-yil may

Tog‘-kon, geologiya va sanoat xavfsizligini nazorat qilish inspeksiyasi

II. Xorijiy davlatlarning ilg‘or sug‘urta tajribasini joriy etish orqali milliy sug‘urta bozori infratuzilmasini kengaytirish

6.

Sug‘urta xizmatlari ko‘rsatilishi sifati bo‘yicha sug‘urtalovchilar reytingini aniqlash va yuritish tartibini joriy etish.

Ko‘rsatilayotgan sug‘urta xizmatlari sifati bo‘yicha, shu jumladan quyidagi mezonlarni hisobga olgan holda Sug‘urtalovchilar reytingini aniqlash va yuritish tartibi to‘g‘risidagi nizom loyihasini ishlab chiqish:

a) sug‘urta tashkilotining to‘lovga qobiliyatlilik marjasining yetarlilik me’yori;

b) umumiy sug‘urta da’volari soniga nisbatan o‘z vaqtida ko‘rib chiqilgan sug‘urta da’volarining soni;

v) umumiy sug‘urta da’volari soniga nisbatan o‘z vaqtida to‘langan sug‘urta tovonlari soni;

g) umumiy sug‘urta qildiruvchilar soniga nisbatan Agentlikka kelib tushgan sug‘urta xizmatlari iste’molchilarining murojaatlari (shikoyatlar) soni;

d) umumiy sug‘urta da’volari soniga nisbatan qanoatlantirilgan sug‘urta da’volarining nisbati;

e) sug‘urta turlari bo‘yicha yig‘ilgan sug‘urta mukofotlari va sug‘urta to‘lovlarining nisbati.

Idoraviy normativ-huquqiy hujjat loyihasi

2024-yil iyul

ILMA,

Savdo-sanoat palatasi,

Adliya vazirligi

7.

Ish beruvchining fuqarolik javobgarligini majburiy sug‘urta qilishni faqatgina hayotni sug‘urta qilish sohasida litsenziyaga ega sug‘urta tashkilotlari tomonidan amalga oshiriladigan amaliyotini joriy etish.

1. Xalqaro tajribani o‘rganish va tahlil qilish.

2. Xalqaro tajribani implementatsiya qilish maqsadida milliy qonunchilikni tahlil qilish.

3. Tahlillar natijalariga ko‘ra takliflar tayyorlash va Prezident Administratsiyasiga kiritish.

Tahliliy ma’lumotnoma

2024-yil noyabr

ILMA

8.

Turoperatorlarning fuqarolik javobgarligini sug‘urta qilish amaliyotini joriy etish.

1. Xalqaro tajribani o‘rganish va tahlil qilish.

2. Xalqaro tajribani implementatsiya qilish maqsadida milliy qonunchilikni tahlil qilish.

3. Tahlillar natijalariga ko‘ra takliflar tayyorlash va Prezident Administratsiyasiga kiritish.

Tahliliy ma’lumotnoma

2024-yil dekabr

ILMA

III. Sug‘urta bozorini jadal raqamlashtirish va sug‘urta bozori professional ishtirokchilari faoliyatini tartibga solishning zamonaviy usullarini joriy etish orqali sug‘urta xizmatlarini ko‘rsatish jarayonlarini takomillashtirish, sug‘urta xizmatlari sifatini va ommabopligini oshirish

9.

Vazirlik va idoralarning axborot tizimlari va yagona axborot tizimi bilan majburiy sug‘urta turlari bo‘yicha tegishli ma’lumotlar almashinuvini ta’minlash.

1. Quyidagi ma’lumotlar almashinuvini nazarda tutuvchi idoralararo axborot tizimlarini integratsiya qilish bo‘yicha texnologik yo‘riqnoma ishlab chiqish:

yo‘lovchilarni tashish bilan bog‘liq faoliyatni amalga oshirish uchun ruxsatnomaga (litsenziyaga) ega bo‘lgan shaxslar to‘g‘risidagi ma’lumotlar;

davlat budjeti mablag‘lari va Hukumat kafolati ostidagi kreditlar hisobidan moliyalashtiriladigan obyektlarni qurish bo‘yicha tuzilgan shartnomalar to‘g‘risidagi ma’lumotlar;

faoliyati boshqa shaxslarning hayoti, sog‘lig‘i va mulkiga hamda atrof-muhitga zarar yetkazish xavfi bilan bog‘liq bo‘lgan xavfli ishlab chiqarish obyektlaridan foydalanuvchi tashkilotlar to‘g‘risidagi ma’lumotlar;

ish beruvchilar to‘g‘risidagi ma’lumotlar;

majburiy sug‘urta shartnomalari va sug‘urta polislari to‘g‘risidagi ma’lumotlar.

Texnologik yo‘riqnoma

2024-yil aprel

ILMA

Transport vazirligi,

Qurilish va uy-joy kommunal xo‘jaligi vazirligi

Tog‘-kon, geologiya va sanoat xavfsizligini nazorat qilish inspeksiyasi

Kambag‘allikni qisqartirish va bandlik vazirligi,

Soliq qo‘mitasi

2. Majburiy sug‘urta shartnomalari tuzilishini ta’minlash uchun taqdim etilgan ma’lumotlarni keyinchalik uzatgan holda yig‘ish va qayta ishlash.

3. Axborot almashinuvi bo‘yicha sinovlar o‘tkazish.

4. Onlayn axborot almashinuvini yo‘lga qo‘yish.

Axborot almashish tizimi

2024-yil iyul

10.

Soliq qo‘mitasining “my.soliq.uz” elektron tizimida ish beruvchi va tashuvchining fuqarolik javobgarligini majburiy sug‘urta qilish bo‘yicha shartnomalar tuzish mexanizmini joriy etish.

Quyidagi xizmatlarni ishlab chiqish va joriy etish:

1. Muntazam ravishda soliq hisobotlarini taqdim etishda amaldagi majburiy sug‘urta polisiga ega bo‘lmagan ish beruvchilar va tashuvchilarni avtomatik ravishda aniqlash.

2. Sug‘urta shartnomasini majburiy tartibda tuzish uchun sug‘urtalovchini tanlash huquqi bilan ommaviy ofertani qabul qilish imkoniyati.

3. Qonunchilikka muvofiq avtomatik ravishda sug‘urta mukofoti miqdorini hisoblash.

4. Sug‘urta polisini soliq to‘lovchining shaxsiy kabinetiga yuborish.

5. Sug‘urta hodisasi bo‘yicha arizalarni sug‘urta tashkilotiga yuborish.

Elektron shakldagi sug‘urta xizmatlari

2024-yil iyul

ILMA,

Soliq qo‘mitasi,

Kambag‘allikni qisqartirish va bandlik vazirligi,

Transport vazirligi

11.

Davlat budjeti mablag‘lari va Hukumat kafolati ostidagi kreditlar hisobidan obyektlarni qurish jarayonida qurilish tavakkalchiligini majburiy sug‘urta qilish bo‘yicha shartnomalar tuzish mexanizmini elektron tizimda joriy etish.

Quyidagi xizmatlarni ishlab chiqish va joriy etish:

1. Amaldagi majburiy sug‘urta polisiga ega bo‘lmagan yuridik shaxslarni avtomatik tarzda aniqlash.

2. Sug‘urtalovchini tanlash huquqi bilan sug‘urta shartnomasini tuzish imkoniyati.

3. Sug‘urta polisini sug‘urta qildiruvchiga yuborish.

4. Sug‘urta hodisasi bo‘yicha arizalarni sug‘urta tashkilotiga yuborish.

Elektron shakldagi sug‘urta xizmatlari

2024-yil iyul

ILMA,

Qurilish va uy-joy kommunal xo‘jaligi vazirligi

12.

Xavfli ishlab chiqarish obyektida avariya yuz berganda boshqa shaxslarning hayoti, sog‘lig‘i va (yoki) mol-mulkiga hamda atrof-muhitga yetkazilgan zarar uchun fuqarolik javobgarligini majburiy sug‘urta qilish bo‘yicha shartnomalarni elektron tizimda tuzish mexanizmini joriy etish.

1. Xavfli ishlab chiqarish obyektida avariya yuz bergan taqdirda boshqa shaxslarning hayoti, sog‘lig‘i va (yoki) mol-mulkiga hamda atrof-muhitga zarar yetkazganlik uchun fuqarolik javobgarligini majburiy sug‘urta qilish polisi mavjudligi to‘g‘risidagi talabni xavfi yuqori bo‘lgan obyektlarni va potensial xavfli ishlab chiqarishlarni loyihalashtirish, qurish hamda ulardan foydalanish faoliyatini litsenziyalash talab va shartlariga kiritish.

Normativ huquqiy hujjat loyihasi

2024-yil may

ILMA,

Tog‘-kon, geologiya va sanoat xavfsizligini nazorat qilish inspeksiyasi

2. Quyidagi xizmatlarni ishlab chiqish va joriy etish:

a) amaldagi majburiy sug‘urta polisiga ega bo‘lmagan yuridik shaxslarni avtomatik tarzda aniqlash.

b) sug‘urtalovchini tanlash huquqi bilan sug‘urta shartnomasini tuzish imkoniyati.

v) sug‘urta polisini sug‘urta qildiruvchiga yuborish.

g) sug‘urta hodisasi bo‘yicha arizalarni sug‘urta tashkilotiga yuborish.

Elektron shakldagi sug‘urta xizmatlari

2024-yil iyul

13.

Sug‘urtalovchilar (qayta sug‘urtalovchilar)ning sug‘urta zaxiralarini shakllantirish va to‘lov qobiliyatini aniqlash metodikasini Solvency II me’yorlariga muvofiqlashtirish bo‘yicha takliflar ishlab chiqish.

1. Xalqaro tajribani o‘rganish va tahlil qilish.

2. Xalqaro tajribani implementatsiya qilish maqsadida milliy qonunchilikni tahlil qilish.

3. Tahlillar natijalariga ko‘ra takliflar tayyorlash va Prezident Administratsiyasiga kiritish.

Tahliliy ma’lumotnoma

2025-yil iyul

ILMA

O‘zbekiston sug‘urta bozorining professional ishtirokchilari uyushmasi,

O‘zbekiston aktuariylar uyushmasi

14.

Xavfi yuqori bo‘lgan obyektlarni va potensial xavfli ishlab chiqarishlarni loyihalashtirish, qurish hamda ulardan foydalanish bilan bog‘liq faoliyatni litsenziyalashda xavfli ishlab chiqarish obyektida avariya yuz bergan taqdirda boshqa shaxslarning hayoti, sog‘lig‘i va (yoki) mol-mulkiga hamda atrof-muhitga zarar yetkazganlik uchun fuqarolik javobgarligini majburiy sug‘urta qilish polisi mavjud bo‘lishi to‘g‘risidagi talabni belgilash.

Vazirlar Mahkamasining 2022-yil 22-fevraldagi 80-son qarori bilan tasdiqlangan Xavfi yuqori bo‘lgan obyektlarni va potensial xavfli ishlab chiqarishlarni loyihalashtirish, qurish hamda ulardan foydalanish faoliyatini litsenziyalash pasportiga o‘zgartirish va qo‘shimchalar kiritish.

Normativ-huquqiy hujjat loyihasi

2024-yil may

Qurilish va uy-joy kommunal xo‘jaligi vazirligi,

Tog‘-kon, geologiya va sanoat xavfsizligini nazorat qilish inspeksiyasi

15.

Ish beruvchining fuqarolik javobgarligini majburiy sug‘urta qilish bo‘yicha sug‘urta tariflari koeffitsiyentlari va ish beruvchining faoliyati turlari xavfliligi darajalari tasnifini koeffitsiyentlar va IFUT kodini kasbiy tavakkalchilik klasslari bo‘yicha iqtisodiyot tarmoqlari (kichik tarmoqlari) kesimida belgilash yuzasidan qayta ko‘rib chiqish.

Normativ-huquqiy hujjatni qayta ko‘rib chiqish orqali o‘zgartirishlar kiritish, xususan:

har bir klass bo‘yicha sug‘urta tariflari koeffitsiyentlari;

kasbiy tavakkalchilik klasslari bo‘yicha iqtisodiyotning har bir tarmog‘i (kichik tarmog‘i) uchun IFUT kodini belgilash.

Normativ-huquqiy hujjat loyihasi

2024-yil oktabr

ILMA,

Kambag‘allikni qisqartirish va bandlik vazirligi,

Statistika agentligi,

Soliq qo‘mitasi

16.

Sug‘urta tashkilotlarining sug‘urta va investitsiya faoliyatini tartibga soluvchi normativ-huquqiy hujjatlarni tanqidiy qayta ko‘rib chiqish hamda zamonaviy talablarga muvofiqligini ta’minlash.

Quyidagi idoraviy normativ-huquqiy hujjatlarning yangilangan tahririni tayyorlash:

1. Sug‘urtalovchilarning sug‘urta zaxiralari to‘g‘risidagi nizomni, jumladan, unda quyidagilarni nazarda tutish:

sug‘urta agentiga to‘lanadigan to‘lovlarning ishlab topilmagan qismini hisobga olish uchun akvizitsion xarajatlar zaxirasini joriy etish, bunda, akvizitsion xarajatlar zaxirasini shakllantirish sug‘urta shartnomasi kuchga kirgandan so‘ng to‘liq hisoblangan holda amalga oshirilishini va sug‘urta davrining qolgan qismiga mutanosib ravishda hisoblanishini belgilash.

2. Sug‘urtalovchilar va qayta sug‘urtalovchilarning to‘lov qobiliyati to‘g‘risidagi nizom.

3. Sug‘urtalovchi va qayta sug‘urtalovchining investitsiya faoliyati to‘g‘risidagi nizom.

4. Aktuar xizmatlarini ko‘rsatish tartibi to‘g‘risidagi nizom.

5. Sug‘urtalovchilar va sug‘urta vositachilari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish bo‘yicha ichki nazorat qoidalari.

6. Sug‘urtalovchining muvaqqat ma’muriyati to‘g‘risidagi nizom.

7. Sug‘urtalovchining, sug‘urta brokerining hamda ular alohida bo‘linmalarining rahbariga va bosh buxgalteriga qo‘yiladigan malaka talablari to‘g‘risidagi nizom.

8. Qayta sug‘urta qilish xizmatlari ko‘rsatishning yagona talablari va standartlari to‘g‘risidagi nizom va uni zamonaviy talablarga moslashtirish, bunda tabiiy va texnogen ofatlarni qayta sug‘urtalashni nazarda tutish.

Normativ-huquqiy hujjat loyihasi

2024-2025-yillar davomida

ILMA,

O‘zbekiston aktuariylar uyushmasi

17.

Sug‘urta xizmatlarini ommalashtirish maqsadida targ‘ibot materiallarini tayyorlash va tarqatish.

1. Sug‘urta xizmatlari va ularning afzalliklari haqida targ‘ibot materiallarini tayyorlash.

2. Aholi o‘rtasida sug‘urtani ommalashtirish va uni keng targ‘ib qilish maqsadida sug‘urta xizmatlari to‘g‘risidagi targ‘ibot materiallarini ommaviy axborot vositalarida tarqatish.

3. Mazkur yo‘nalishda brifing, konferensiya va amaliy seminarlar o‘tkazish.

4. Ichki ishlar organlari xodimlari ishtirokisiz “E-Sugurta servis” mobil ilovasi orqali yo‘l-transport hodisasi to‘g‘risidagi xabarnomani (yevroprotokol) tuzgan holda yo‘l-transport hodisasining soddalashtirilgan tartibini qayd etish to‘g‘risida ma’rifiy teledasturlar va radioeshittirishlarni tayyorlash va efirga uzatish.

Tashkiliy chora-tadbirlar kompleksi

2024-2025-yillar davomida

ILMA,

AOKA,

O‘zMTRK,

O‘zbekiston sug‘urta bozorining professional ishtirokchilari uyushmasi

IV. Sug‘urta bozorida mutaxassislar tayyorlash tizimini takomillashtirish, xalqaro hamkorlikni rivojlantirish, aholi va tadbirkorlarning sug‘urta madaniyatini oshirish

18.

Sug‘urta nazoratchilari xalqaro uyushmasi (IAIS) bilan hamkorlikni kengaytirish.

Sug‘urta nazoratchilari xalqaro uyushmasi tomonidan o‘tkaziladigan tadbirlarda ishtirok etish.

Tashkiliy chora-tadbirlar

2024-yildan boshlab har yili

ILMA,

Tashqi ishlar vazirligi

19.

Xorijiy davlatlarning o‘xshash tuzilmalari, xalqaro moliya institutlari va boshqa xorijiy tashkilotlar bilan sug‘urta faoliyati sohasida hamkorlikni yo‘lga qo‘yish.

1. Xalqaro moliya institutlari va boshqa xorijiy tashkilotlar ekspertlari bilan seminar va uchrashuvlar o‘tkazish.

2. Xorijiy davlatlarning o‘xshash tuzilmalari bilan tajriba almashinuvini yo‘lga qo‘yish.

Tashkiliy chora-tadbirlar

2024 — 2027-yillar davomida

ILMA

20.

Sug‘urta tashkilotlari yuqori boshqaruv organlari xodimlarining sug‘urta ishi bo‘yicha malakasini muntazam ravishda oshirib borishni ta’minlash.

Ikki yilda kamida bir marta sug‘urta tashkilotlari yuqori boshqaruv organlari xodimlarining malakasini oshirish. Bunda:

a) xodimlarni tayyorlash:

yuqori boshqaruv organlari xodimlari uchun — 80 akademik soat;

o‘rta boshqaruv organlari xodimlari uchun — 100 akademik soat;

bo‘linmalar rahbarlari va ularning xodimlari uchun — 120 akademik soat;

b) xodimlarni o‘qitish va malakasini oshirish uchun ish haqi fondining kamida 3 foizi miqdorida mablag‘ ajratish tizimini joriy etish.

Tashkiliy chora-tadbirlar

2024 — 2027-yillar davomida

Oliy ta’lim, fan va innovatsiyalar vazirligi,

ILMA,

O‘zbekiston sug‘urta bozorining professional ishtirokchilari uyushmasi

mln so‘mda

T/r

Sug‘urta faoliyati turlari

1-oktabrdan

2025-yil

2027-yil

2029-yil

1.

Umumiy sug‘urta sohasida ixtiyoriy sug‘urta

35 000

45 000

60 000

2.

Umumiy sug‘urta sohasida majburiy sug‘urta

50 000

75 000

100 000

3.

Hayotni sug‘urta qilish sohasida ixtiyoriy sug‘urta

25 000

30 000

35 000

4.

Hayotni sug‘urta qilish sohasida majburiy sug‘urta

40 000

45 000

50 000

5.

Faqat qayta sug‘urta

80 000

100 000

120 000

D.S. Maksudov

—

Istiqbolli loyihalar milliy agentligi direktorining o‘rinbosari, Jamg‘arma kuzatuv kengashi raisi

O.Ch. Saidov

—

Ichki ishlar vazirligi Jamoat xavfsizligi departamenti Yo‘l harakati xavfsizligi xizmati boshlig‘i

O.O. Fayziyev

—

Istiqbolli loyihalar milliy agentligi departamenti boshlig‘i

K.A. Abduraximov

—

O‘zbekiston sug‘urta bozori professional ishtirokchilari uyushmasining bosh direktori

L.X. Zakirov

—

Transport vositalari egalarining fuqarolik javobgarligini majburiy sug‘urta qilish bo‘yicha to‘lovlarni kafolatlash jamg‘armasi direktori (maslahat ovozi huquqi bilan), Jamg‘arma kuzatuv kengashi kotibi

“

9.

Litsenziya talablari va shartlari:

a) O‘zbekiston Respublikasining sug‘urta faoliyati va jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurollarining tarqalishini moliyalashtirishga qarshi kurashish, shuningdek, shaxsga doir ma’lumotlarni saqlash va ulardan foydalanish to‘g‘risidagi qonunchilik hujjatlariga rioya qilish;

b) sug‘urta faoliyatini amalga oshirishda olingan axborotlarning qonunchilik hujjatlari talablariga muvofiq maxfiyligini ta’minlash;

v) litsenziyalovchi organ talabiga ko‘ra sug‘urta faoliyatini amalga oshirishga doir qonunchilik hujjatlarida belgilangan axborotlarni taqdim etish;

g) quyidagi shaxslarni sug‘urtalovchilar (qayta sug‘urtalovchilar) va sug‘urta brokerlarining rahbarlik lavozimlariga tayinlanishiga yo‘l qo‘ymaslik:

terroristik faoliyatda yoki ommaviy qirg‘in qurollarini tarqatishda ishtirok etgan yoki ishtirok etishda gumon qilinayotgan;

shaxsga qarshi, jinoiy faoliyatdan olingan daromadlarni legallashtirish, terrorizm, ommaviy qirg‘in qurollarini tarqatish, ularni moliyalashtirish, uyushgan jinoyatchilik, giyohvand moddalar noqonuniy savdosi, korrupsiya va axborot texnologiyalari bilan bog‘liq iqtisodiy jinoyatlarni sodir etganlik uchun sudlanganligi olib tashlanmagan yoki o‘talmagan shaxslar;

d) “g” kichik bandda belgilangan shaxslarning sug‘urtalovchilar (qayta sug‘urtalovchilar) va sug‘urta brokerlarining ustav kapitalida ishtirok etishiga yo‘l qo‘ymaslik;

e) litsenziya talabgorining (litsenziatning) va ular alohida bo‘linmalarining rahbari va bosh buxgalterining sug‘urta faoliyatini tartibga solish va nazorat qilish bo‘yicha vakolatli davlat organi tomonidan belgilangan malaka talablariga muvofiqligi, jumladan, kasbiy ko‘nikmalar, bilim va tajribaning korporativ boshqaruv standartlariga muvofiqligi va ijobiy ishchanlik obro‘siga ega bo‘lishi;

j) litsenziya talabgorining (litsenziatning) rahbarlik lavozimlarida ishlovchi shaxslarining boshqa sug‘urta tashkilotlarida rahbarlik lavozimlarida o‘rindoshlik asosida ishlashiga yo‘l qo‘ymaslik;

z) besh yil mobaynida sug‘urta faoliyatini amalga oshirishga oid barcha ma’lumotlarni, jumladan ish yozishmalarini saqlash.

Sug‘urtalovchilar (qayta sug‘urtalovchilar) uchun qo‘shimcha litsenziya talablari va shartlari:

a) ustav fondining qonunchilik hujjatlarida belgilangan eng kam miqdorining mavjud bo‘lishi;

b) Yagona axborot tizimidan foydalanish va ushbu tizim doirasida o‘zaro axborot almashish bo‘yicha tegishli kelishuvning mavjudligi;

v) qonunchilik talablari asosida elektron sug‘urta xizmatlari ko‘rsatishni ta’minlash uchun axborot tizimining mavjudligi;

g) sug‘urtaning barcha turlari bo‘yicha sug‘urta (qayta sug‘urta) shartnomalarini Yagona axborot tizimi orqali ro‘yxatdan o‘tkazish va ushbu tizim orqali sug‘urta polislarini rasmiylashtirish;

d) aksiyadorlar bo‘lgan yuridik shaxslarning haddan tashqari (potensial oluvchidan oxirgi benefitsiar mulkdorgacha uchta pog‘onadan ko‘p) darajalarga tabaqalashtirilishi mavjud bo‘lmasligi;

e) Qoraqalpog‘iston Respublikasida, barcha viloyatlar va Toshkent shahrida majburiy sug‘urta shartnomalarini tuzish, jabrlanuvchi (uning merosxo‘ri yoki huquqiy vorisi)ning sug‘urta to‘lovlari to‘g‘risidagi talablarini ko‘rib chiqish va sug‘urta to‘lovlarini amalga oshirish vakolati berilgan o‘z filiallariga ega bo‘lishi — transport vositalari egalarining fuqarolik javobgarligini majburiy sug‘urta qiluvchi sug‘urtalovchilar uchun;

j) sug‘urtalovchining Transport vositalari egalarining fuqarolik javobgarligini majburiy sug‘urta qilish bo‘yicha to‘lovlarni kafolatlash jamg‘armasi bilan unga a’zolik to‘g‘risidagi yozma bitimning mavjud bo‘lishi — transport vositalari egalarining fuqarolik javobgarligini majburiy sug‘urta qiluvchi sug‘urtalovchilar uchun;

z) Qoraqalpog‘iston Respublikasida, barcha viloyatlar va Toshkent shahrida ish beruvchining fuqarolik javobgarligini majburiy sug‘urta qilish shartnomalari yoki annuitetlar shartnomasi tuzish, ish beruvchilar (yoki) jabrlanuvchilar yoxud naf oluvchilarning sug‘urta tovonini to‘lash to‘g‘risidagi talablarini ko‘rib chiqish va sug‘urta to‘lovlarini amalga oshirish vakolatiga ega bo‘lgan o‘z filiallari mavjud bo‘lishi — ish beruvchining fuqarolik javobgarligini majburiy sug‘urtalovchilar uchun;

i) Qoraqalpog‘iston Respublikasida, viloyatlar va Toshkent shahrida tashuvchining fuqarolik javobgarligini majburiy sug‘urta qilish shartnomasini tuzishga, tashuvchilar, jabrlanuvchilar va naf oluvchilarning sug‘urta tovoni haqidagi talablarini ko‘rib chiqishga hamda sug‘urta tovonini amalga oshirishga vakolatli o‘z filiallariga ega bo‘lishi — tashuvchining fuqarolik javobgarligini majburiy sug‘urta qiluvchi sug‘urtalovchilar uchun;

k) sug‘urtalovchida tashuvchining fuqarolik javobgarligini majburiy sug‘urta qilishni amalga oshirishga haqli bo‘lgan sug‘urtalovchilar o‘rtasida sug‘urta sherikchiligini tuzish haqida birgalikdagi faoliyat to‘g‘risidagi shartnomaning mavjud bo‘lishi — tashuvchining fuqarolik javobgarligini majburiy sug‘urta qiluvchi sug‘urtalovchilar uchun.

Sug‘urta brokerlari uchun qo‘shimcha litsenziya talablari va shartlari:

a) sug‘urta brokerining sug‘urta faoliyatini amalga oshirishda shartnoma majburiyatlariga rioya etilishini ta’minlash;

b) sug‘urta shartnomasining litsenziat mijozi uchun qulay shartlarda tuzilishi va bajarilishi;

v) sug‘urtalashga doir vositachilik faoliyatini asosiy faoliyat turi sifatida amalga oshirish.

Litsenziya talablari va shartlarining bir marta qo‘pol ravishda buzilishi jumlasiga kiradigan harakatlar O‘zbekiston Respublikasining “Sug‘urta faoliyati to‘g‘risida”gi Qonuni 54-moddasida belgilangan.

”.