Oʻzbekiston Respublikasi Vazirlar Mahkamasining 2023-yil 20-oktabrdagi 550-son “Nikoh, oila va fuqarolik holati dalolatnomalarini qayd etish sohasidagi normativ-huquqiy hujjatlarni tizimlashtirish toʻgʻrisida”gi qaroriga muvofiq buyuraman:

1. Oʻzbekiston Respublikasi adliya vazirining 2013-yil 31-dekabrdagi 400-mh-son buyrugʻi (roʻyxat raqami 2547, 2013-yil 31-dekabr) (Oʻzbekiston Respublikasi qonun hujjatlari toʻplami, 2014-y., 1-son, 10-modda) bilan tasdiqlangan Fuqarolik holati dalolatnomalarini yozish organlarida ish yuritish tartibi toʻgʻrisidagi yoʻriqnomaga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 5-bandning beshinchi xatboshisidagi “Vazirlar Mahkamasining 2022-yil 25-fevraldagi 89-son qarori bilan tasdiqlangan Oʻlimni qayd qilish bilan bogʻliq kompozit davlat xizmatlarini koʻrsatishning maʼmuriy reglamentiga” degan soʻzlar “Vazirlar Mahkamasining 2023-yil 20-oktabrdagi 550-son qarori bilan tasdiqlangan Oʻlimni qayd qilish bilan bogʻliq kompozit davlat xizmatlarini koʻrsatishning maʼmuriy reglamentiga” degan soʻzlar bilan almashtirilsin.

2. 11-bandning uchinchi xatboshisi quyidagi tahrirda bayon etilsin:

“Vazirlar Mahkamasining 2023-yil 20-oktabrdagi 550-son qarori bilan tasdiqlangan Fuqarolik holati dalolatnomalarini qayd etish qoidalarining 4-bandiga asosan FHDY organlari, Oʻzbekiston Respublikasining konsullik muassasalari va fuqarolar yigʻinlari fuqarolik holati dalolatnomalarining yozuv blanklari va boshqa hujjatlar bilan Vazirlik, shuningdek Oʻzbekiston Respublikasi Tashqi ishlar vazirligi tomonidan taʼminlanadi.”.

3. 23-bandning ikkinchi xatboshisidan “seriyasi, tartib raqamlari qirqib olinib, dalolatnomaning birinchi nusxasiga yelimlab qoʻyiladi. Guvohnomalarning qolgan qismlari” degan soʻzlar chiqarib tashlansin.

4. Quyidagi mazmundagi 35¹-band bilan toʻldirilsin:

“35¹. Ariza beruvchi bola tugʻilganligi haqida guvohnomani olish uchun Oʻzbekiston Respublikasi Yagona interaktiv davlat xizmatlari portali (bundan buyon matnda YIDXP deb yuritiladi) orqali elektron soʻrovnoma toʻldiradi yoki bevosita FHDY organiga murojaat qiladi.

Bunda, FHDY organi xodimi elektron soʻrovnoma kelib tushgandan keyin bir ish kuni ichida bolaga tugʻilganlik haqida guvohnoma rasmiylashtiradi hamda uni ariza beruvchiga taqdim etadi.

Ariza beruvchi xohishiga koʻra, tugʻilganlik haqida guvohnomani pochta aloqasi orqali olishi mumkin. Bunda, pochta xarajatlari ariza beruvchi hisobidan qoplanadi.”.

5. 38-bandning ikkinchi xatboshisi quyidagi tahrirda bayon etilsin:

“Agar tugʻilgan bolaning onasi voyaga yetmagan boʻlsa, tugʻilishni qayd etish bolaning tugʻilganligi haqida tibbiy maʼlumotnoma hamda vasiylik va homiylik organining arizasiga muvofiq FHDY organi tomonidan qayd etiladi. Bunda, bolani tuqqan onaning shaxsini tasdiqlovchi hujjati yoki tugʻilganlik haqidagi guvohnomasi bilan oʻqish joyidan maʼlumotnoma taqdim etilishi lozim.”.

6. 65-bandning ikkinchi xatboshisidagi “Yagona interaktiv davlat xizmatlari portali (bundan buyon matnda YIDXP deb yuritiladi)” degan soʻzlar “YIDXP” qisqartmasi bilan almashtirilsin.

7. 102-bandning ikkinchi xatboshisi quyidagi tahrirda bayon etilsin:

“Oʻlim holati Vazirlar Mahkamasining 2023-yil 20-oktabrdagi 550-son qarori bilan tasdiqlangan Oʻlimni qayd qilish bilan bogʻliq kompozit davlat xizmatlarini koʻrsatishning maʼmuriy reglamentiga muvofiq elektron axborot tizimida kompozit davlat xizmati shaklida qayd etilganda, tibbiyot muassasalari tomonidan oʻlim holati FHDY organlarida qayd qilinganligi haqida QR-kod (matrik shtrixli kod) tasviri tushirilgan maʼlumotnoma ariza beruvchilarga ikki nusxada chop etib beriladi.”.

8. 125-bandda:

birinchi xatboshidagi “Vazirlar Mahkamasining 2016-yil 14-noyabrdagi 387-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar “Vazirlar Mahkamasining 2023-yil 20-oktabrdagi 550-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar bilan almashtirilsin;

ikkinchi xatboshidagi “xususida asoslangan xulosa tuzadi va uni” degan soʻzlar “xususidagi fikrni” degan soʻzlar bilan almashtirilsin;

toʻrtinchi xatboshi chiqarib tashlansin.

9. 128-bandning birinchi xatboshisidagi “ariza kelib tushgan” degan soʻzlar “ichki ishlar organining ariza beruvchining familiyasi, ismi, ota ismini oʻzgartirish xususidagi fikri kelib tushgan” degan soʻzlar bilan almashtirilsin.

10. 134-bandning birinchi xatboshisidagi “Vazirlar Mahkamasining 2016-yil 14-noyabrdagi 387-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar “Vazirlar Mahkamasining 2023-yil 20-oktabrdagi 550-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar bilan almashtirilsin.

11. 12, 15, 32, 38, 39, 46, 48-ilovalardagi “(pasport seriyasi, raqami, qachon, kim tomonidan berilgan)” degan soʻzlar “(shaxsini tasdiqlovchi hujjat maʼlumotlari)” degan soʻzlar bilan almashtirilsin.

12. 23, 50, 53, 66 — 68-ilovalardagi “Vazirlar Mahkamasining 2016-yil 14-noyabrdagi 387-sonli qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar “Vazirlar Mahkamasining 2023-yil 20-oktabrdagi 550-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar bilan almashtirilsin.

13. 37-ilovadagi “(pasport seriyasi, raqami, qachon, kim” va “Vazirlar Mahkamasining 2016-yil 14-noyabrdagi 387-sonli qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar tegishli ravishda “(shaxsini tasdiqlovchi hujjat maʼlumotlari)” va “Vazirlar Mahkamasining 2023-yil 20-oktabrdagi 550-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar bilan almashtirilsin.

14. 54-ilovada:

“4. Pasportdan koʻchirma yoki kseronusxa.” degan soʻzlar “4. Ariza beruvchi voyaga yetmagan yoki sud qarori bilan muomalaga layoqatsiz deb topilgan boʻlsa, ota-onasi yoxud vasiy yoki homiyning arizasi.” degan soʻzlar bilan almashtirilsin;

“5. Ariza beruvchi voyaga yetmagan yoki sud qarori bilan muomalaga layoqatsiz deb topilgan boʻlsa, ota-onasi yoxud vasiy yoki homiyning arizasi” va “6. 1 dona 3x4 sm oʻlchamli fotosurat” degan soʻzlar chiqarib tashlansin.

15. 56 va 69 — 71-ilovalardagi “(pasport seriyasi, raqami)” degan soʻzlar “(shaxsini tasdiqlovchi hujjat maʼlumotlari)” degan soʻzlar bilan almashtirilsin.

16. 57-ilovadagi “Vazirlar Mahkamasining 2016-yil 14-noyabrdagi 387-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar “Vazirlar Mahkamasining 2023-yil 20-oktabrdagi 550-son qarori bilan tasdiqlangan Fuqarolik holati dalolatnomalarini qayd etish qoidalarining” degan soʻzlar bilan almashtirilsin.