Oʻzbekiston Respublikasi Prezidentining 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi Farmoni, 2022-yil 6-iyundagi PQ-268-son “Davlat sport-taʼlim muassasalari faoliyatini mutlaqo yangi tizim asosida tashkil qilish chora-tadbirlari toʻgʻrisida”gi, 2023-yil 7-apreldagi PQ-114-son “Maʼmuriy islohotlar doirasida yoshlar siyosati va sport sohasida davlat boshqaruvini samarali tashkil qilish chora-tadbirlari toʻgʻrisida”gi qarorlariga muvofiq buyuraman:

1. Oʻzbekiston Respublikasi Jismoniy tarbiya va sport davlat qoʻmitasining 2017-yil 4-iyuldagi 3-mh-son qarori (roʻyxat raqami 2921, 2017-yil 28-avgust) (Oʻzbekiston Respublikasi qonun hujjatlari toʻplami, 2017-y., 35-son, 935-modda) bilan tasdiqlangan Sport turlari boʻyicha yagona sport tasnifi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 14-band, 20-bandning birinchi xatboshisi va 28-banddagi “Sportni rivojlantirish vazirligi” degan soʻzlar “Yoshlar siyosati va sport vazirligi” degan soʻzlar bilan almashtirilsin.

2. 15-banddagi “Sportni rivojlantirish vazirligining” degan soʻzlar “Yoshlar siyosati va sport vazirligining” degan soʻzlar bilan almashtirilsin.

3. 21-banddagi “Sportni rivojlantirish vazirligiga” degan soʻzlar “Yoshlar siyosati va sport vazirligiga” degan soʻzlar bilan almashtirilsin.

4. 26-bandning birinchi va ikkinchi xatboshilaridagi “sportni rivojlantirish vazirining” degan soʻzlar “yoshlar siyosati va sport vazirining” degan soʻzlar bilan almashtirilsin.

5. 30-bandda:

ikkinchi xatboshidagi “oliy mahorat sport maktablari, sport turlari boʻyicha ixtisoslashtirilgan bolalar-oʻsmirlar maktablari, bolalar-oʻsmirlar sport maktablari” hamda “Qoraqalpogʻiston Respublikasi Sportni rivojlantirish vazirligi, viloyatlar va Toshkent shahar sportni rivojlantirish bosh boshqarmalari” degan soʻzlar tegishli ravishda “Sport turlarini rivojlantirish respublika markazlari, sport maktablari, sport turlariga ixtisoslashtirilgan sport maktablari” hamda “Qoraqalpogʻiston Respublikasi Yoshlar siyosati va sport vazirligi, viloyatlar va Toshkent shahar yoshlar siyosati va sport boshqarmalari” degan soʻzlar bilan almashtirilsin;

uchinchi xatboshidagi “sport turlari boʻyicha ixtisoslashtirilgan bolalar-oʻsmirlar maktablari, bolalar-oʻsmirlar sport maktablari” degan soʻzlar “sport maktablari va sport turlariga ixtisoslashtirilgan sport maktablari” degan soʻzlar bilan almashtirilsin;

toʻrtinchi xatboshidagi “Qoraqalpogʻiston Respublikasi Sportni rivojlantirish vazirligi, viloyatlar va Toshkent shahar sportni rivojlantirish bosh boshqarmalari” degan soʻzlar “Qoraqalpogʻiston Respublikasi Yoshlar siyosati va sport vazirligi, viloyatlar va Toshkent shahar yoshlar siyosati va sport boshqarmalari” degan soʻzlar bilan almashtirilsin.