Oʻzbekiston Respublikasi Vazirlar Mahkamasining 2023-yil 27-fevraldagi 84-son “Bolalarning dam olishini tashkil etish va sogʻlomlashtirish tizimini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Maktabgacha va maktab taʼlimi vazirligi va Sogʻliqni saqlash vazirligi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Xalq taʼlimi vazirligi, Sogʻliqni saqlash vazirligining 2017-yil 24-fevraldagi 2-mh, 80-son “Bolalar sogʻlomlashtirish oromgohlari toʻgʻrisidagi nizomni tasdiqlash haqida”gi qarori (roʻyxat raqami 2872, 2017-yil 31-mart) (Oʻzbekiston Respublikasi qonun hujjatlari toʻplami, 2017-y., 13-son, 212-modda;);

Oʻzbekiston Respublikasi Xalq taʼlimi vazirligining 2021-yil 21-oktabrdagi 29-mh-son, Sogʻliqni saqlash vazirligining 2021-yil 11-oktabrdagi 28-son “Bolalar sogʻlomlashtirish oromgohlari toʻgʻrisidagi nizomga oʻzgartirishlar kiritish toʻgʻrisida”gi qarori (roʻyxat raqami 2872-1, 2021-yil 11-noyabr) (Qonunchilik maʼlumotlari milliy bazasi, 11.11.2021-y., 10/21/2872-1/1040-son).

2. Mazkur qaror Oʻzbekiston Respublikasi Ichki ishlar vazirligi, Iqtisodiyot va moliya vazirligi, Madaniyat vazirligi, Yoshlar siyosati va sport vazirligi, Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi, Oʻzbekiston kasaba uyushmalari Federatsiyasi, Oʻzbekiston fermer, dehqon xoʻjaliklari va tomorqa yer egalari kengashi hamda Savdo-sanoat palatasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.