Oʻzbekiston Respublikasining “Aholining sanitariya-epidemiologik osoyishtaligi toʻgʻrisida”gi Qonuni va Oʻzbekiston Respublikasi Prezidentining 2020-yil 25-iyuldagi PF-6035-son “Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida”gi Farmoni hamda 2023-yil 25-maydagi PQ-163-son “Osiyo taraqqiyot banki hamkorligida Toshkent shahri va Toshkent viloyatida davlat-xususiy sheriklik asosida umumiy oʻrta taʼlim maktablarini tashkil etish toʻgʻrisida”gi qaroriga muvofiq Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi qaror qiladi:

1. Umumtaʼlim maktablarida taʼlim sharoitlari va tashkil etilishiga qoʻyiladigan sanitariya-epidemiologik talablari (0341-16-son SanQvaN)ga ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Maktabgacha va maktab taʼlimi vazirligi hamda Qurilish va uy-joy kommunal xoʻjaligi vazirligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

1. 3.2-bandning birinchi xatboshisi va 1-jadval quyidagi tahrirda bayon etilsin:

“3.2. Bir oʻquvchiga (bir smenada) ajratilgan umumiy yer maydonining oʻlchami umumtaʼlim maktablarining sigʻimidan kelib chiqib, quyidagi 1-jadvalga muvofiq belgilanishi lozim.

2. 9.1.1-banddagi “1 — 9-sinflar” va “180 dan 216 gacha” degan soʻzlar tegishli ravishda “1 — 11-sinflar” va “176 dan 264 gacha” degan soʻzlar bilan almashtirilsin.

3. 10.4-bandning uchinchi xatboshisidagi “9” raqami “9 va 11” degan soʻzlar bilan almashtirilsin.

4. 10.8-bandning ikkinchi xatboshisidagi “5 — 9-sinflar” degan soʻzlar “5 — 11-sinf” degan soʻzlar bilan almashtirilsin.

5. 10.18-bandda:

birinchi xatboshidagi “5 — 9-sinflarda” va “5 — 9-sinf” degan soʻzlar tegishli ravishda “5 — 11-sinflarda” hamda “5 — 11-sinf” degan soʻzlar bilan almashtirilsin;

7-jadvalning “Sinflar” ustunidagi “8-9” raqamlari “8 — 11” raqamlari bilan almashtirilsin.

6. 10.30-banddagi “9-sinflarda” degan soʻzlar “9 — 11-sinflarda” degan soʻzlar bilan almashtirilsin.

7. 10.32-banddagi “9-sinflar uchun” degan soʻzlar “9 — 11-sinflar uchun” degan soʻzlar bilan almashtirilsin.

8. 3-ilovaning “B” jadvalida:

nomidagi “5 — 9” raqamlari “5 — 11” raqamlari bilan almashtirilsin;

“Ballar soni (murakkablik darajasi)” ustunidagi “9-sinf” degan soʻzlar “9 — 11-sinflar” degan soʻzlar bilan almashtirilsin.

9. 6-ilovaning “Uyga vazifalarni tayyorlash” paragrafining toʻrtinchi xatboshisidagi “9-sinflarda” degan soʻzlar “9 — 11-sinflarda” degan soʻzlar bilan almashtirilsin.