Oʻzbekiston Respublikasining “Soliq maslahatiga oid faoliyat toʻgʻrisida”gi Qonunining 35-moddasiga muvofiq buyuraman:

1. Oʻzbekiston Respublikasi moliya vazirining 2012-yil 28-maydagi 44-son “Soliq maslahati milliy standarti (2-sonli SMMS) “Soliq maslahati boʻyicha hisobot va soliq maslahatchilari tashkilotining xulosasini tuzish va mijozga (ishonch bildiruvchiga) taqdim etish tartibi”ni tasdiqlash toʻgʻrisida”gi buyrugʻiga (roʻyxat raqami 2375, 2012-yil 28-iyun) (Oʻzbekiston Respublikasi qonun hujjatlari toʻplami, 2012-y., 26-27-son, 299-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqning nomi va 1-bandidagi “soliq maslahatchilari tashkilotining xulosasini tuzish va” degan soʻzlar “soliq maslahatiga oid xulosani tuzish hamda” degan soʻzlar bilan almashtirilsin.

2. Ilovada:

a) nomidagi “soliq maslahatchilari tashkilotining xulosasini tuzish va” degan soʻzlar “soliq maslahatiga oid xulosani tuzish hamda” degan soʻzlar bilan almashtirilsin;

b) muqaddimadan “Oʻzbekiston Respublikasining “Soliq maslahati toʻgʻrisida”gi Qonuniga (Oʻzbekiston Respublikasi Oliy Majlisi palatalarining Axborotnomasi, 2006-yil, 9-son, 497-modda) muvofiq” degan soʻzlar chiqarib tashlansin;

v) 1-banddagi “soliq maslahatchilari tashkilotining xulosasini tuzish va” degan soʻzlar “soliq maslahatiga oid xulosani tuzish hamda” degan soʻzlar bilan almashtirilsin;

g) 9-band quyidagi tahrirda bayon etilsin:

“9. Hisobotning har bir sahifasi soliq maslahati boʻyicha xizmatlar koʻrsatgan soliq maslahatchisi, soliq maslahatchilari tashkilotining rahbari tomonidan imzolanadi va mazkur tashkilotning muhri (mavjud boʻlgan taqdirda) bilan tasdiqlanadi.”;

d) III¹ bobning nomi qoʻyidagi tahrirda bayon etilsin:

“III¹ bob. Soliq maslahatiga oid xulosa”;

e) 12¹-bandda:

birinchi xatboshi quyidagi tahrirda bayon etilsin:

“Soliq maslahatiga oid xulosa (keyingi oʻrinlarda xulosa deb yuritiladi) — soliq maslahatiga doir shartnomada nazarda tutilgan xizmatlarni koʻrsatgan soliq maslahatchisining fikrini oʻz ichiga olgan hujjat.”;

ikkinchi xatboshi chiqarib tashlansin;

j) 12²-bandda:

ikkinchi xatboshidagi “Soliq maslahatchilari tashkilotining xulosasi” degan soʻzlar “Soliq maslahatiga oid xulosa” degan soʻzlar bilan almashtirilsin;

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin;

z) 12⁴-band quyidagi tahrirda bayon etilsin:

“12⁴. Xulosa soliq maslahati boʻyicha xizmatlar koʻrsatgan soliq maslahatchisi, soliq maslahatchilari tashkilotining rahbari tomonidan imzolanadi va mazkur tashkilotning muhri (mavjud boʻlgan taqdirda) bilan tasdiqlanadi.”.