LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Boshqaruv apparati tuzilmasini takomillashtirish va uning faoliyati samaradorligini oshirish, ma’muriy-boshqaruv xodimlari sonini maqbullashtirish maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi komplekslarining, Moliya vazirligining 2003-yil 1-yanvardan boshlab:
vazirliklar, idoralar, davlat qo‘mitalarining hamda ular tasarrufidagi davlat budjeti mablag‘lari hisobiga moliyalashtiriladigan muassasalar va tashkilotlar ma’muriy-boshqaruv apparati xodimlari sonini 1-ilovaga* muvofiq;
respublika vazirliklari, davlat qo‘mitalari, idoralari va xo‘jalik birlashmalari rahbarlari o‘rinbosarlari lavozimlarini 2-ilovaga* muvofiq;
uyushmalar, konsernlar, korporatsiyalar va boshqa xo‘jalik yurituvchi subyektlarning xo‘jalik hisobidagi faoliyati hisobiga mablag‘ bilan ta’minlanadigan ma’muriy-boshqaruv apparatini 3-ilovaga* muvofiq qisqartirish to‘g‘risidagi taklifi qabul qilinsin.
* Ilovalar rus tilidagi matnda berilgan
2. Hududlarning agrosanoat komplekslari kotibiyatlari tuzilmasini tartibga solish maqsadida Qoraqalpog‘iston Respublikasi Vazirlar Kengashi hamda Sirdaryo va Xorazm viloyatlari hokimliklarining ko‘rsatib o‘tilgan kotibiyatlarida xodimlar soni 2 nafarga, Buxoro, Jizzax, Qashqadaryo¸ va Navoiy viloyatlari hokimliklarida esa 1 nafarga qisqartirilsin.
3. Vazirliklar, idoralar, davlat qo‘mitalari, uyushmalar, konsernlar, korporatsiyalar, kompaniyalar va boshqa xo‘jalik birlashmalari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:
boshqaruv apparati xodimlari sonini 2003-yil 1-yanvardan boshlab qisqartirish bo‘yicha belgilangan topshiriqlarning bajarilishini ta’minlasinlar;
O‘zbekiston Respublikasi Mehnat va aholini ijtimoiy muhofaza qilish vazirligi hamda uning joylardagi organlari bilan birgalikda bo‘shab qoladigan xodimlarni ishga joylashtirish masalalarini qonun hujjatlarida belgilangan tartibda hal etsinlar.
2003-yil budjetini shakllantirishda budjet tashkilotlarida boshqaruv apparati xodimlari sonining qisqartirilishi munosabati bilan bo‘shaydigan mablag‘larning moddiy-texnikaviy bazani mustahkamlashga va yuqori malakali xodimlarni moddiy rag‘batlantirishga yo‘naltirilishini nazarda tutsin;
budjet muassasalari va tashkilotlarining shtat jadvallarini hamda xarajatlar smetalarini ro‘yxatdan o‘tkazishni boshqaruv apparati xodimlarining ushbu qarorda belgilangan cheklangan soniga qat’iy muvofiq holda amalga oshirsin.