Oʻzbekiston Respublikasining Mehnat kodeksiga muvofiq Oʻzbekiston Respublikasi Prezidenti huzuridagi Statistika agentligi hamda Oʻzbekiston Respublikasi Kambagʻallikni qisqartirish va bandlik vazirligi qaror qiladi:

1. Oʻzbekiston Respublikasi Davlat statistika qoʻmitasi va Mehnat vazirligining 2017-yil 17-yanvardagi 1-mb, 3-q/q-son qarori (roʻyxat raqami 2858, 2017-yil 17-fevral) (Oʻzbekiston Respublikasi qonun hujjatlari toʻplami, 2017-y., 7-son, 104-modda) bilan tasdiqlangan Tadbirkorlik subyektlari xodimlarining oʻrtacha yillik sonini aniqlash tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Iqtisodiyot va moliya vazirligi, Oʻzbekiston Savdo-sanoat palatasi hamda Oʻzbekiston Kasaba uyushmalari federatsiyasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

1. 12-bandda:

birinchi xatboshidagi “ish vaqti muddatiga” degan soʻzlar “ish vaqti davomiyligiga” degan soʻzlar bilan almashtirilsin;

toʻrtinchi xatboshidagi “ish vaqti muddati” degan soʻzlar “ish vaqti davomiyligi” degan soʻzlar bilan almashtirilsin;

beshinchi xatboshidagi “ish vaqtining normal muddati” degan soʻzlar “ish vaqtining normal davomiyligi” degan soʻzlar bilan almashtirilsin;

oltinchi xatboshi quyidagi tahrirda bayon etilsin:

“Ish vaqtining normal davomiyligi Oʻzbekiston Respublikasi Mehnat kodeksining 182-moddasiga muvofiq belgilanadi.”.

2. Ilovada:

“ish vaqtining muddati” degan soʻzlar “ish vaqtining davomiyligi” degan soʻzlar bilan almashtirilsin;

“ish vaqtining normal muddati” degan soʻzlar “ish vaqtining normal davomiyligi” degan soʻzlar bilan almashtirilsin;

“115-moddasiga” degan soʻzlar “182-moddasiga” degan soʻzlar bilan almashtirilsin.