O‘zbekiston Respublikasi Prezidentining “Xo‘jalik boshqaruv organlari tizimini takomillashtirish to‘g‘risida” 2003-yil 22-dekabrdagi PF-3366-son Farmonini bajarish yuzasidan hamda bozor iqtisodiyoti talablariga muvofiq yengil sanoatni boshqarishni yanada erkinlashtirish, ishlab chiqarishlarni zamonaviylashtirish va tugallangan siklga ega bo‘lgan yangi ishlab chiqarishlarni yaratish, birinchi navbatda eksport potensialini kengaytirish va raqobatbardoshli mahsulotlar ishlab chiqarish uchun tarmoqqa investitsiyalarni jalb etish bo‘yicha rag‘batlar va preferensiyalarni chuqurlashtirish va kengaytirish maqsadida Vazirlar Mahkamasi qaror qiladi:

3. “O‘zbekyengilsanoat” davlat-aksiyadorlik kompaniyasi bir oy muddatda Kompaniya ustaviga tegishli o‘zgartirish va qo‘shimchalar kiritsin hamda uni belgilangan tartibda O‘zbekiston Respublikasi Adliya vazirligida qayta ro‘yxatdan o‘tkazsin.

4. “O‘zbekyengilsanoat” davlat-aksiyadorlik kompaniyasining 2004—2006-yillar uchun Investitsiya dasturi 3-ilovaga* muvofiq ma’qullansin.

“O‘zbekyengilsanoat” davlat-aksiyadorlik kompaniyasining yangi korxonalar qurilishi va ishlab turganlarining rekonstruksiya qilinishi faqat yangi, ilgari ishlatilmagan texnologiya asbob-uskunalarini o‘rnatish asosida amalga oshirilishi to‘g‘risidagi bayonoti ma’lumot uchun qabul qilinsin.

5. “O‘zbekyengilsanoat” davlat-aksiyadorlik kompaniyasi korxonalariga kontrakt tuzish paytida vujudga kelgan jahon narxlaridan past bo‘lmagan narxlar bo‘yicha erkin muomaladagi valyutaga (qo‘shilgan qiymat solig‘ini nul stavka bo‘yicha hisoblagan holda) ichki bozorda yarim tayyor to‘qimachilik mahsulotlarini (kalava, gazmol, trikotaj polotno va paxtani yigirish chiqindilarini, aksessuarlar va furniturani) 2007-yil 1-yanvargacha xarid qilishiga istisno tariqasida ruxsat berilsin, bunda.

6. Yengil sanoat mahsulotlari sifatini va raqobatbardoshligini oshirish, shuningdek assortimentini kengaytirish uchun “O‘zbekyengilsanoat” davlat-aksiyadorlik kompaniyasi korxonalari tomonidan olib kelinayotgan 4-ilovaga* muvofiq ximikatlar, bo‘yoqlar, furnitura va aksessuarlar, shuningdek respublikada ishlab chiqarilmaydigan boshqa yordamchi materiallar 2007-yil 1-yanvargacha import bojxona bojlari to‘lashdan ozod qilinsin.

Belgilab qo‘yilsinki, bo‘shaydigan mablag‘lar tarmoq korxonalarini zamonaviylashtirish va texnika bilan qayta jihozlashda maqsadli foydalaniladi.

7. Tayyor tikuvchilik va trikotaj buyumlar ishlab chiqaruvchi va eksport qiluvchi yengil sanoat korxonalariga to‘lovning akkreditiv shakli tasdiqlangan taqdirda akkreditivning amal qilish muddatini 90 kungacha etib belgilashga istisno tariqasida ruxsat berilsin.

Respublika tijorat banklariga yengil sanoat korxonalariga eksportbop mahsulot ishlab chiqarish va sotish uchun muddati 180 kungacha bo‘lgan qisqa muddatli kreditlar, shu jumladan valyuta kreditlari berish tavsiya qilinsin.

11. 2005-yildan 1-yanvardan boshlab ikki yil muddatga xorijiy investitsiyalar ishtirokidagi korxonalarga, paxta tolasining barcha hajmi ular tomonidan tayyor tovargacha (tikuvchilik, trikotaj, chulki-paypoq mahsulotlari) to‘liq qayta ishlanishi hamda ishlab chiqarish hajmining kamida 80 foizi eksport qilinishi sharti bilan, erkin muomaladagi valyutaga xarid qilinadigan paxta tolasi uchun 5 foiz miqdorida qo‘shimcha chegirma berilsin.

O‘zbekiston Respublikasi Moliya vazirligi “O‘zpaxtasanoat” uyushmasi, “O‘zbekyengilsanoat” davlat-aksiyadorlik kompaniyasi va boshqa manfaatdor vazirliklar va idoralar bilan birgalikda xorijiy investitsiyalar ishtirokidagi korxonalarga paxta tolasi uchun qo‘shimcha chegirma berish tartibini ikki oy muddatda ishlab chiqsin va tasdiqlasin.

12. “O‘zbekyengilsanoat” davlat-aksiyadorlik kompaniyasi 2004-yil 1-iyulgacha yengil sanoat korxonalari uchun Kadrlar (menejerlar va texnologlar) malakasini oshirish va ularni qayta tayyorlash markazini tashkil etsin.

13. Vazirlar Mahkamasining 2003-yil 29-oktabrdagi 636-f-son farmoyishi o‘z kuchini yo‘qotgan deb hisoblansin.

14. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari M.Z. Usmonov va R.S. Azimov zimmasiga yuklansin.

1. Qarorning 1, 3 va 7-bandlari hamda qarorga 1, 2, 3, 4, 6-ilovalar o‘z kuchini yo‘qotgan deb hisoblansin.

2. 6-bandda:

“2006-yil 1-yanvargacha” so‘zlari “2007-yil 1-yanvargacha” so‘zlari bilan almashtirilsin;

“2005-yilgacha bo‘lgan davrda to‘qimachilik va yengil sanoat korxonalarini rivojlantirish Konsepsiyasiga kirgan” so‘zlari “O‘zbekyengilsanoat” davlat-aksiyadorlik kompaniyasi” so‘zlari bilan almashtirilsin.