Oʻzbekiston Respublikasining Budjet kodeksi, Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2018-yil 18-dekabrdagi 157-son “Oʻzbekiston Respublikasi budjet hisobining standarti (3-sonli BHS) “Budjet hisoboti”ni tasdiqlash toʻgʻrisida”gi buyrugʻiga (roʻyxat raqami 3124, 2019-yil 18-yanvar) (Oʻzbekiston Respublikasi qonun hujjatlari toʻplami, 2019-y., 3-son, 57-modda) ilovaga muvofiq qoʻshimcha va oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruq quyidagi mazmundagi 1¹-band bilan toʻldirilsin:

“1¹. Belgilab qoʻyilsinki, 2022-yil uchun yillik moliyaviy hisobot 2022-yilda amal qilgan tartib va shakllar asosida taqdim etiladi.”.

2. Oʻzbekiston Respublikasi budjet hisobining standarti (3-sonli BHS) “Budjet hisoboti”da:

a) 15-band quyidagi tahrirda bayon etilsin:

“15. Budjet mablagʻlarini oluvchilar Davlat budjeti mablagʻlari boʻyicha Moliya vazirligiga (tegishli hududiy moliya organlariga) chorak (yil) uchun Balans (1-son shakl)ni, Xarajatlar smetasining ijrosi haqidagi hisobot (2-son shakl)ni, Debitorlik va kreditorlik qarzlar toʻgʻrisidagi maʼlumotni hamda Tovar-moddiy zaxiralar va nomoliyaviy aktivlar harakati toʻgʻrisidagi hisobotni mazkur Standartning talablariga muvofiq holda taqdim etadi.”;

b) 30-bandning toʻrtinchi xatboshisidagi “kasb-hunar taʼlimi muassasalarida” degan soʻzlar “professional taʼlim tashkilotlarida” degan soʻzlar bilan almashtirilsin;

v) 52-bandning ikkinchi va toʻrtinchi xatboshilaridagi, 67-bandning ikkinchi va toʻrtinchi xatboshilaridagi hamda 114-bandning toʻrtinchi xatboshisidagi “muassasalarida” degan soʻz “tashkilotlarida” degan soʻz bilan almashtirilsin;

g) 160-bandning toʻqqizinchi xatboshisidagi “Moliyaviy holat toʻgʻrisida balans hisobot” degan soʻzlar “Davlat budjeti ijrosining balansi” degan soʻzlar bilan almashtirilsin;

d) 2-ilovaning “Koʻrsatgichlar” ustunidagi “kasb-hunar taʼlimi muassasalarida” degan soʻzlar “professional taʼlim tashkilotlarida” degan soʻzlar bilan almashtirilsin;

e) 8-ilovaning “Tushumlarning nomi” ustunidagi “Maktabgacha taʼlim muassasalarida” degan soʻzlar “Maktabgacha taʼlim tashkilotlarida” degan soʻzlar bilan almashtirilsin;

j) 13-ilovada:

nomi quyidagi tahrirda bayon etilsin:

“Davlat budjeti ijrosining balansi”;

1-ilovada:

031-qatori chiqarib tashlansin;

032-qatorning nomi quyidagi tahrirda bayon etilsin:

“Oʻzbekiston Respublikasi Davlat aktivlarini boshqarish agentligi huzurida yuridik shaxs maqomiga ega boʻlmagan budjetdan tashqari Davlat aktivlarini boshqarish, transformatsiya va xususiylashtirish jamgʻarmasining hisoblangan daromadlari (510 300)”;

034 va 035-qatorlar chiqarib tashlansin;

051-qatordagi “kasb-hunar taʼlimi muassasalarida” degan soʻzlar “professional taʼlim tashkilotlarida” degan soʻzlar bilan almashtirilsin.