Oʻzbekiston Respublikasi Prezidentining 2022-yil 9-avgustdagi PQ-348-son “Respublikada qon bilan ishlash xizmati muassasalari faoliyatini yanada takomillashtirish va aholi orasida begʻaraz donorlik harakatini rivojlantirish choralari toʻgʻrisida”gi qaroriga muvofiq buyuraman:

1. Oʻzbekiston Respublikasi sogʻliqni saqlash vazirining 2013-yil 16-dekabrdagi 423-son buyrugʻi (roʻyxat raqami 2556, 2014-yil 15-yanvar) (Oʻzbekiston Respublikasi qonun hujjatlari toʻplami, 2014-y., 3-son, 38-modda) bilan tasdiqlangan Qon va uning tarkibiy qismlarini topshirish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 12-band quyidagi tahrirda bayon etilsin:

“Donorlar qon bilan ishlash xizmati tomonidan:

Oʻzbekiston Respublikasining fuqarolari — pasport yoki identifikatsiya ID-kartasi yoxud yangi namunadagi milliy haydovchilik guvohnomasi, harbiy xizmatchilar esa, harbiy hisobga olish hujjatlari (harbiy guvohnoma yoki ofitserning shaxsiy guvohnomasi);

chet el fuqarolari va fuqaroligi boʻlmagan shaxslar — chet el fuqarosining va fuqaroligi boʻlmagan shaxsning identifikatsiya ID-kartasi, milliy pasporti yoki chet davlat fuqaroligiga mansubligini tasdiqlovchi boshqa hujjatlar bilan qabul qilinadi.”.

2. 15-band quyidagi tahrirda bayon etilsin:

“15. Donorlar tegishlicha quyidagi birlamchi tibbiy hujjatlar asosida hisobga olinadi:

Zaxm, gepatit va OIV/OITS boʻyicha natijalari musbat boʻlgan donorlarni qayd qilish jurnali;

Donorning hisob varaqasi;

Pullik (faol) donorning tibbiy kartasi;

Bepul (begʻaraz) donorning kartasi;

Stafilokokka qarshi anatoksin bilan immunizatsiya va reimmunizatsiya qilish jurnali;

Donorlarni hisobga olish kundaligi;

Pullik (faol) donorlarni hisobga olish kundaligi;

Bepul (begʻaraz) donorlarni hisobga olish kundaligi.”.

3. 17-banddan “(405/U — shakl)” degan soʻzlar chiqarib tashlansin.

4. 18-banddan “(405/U — shakl)” va “(406/U — shakl)” degan soʻzlar chiqarib tashlansin.

5. 31-bandda:

uchinchi xatboshi chiqarib tashlansin;

toʻrtinchi — oltinchi xatboshilar tegishli ravishda uchinchi — beshinchi xatboshilar deb hisoblansin.

6. 33-bandda:

ikkinchi xatboshi chiqarib tashlansin;

uchinchi — beshinchi xatboshilar tegishli ravishda ikkinchi — toʻrtinchi xatboshilar deb hisoblansin;

ikkinchi xatboshi quyidagi tahrirda bayon etilsin:

“olti oyda bir marta tegishli Sanitariya-epidemiologik osoyishtalik va jamoat salomatligi xizmatining hududiy boshqarmasi yoki tuman (shahar) boʻlimidan A, V va S gepatitlariga aloqadorligi yoʻqligi haqida maʼlumotnoma;”.

7. 41-band quyidagi tahrirda bayon etilsin:

“41. Donorning sogʻligʻida donor boʻlishga qarshi koʻrsatmalar boʻlgan taqdirda, tibbiy hujjatlarga (Donorning hisobvaraqasi va Pullik (faol) donorning tibbiy kartasi yoki Bepul (begʻaraz) donorning kartasiga) uni donorlikdan chetlashtirish sabablari va hisobdan chiqarilgan sanasi yozib qoʻyiladi va oʻz navbatida, ushbu donor haqidagi axborot Yagona donorlik markaziga yuboriladi.”.

8. 1-ilova matnidagi “Sizda soʻnggi 3 hafta ichida bezgak boʻlganmi?” degan soʻzlar “Sizda soʻnggi 3 hafta ichida tana harorati koʻtarilganmi?” degan soʻzlar bilan almashtirilsin.

9. 2-ilovada:

oltinchi pozitsiyadan “brutsellyoz” degan soʻz chiqarib tashlansin;

yigirma birinchi pozitsiyadagi “Ruhiy kasalliklar” degan soʻzlar “Ruhiy holatning buzilishi” degan soʻzlar bilan almashtirilsin;

2-bob quyidagi mazmundagi 23 — 25 pozitsiyalar bilan toʻldirilsin: