Oʻzbekiston Respublikasining 2022-yil 17-maydagi OʻRQ-770-son “Oʻzbekiston Respublikasida tibbiy-ijtimoiy xizmatlar tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida”gi Qonuni hamda Oʻzbekiston Respublikasi Prezidentining 2020-yil 25-iyuldagi PF-6035-son “Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida” Farmoniga muvofiq buyuraman:

1. Oʻzbekiston Respublikasi mehnat va aholini ijtimoiy muhofaza qilish vazirining 2009-yil 28-dekabrdagi 84-B-son buyrugʻi (roʻyxat raqami 2076, 2010-yil 3-fevral) (Oʻzbekiston Respublikasi qonun hujjatlari toʻplami, 2010-y., 5-son, 46-modda, 51-son, 495-modda) bilan tasdiqlangan Ijtimoiy taʼminot muassasalari xodimlari uchun mehnatni muhofaza qilish qoidalariga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 39-band quyidagi tahrirda bayon etilsin:

“39. Nogironligi boʻlgan shaxslar harakatlanadigan barcha bino va imoratlarda ular uchun zarur boʻlsa nogironligi boʻlgan shaxsning bino sathiga koʻtarilishiga imkon beruvchi pandus yoki lift xoli bilan jihozlanadigan kamida bitta kirish joylari koʻzda tutilishi shart.”.

2. 40 va 42-bandlardagi “nogironlar” degan soʻzlar “nogironligi boʻlgan shaxslar” degan soʻzlar bilan almashtirilsin.

3. 43-banddagi “Nogironlar kreslo-kolyaskada” degan soʻzlar “Nogironligi boʻlgan shaxslar oʻrindiqli aravachada” degan soʻzlar bilan almashtirilsin.

4. 44-banddagi “Nogironlar” degan soʻzlar “Nogironligi boʻlgan shaxslar” degan soʻzlar bilan almashtirilsin.

5. 53-banddagi “sanitariya-epidemiologik osoyishtalik markazi” degan soʻzlar “sanitariya-epidemiologik osoyishtalik va jamoat salomatligi boʻlimi” degan soʻzlar bilan almashtirilsin.

6. 93-band quyidagi tahrirda bayon etilsin:

“93. Elektr asbob-uskunalaridan foydalanish Oʻzbekiston Respublikasi Vazirlar Mahkamasining 2020-yil 11-noyabrdagi 712-son qarori bilan tasdiqlangan Isteʼmolchilar elektr qurilmalarini texnik ekspluatatsiya qilish qoidalari hamda Isteʼmolchilar elektr qurilmalarini ekspluatatsiya qilishda xavfsizlik texnikasi qoidalarining talablariga muvofiq amalga oshirilishi lozim.”.