Oʻzbekiston Respublikasi Vazirlar Mahkamasining 2004-yil 4-fevraldagi 67-f-sonli farmoyishi va Oʻzbekiston Respublikasi Hukumati va Tojikiston Respublikasi Hukumatlari oʻrtasida 2004-yilda yuklarni tashish, gaz, yonilgʻi-moylash mahsulotlari yetkazib berish va Tojikiston Respublikasi davlat qarzi toʻgʻrisida 2003-yil 29-dekabrda imzolangan kelishuvga muvofiq qaror qilamiz:

1. “Yuk tashish, gaz, yonilgʻi-moylash mahsulotlari, mineral oʻgʻitlar yetkazib berish boʻyicha 2004-yilda Oʻzbekiston Respublikasi hududida oʻzaro hisob-kitoblarni amalga oshirish va Tojikiston Respublikasining davlat qarzlari boʻyicha xizmat koʻrsatish tartibi toʻgʻrisida nizom” ilovaga* muvofiq tasdiqlansin.

2. Ushbu qaror Oʻzbekiston Respublikasi Adliya vazirligida davlat roʻyxatiga olingan kundan oʻn kun oʻtgach amalga kiritilsin.

3. Mazkur qaror kuchga kirgan kundan boshlab Moliya vazirligi va Markaziy bankning 2003-yil 22-maydagi 70-sonli va 229-V-sonli qarorlari bilan tasdiqlangan “Yuk tashish, gaz, yonilgʻi-moylash mahsulotlari, mineral oʻgʻitlar yetkazib berish boʻyicha 2003-yilda Oʻzbekiston Respublikasi hududida oʻzaro hisob-kitoblarni amalga oshirish va Tojikiston Respublikasining davlat qarzlari boʻyicha xizmat koʻrsatish tartibi toʻgʻrisida nizom” oʻz kuchini yoʻqotadi (2003-yil 10-iyun, roʻyxat raqami 1248-son — Meʼyoriy hujjatlar axborotnomasi, 2003-yil 11-son).