Axborot va kompyuter texnologiyalar bo‘yicha mutaxassislar tayyorlash tizimini takomillashtirish, axborot-kommunikatsiya hamda innovatsiya texnologiyalarini ta’lim jarayoniga tatbiq etishni yanada kengaytirish maqsadida:

1. Muhammad al-Xorazmiy nomidagi Toshkent axborot texnologiyalari universiteti axborot-kommunikatsiya texnologiyalari sohasida mutaxassislar tayyorlash bo‘yicha bosh oliy o‘quv muassasasi etib belgilansin.

2. O‘zbekiston Respublikasi Iqtisodiyot vazirligi, Oliy va o‘rta maxsus ta’lim vazirligi, O‘zbekiston aloqa va axborotlashtirish agentligi, Qoraqalpog‘iston Respublikasi Vazirlar Kengashi, Qashqadaryo, Samarqand, Farg‘ona va Xorazm viloyatlari hokimliklarining 2005-2006 o‘quv yilidan boshlab Nukus, Qarshi, Samarqand, Farg‘ona va Urganch shaharlarida Muhammad al-Xorazmiy nomidagi Toshkent axborot texnologiyalari universitetining mintaqaviy filiallarini tashkil etish to‘g‘risidagi taklifi qabul qilinsin.

3. O‘zbekiston Milliy universitetida, Toshkent davlat iqtisodiyot universitetida, Toshkent islom universitetida ta’limning “informatika va axborot texnologiyalari” yo‘nalishi bo‘yicha mutaxassislar tayyorlash saqlab qolinsin.

2005/2006 o‘quv yilidan boshlab boshqa barcha oliy ta’lim muassasalarida ta’limning “informatika va axborot texnologiyalari” yo‘nalishi bo‘yicha talabalar qabul qilish to‘xtatilsin va ushbu yo‘nalish bo‘yicha ta’lim olayotgan 2-4 kurslarning talabalari ta’limni davom ettirish uchun 1-ilovaga muvofiq Toshkent axborot texnologiyalari universitetiga va uning mintaqaviy filiallariga belgilangan tartibda o‘tkazilsin.

5. Quyidagilar:

Toshkent axborot texnologiyalari universiteti mintaqaviy filiallarining namunaviy tuzilmalari 4-ilovaga muvofiq tasdiqlansin.

6. Toshkent axborot texnologiyalari universiteti filiallarini ochish, ularni joylashtirish va moddiy-texnik jihozlash bilan bog‘liq tashkiliy masalalarni hal etish uchun 6-ilovaga* muvofiq tarkibda maxsus hukumat komissiyasi tuzilsin.

7. O‘zbekiston Respublikasi Oliy va o‘rta maxsus ta’lim vazirligi hamda O‘zbekiston aloqa va axborotlashtirish agentligi:

ikki hafta muddatda Toshkent axborot texnologiyalari universiteti mintaqaviy filiallari to‘g‘risidagi nizomni ishlab chiqsin va tasdiqlasin hamda Toshkent axborot texnologiyalari universitetining amaldagi Ustaviga tegishli o‘zgartirishlar kiritsin;

Davlat test markazi bilan birgalikda 2005/2006 o‘quv yilida Toshkent axborot texnologiyalari universitetining mintaqaviy filiallariga talabalar qabul qilish bo‘yicha test sinovlari o‘tkazish borasida zarur chora-tadbirlar ko‘rsin.

8. Toshkent axborot texnologiyalari universiteti bir oy muddatda ta’limning “informatika va axborot texnologiyalari (sohalar bo‘yicha)” yo‘nalishida kadrlar tayyorlash va qayta tayyorlash hamda ularning malakasini oshirishga bo‘lgan ehtiyojni hisobga olgan holda filiallarni rivojlantirish dasturini ishlab chiqsin.

9. O‘zbekiston Respublikasi Moliya vazirligi:

Toshkent Axborot texnologiyalari universiteti uchun 2005-yilga tasdiqlangan budjet mablag‘lari miqdoriga tegishli o‘zgartirishlar kiritsin hamda Toshkent Axborot texnologiyalari universitetida va yangi tashkil etiladigan mintaqaviy filiallarda ta’limni tashkil etish uchun zarur budjet mablag‘lari ajratilishini ta’minlasin;

Qoraqalpog‘iston Respublikasi Vazirlar Kengashi va viloyat hokimliklari bilan birgalikda beriladigan bino va inshootlarni 2005/2006 o‘quv yili boshlanishiga qadar kapital ta’mirlash, shuningdek zarur o‘quv laboratoriya uskunalari, kompyuter texnikasi va kutubxona fondi bilan jihozlash amalga oshirilishini nazarda tutgan holda mablag‘lar ajratishni ko‘zda tutsin.

10. Ushbu qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.