Oʻzbekiston Respublikasining “Ilm-fan va ilmiy faoliyat toʻgʻrisida”gi Qonuni hamda Vazirlar Mahkamasining 2021-yil 27-avgustdagi 545-son “Ilmiy va innovatsion faoliyatni boshqarish tizimini tashkil etish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi innovatsion rivojlanish vazirining 2018-yil 4-iyundagi 14/6-son “Davlat ilmiy-texnika dasturlari doirasida yaratilgan intellektual mulk huquqlari (patentlar)ni xorijda roʻyxatdan oʻtkazish va qoʻllab-quvvatlash xarajatlarini toʻlash tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 3034, 2018-yil 5-iyul) (Qonun hujjatlari maʼlumotlari milliy bazasi, 06.07.2018-y., 10/18/3034/1474-son,) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqning nomi va 1-bandidagi “ilmiy-texnika dasturlari” degan soʻzlar “ilmiy dasturlari” degan soʻzlar bilan almashtirilsin.

2. Nizomda:

a) nomidagi “ilmiy-texnika dasturlari” degan soʻzlar “ilmiy dasturlari” degan soʻzlar bilan almashtirilsin;

b) muqaddima quyidagi tahrirda bayon etilsin:

“Mazkur Nizom davlat ilmiy dasturlari doirasida yaratilgan intellektual mulk huquqlari (patentlar)ni xorijda roʻyxatdan oʻtkazish va qoʻllab-quvvatlash xarajatlarini toʻlash tartibini belgilaydi.”;

v) 1 — 3-bandlar, 4-bandning birinchi xatboshisi, 5-bandning birinchi va toʻrtinchi xatboshilari, 6-bandning birinchi va ikkinchi xatboshilari, 8, 9, 11 va 12-bandlardagi “ilmiy-texnika dasturlari” degan soʻzlar “ilmiy dasturlari” degan soʻzlar bilan almashtirilsin;

g) ilovaning ilova belgisi va nomidagi “ilmiy-texnika dasturlari” degan soʻzlar “ilmiy dasturlari” degan soʻzlar bilan almashtirilsin.