Xalq deputatlari Qorakoʻl tumani Kengashi shuni qayd etadiki, Geografik obyektlarga nom berish va ularning nomlarini oʻzgartirish masalalari boʻyicha tuman komissiyasi mahalla fuqarolar yigʻinlari bilan birgalikda tumandagi ayrim nomsiz koʻchalarni nomlash boʻyicha aholi oʻrtasida targʻibot-tushuntirish ishlarini olib borib, tumandagi 25 ta koʻchani nomlash boʻyicha tegishli MFYlardan kelib tushgan takliflarni oʻrganib, Geografik obyektlarga nom berish va ularning nomlarini oʻzgartirish masalalari boʻyicha viloyat komissiyasiga 2021-yilning 18-dekabr sanasida 860-sonli hamda 2022-yilning 13-yanvar sanasida 13-sonli xatlar asosida takliflar berilgan. Viloyat komissiyasi ham oʻzining 2022-yil 15-yanvardagi 19-276-sonli hamda 2022-yil 9-fevraldagi 19-869-sonli xatlari orqali tuman komissiyasining hududdagi ayrim koʻchalarni nomlash toʻgʻrisidagi takliflarini maʼqullagan. Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligi ekspert komissiyasining 2022-yil 14-fevraldagi 01-14-157-sonli, shuningdek 2022-yil 23-fevraldagi 01-14-196- sonli ekspert xulosalari bilan tuman komissiyasi tomonidan taqdim etilgan 25 ta koʻcha nomlaridan 24 tasi qonun hujjatlari talablariga muvofiqligi (shundan 2 ta nom geografik obyektlar nomlarining oʻzbek tilida yozilishi qoidalari asosida normalashtirilganligi) haqida ekspert xulosalari berilgan.

Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligi ekspert komissiyasining 2022-yil 14-fevraldagi, shuningdek, 2022-yil 23-fevraldagi yigʻilish bayonlari qarorlaridan kelib chiqib, xalq deputatlari Qorakoʻl tumani Kengashi qaror qiladi:

1. Oʻzbekiston Respublikasi Davlat soliq qoʻmitasi huzuridagi Kadastr agentligi ekspert komissiyasining 2022-yil 14-fevraldagi 01-14-157-sonli, shuningdek, 2022-yil 23-fevraldagi 01-14-196-sonli ekspert xulosalari maʼqullanib, tumandagi koʻchalar nomi ilovaga muvofiq nomlansin.

2. Tumandagi tegishli boʻlgan korxona va tashkilotlar mazkur qarordan kelib chiqib tegishli hujjat va hisobotlariga belgilangan tartibda oʻzgartishlar kiritsin.

3. Tuman hokimligi axborot xizmati (R. Muxtorov), “Qorakoʻl sadosi” gazetasi tahririyati (O. Tangriyev)ga tuman hokimligining veb-sayti hamda ijtimoiy tarmoqdagi rasmiy sahifalari, shuningdek, “Qorakoʻl sadosi” gazetasida mazkur qaror yoritilishini taʼminlash topshirilsin.

4. Mazkur qaror ijrosini taʼminlash Xalq deputatlari Qorakoʻl tumani Kengashining Taʼlim, sogʻliqni saqlash, madaniyat, sport va ijtimoiy himoya masalalari boʻyicha doimiy komissiyasi S. Shermuhammedova hamda tuman hokimi maslahatchisi Sh. Hamroyev zimmasiga yuklatilsin.