O‘zbekiston Respublikasining Soliq kodeksiga muvofiq Vazirlar Mahkamasi qaror qiladi:

1. Vazirlar Mahkamasining 1994-yil 12-maydagi 250-son qaror bilan tasdiqlangan ishlab chiqarishlar, muassasalar, ishlar, kasblar, lavozimlar va ko‘rsatkichlarning 1, 2 va 3-ro‘yxatlariga kiruvchi mehnat sharoitlari o‘ta zararli, o‘ta og‘ir, zararli va og‘ir bo‘lgan ishlab chiqarishlarda ishlovchi xodimlarning daromadlariga soliq solishning amaldagi imtiyozli tartibi belgilansin, bunda fuqarolarning yuqorida aytib o‘tilgan toifalari daromadlaridan chegirmalar darajasi 25 foizdan oshmasligi nazarda tutilsin.

2. Belgilansinki, noqulay tabiiy-iqlim sharoitlaridagi joylarda ishlaganlik uchun qo‘shimcha to‘lovlar (ish staji uchun ustama, tog‘li, cho‘l va suvsiz joylarda ishlaganlik uchun belgilangan koeffitsiyentlar bo‘yicha to‘lovlar)ga soliq jismoniy shaxslar daromadiga solinadigan eng kam soliq stavkasi bo‘yicha undiriladi.

3. O‘zbekiston Respublikasi Davlat soliq qo‘mitasi jismoniy shaxslarning daromadidan olinadigan soliq mazkur qarorga muvofiq to‘g‘ri hisoblab chiqilishi va to‘lanishi ustidan nazoratni ta’minlasin.

4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.S. Hamidov zimmasiga yuklansin.