T/r

Strategiyaning nomlanishi va mazmuni

Ijro muddati

Masʼul ilmiy va oliy taʼlim muassasalari

Masʼul vazirlik va idora

I. Ijtimoiy-iqtisodiy sohadagi xalqaro reyting va indekslarning tarkibiy indikator va subindikatorlari

1.

Iqtisodiy erkinlik indeksida respublikamiz oʻrnini yaxshilash strategiyasi.

Hujjat quyidagi dasturlarni qamrab oladi:

biznes erkinligini taʼminlash darajasini oshirish;

mehnat bozori erkinligini yanada takomillashtirish;

monetar erkinlikni oshirish mexanizmlarini mustahkamlash;

investitsiyalar erkinligini taʼminlash mexanizmlarini kuchaytirish;

moliyaviy erkinlik kafolatlarini taʼminlash.

2022-yil avgust

Prognozlashtirish va makroiqtisodiy tadqiqotlar instituti

(U. Abidxadjayev)

Iqtisodiy taraqqiyot va kambagʻallikni qisqartirish vazirligi

(I. Norqulov)

2.

Raqobatbardosh sanoat unumdorligi indeksida respublikamiz koʻrsatkichlarini yaxshilash strategiyasi.

Hujjat quyidagi dasturlarni qamrab oladi:

respublikamizning jahon ishlab chiqarish eksportidagi ulushini oshirish;

respublikamizning jahon ishlab chiqarishidagi qoʻshilgan qiymat ulushini oshirish;

sanoatlashtirish darajasini oshirish;

oʻrta va yuqori texnologiyali ishlab chiqarishning umumiy ishlab chiqarish qoʻshilgan qiymatidagi ulushini oshirish;

oʻrta va yuqori texnologiyali ishlab chiqarishning ishlab chiqarish eksportidagi ulushini oshirish;

ishlab chiqarish qoʻshilgan qiymatining YAIMdagi ulushini oshirish;

sanoat eksporti sifatini oshirish;

ishlab chiqarish eksportining yalpi eksportdagi ulushini oshirish.

2022-yil avgust

Tarmoq bozorlari va ishlab chiqarishda mehnat unumdorligi tadqiqotlari markazi

(U. Yarbekov)

Iqtisodiy taraqqiyot va kambagʻallikni qisqartirish vazirligi

(I. Norqulov),

Investitsiyalar va tashqi savdo vazirligi

(L. Qudratov)

3.

Logistika samaradorligi indeksida yuqori koʻrsatkichlarga erishish boʻyicha strategiya.

Hujjat quyidagi dasturlarni qamrab oladi:

bojxona tartibotlarini yanada takomillashtirish;

yoʻl (avtomobil, temir yoʻl) infratuzilmasini rivojlantirish;

xalqaro joʻnatmalar xizmatidagi son va sifat koʻrsatkichlarini oshirish;

logistika xizmatlarining sifatini oshirish;

yuklarni kuzatib borish va oʻz vaqtida yetkazib berish imkoniyatini yaxshilash.

2022-yil iyul

Transport va logistikani rivojlantirish muammolarini oʻrganish markazi

(B. Xolmetov)

Transport vazirligi

(I. Mahkamov)

4.

Global innovatsiyalar indeksida respublikamiz oʻrnini yanada yuksaltirish strategiyasi.

Hujjat quyidagi dasturlarni qamrab oladi:

biznesda ishdan boʻshatish xarajatlarini kamaytirish;

umumiy oʻrta taʼlim muassasalari oʻquvchilarini davlat tomonidan moliyalashtirishni (aholi jon boshiga YAIMdagi ulushi) oshirish;

oʻqish, matematika va tabiiy yoʻnalishdagi fanlardan savodxonlik boʻyicha PISA tomonidan baholanish natijalarini yaxshilash;

oliy taʼlim muassasalarida xorijiy talabalar sonini koʻpaytirish;

tadqiqotlar va ishlanmalar uchun yalpi xarajatlarni oshirish;

QS jahon universitetlar reytingiga mahalliy oliy taʼlim muassasalarini oʻrta muddatda kiritish;

bozor kapitallashuvi (YAIMga nisbatan foizda)ni oshirish;

venchur kapital boʻyicha bitimlar sonini (YAIMning har bir milliard AQSH dollariga nisbatan) oshirish;

biznes-korxonalar tomonidan tadqiqotlar va ishlab chiqishlarga yalpi xarajatlarni oshirish;

ilmiy darajaga ega ayollarning bandligini (foizda) oshirish;

xorijiy davlatlar tomonidan moliyalashtiriladigan tadqiqot va ishlanmalarning yalpi xarajatlarini oshirish;

intellektual mulk toʻlovlarini (savdoning umumiy hajmiga nisbatan foizda) oshirish;

Patent kooperatsiyasi toʻgʻrisidagi shartnoma asosidagi patentlar sonini oshirish;

ilmiy-texnika mavzusidagi nashrlarni koʻpaytirish;

kompyuter uchun dasturiy taʼminotga sarflangan xarajatlarni (YAIMga nisbatan foizda) oshirish;

intellektual mulkdan keladigan tushumlarni oshirish;

yuqori texnologiyali eksportni (savdoning umumiy hajmiga nisbatan foizda) oshirish;

axborot-kommunikatsiya texnologiyalari xizmatlari eksportini (savdoning umumiy hajmiga nisbatan foizda) oshirish;

toʻgʻridan-toʻgʻri investitsiyalarning sof chiqib ketishini (YAIMga nisbatan foizda) oshirish;

koʻngilochar va media bozorini (15 — 69 yoshdagi aholi uchun) rivojlantirish;

yuqori darajadagi umumiy domenlar (gTLD) sonini oshirish;

Vikipediya tahrirlari (15 — 69 yoshdagi aholi oʻrtasida) sonini oshirish.

2022-yil noyabr

Innovatsion ishlanmalarni tatbiq etishning ilmiy-amaliy markazi

(O. Toʻychiyev)

Innovatsion rivojlanish vazirligi

(I. Abduraxmonov)

5.

Barqaror rivojlanish maqsadlariga erishish va Inson kamoloti indeksida mamlakatimiz oʻrnini yaxshilash strategiyasi.

Hujjat quyidagi dasturlarni qamrab oladi:

oziq-ovqat xavfsizligi hamda ovqatlanishning son va sifat koʻrsatkichlarini oshirish;

sogʻlik va farovonlikni taʼminlash mexanizmlarini kuchaytirish;

gender tenglikni taʼminlash koʻlamini kengaytirish;

ichimlik suv taʼminoti va sanitariya madaniyatini oshirish;

barqaror va ishonchli energiya taʼminoti manbalarini kengaytirish;

munosib mehnat va iqtisodiy oʻsish koʻrsatkichlarini taʼminlash;

sanoatlashtirish, innovatsiyalar va infratuzilmani rivojlantirish;

tengsizlikni qisqartirish;

quruqlikdagi ekotizimlarini asrash;

barqaror taraqqiyot yoʻlidagi hamkorlikni kengaytirish.

2022-yil dekabr

Prognozlashtirish va makroiqtisodiy tadqiqotlar instituti

(U. Abidxadjayev)

Iqtisodiy taraqqiyot va kambagʻallikni qisqartirish vazirligi

(I. Norqulov)

6.

Iqtisodiy hamkorlik va taraqqiyot tashkilotining mamlakatlarga xos xatarlarni tasniflash tizimida respublikamiz oʻrnini yaxshilash boʻyicha strategiya.

Strategiyada qarz oluvchilar va tashqi savdo ishtirokchilarining kredit tarixi, xususiy sektor tashqi qarzlarini boshqarish mexanizmlarini takomillashtirish dasturi nazarda tutiladi.

2022-yil avgust

Budjet-soliq tadqiqotlari instituti

(J. Negmatov)

Moliya vazirligi

(O. Isakov),

Markaziy bank

(B. Zaxidov)

7.

Elektron hukumatni rivojlantirish reytingida mamlakatimiz oʻrnini yuksaltirish strategiyasi.

Hujjat quyidagi dasturlarni qamrab oladi:

onlayn xizmatlar soni, koʻlami va sifatini keskin oshirish;

telekommunikatsiyalar, Internet infratuzilmasini rivojlantirish;

jahon axborot tarmogʻidan, xususan onlayn xizmatlardan foydalanuvchilar sonini va ularning malakasini oshirib borish mexanizmlarini joriy etish.

2022-yil dekabr

Muhammad al-Xorazmiy nomidagi Toshkent axborot texnologiyalari universiteti

(B. Maxkamov),

Toshkent shahridagi Inxa universiteti

(M. Djalalov)

Axborot texnologiyalari va kommunikatsiyalarini rivojlantirish vazirligi

(Sh. Shermatov)

8.

Statistik salohiyatni oshirish strategiyasi.

Hujjat quyidagi dasturlarni qamrab oladi:

Xalqaro valyuta jamgʻarmasi maʼlumotlarini tarqatishning maxsus standartlarini joriy etish;

davlat moliyasini hisobga olish tizimini takomillashtirish;

import va eksport narxlari indeksi yuritilishini maqbullashtirish;

aholini roʻyxatga olish davriyligi oshirish;

qishloq xoʻjaligini roʻyxatga olish davriyligini oshirish;

qashshoqlikni oʻrganish bilan bogʻliq soʻrovnomalar davriyligini oshirish;

salomatlikni oʻrganish bilan bogʻliq soʻrovnomalar davriyligini oshirish;

indikatorlar boʻyicha maʼlumotlar bazalarini yaratish va takomillashtirish.

2022-yil iyul

Kadrlar malakasini oshirish va statistik tadqiqotlar instituti

(B. Gʻayibnazarov)

Davlat statistika qoʻmitasi

(B. Begalov)

9.

Toʻgʻridan-toʻgʻri xorijiy investitsiyalarni tartibga solish cheklovlari indeksi boʻyicha mamlakat koʻrsatkichlarini yaxshilash strategiyasi.

Strategiyada biznes xizmatlari koʻlami, son va sifat koʻrsatkichlarini oshirish dasturi nazarda tutiladi.

2022-yil iyul

-

Investitsiyalar

va tashqi savdo vazirligi

(L. Qudratov)

II. Siyosiy-huquqiy sohadagi xalqaro reyting va indekslarning tarkibiy indikator va subindikatorlari

10.

Davlat boshqaruvini yanada demokratlashtirish konsepsiyasi.

Hujjatda quyidagi ustuvor yoʻnalishlar nazarda tutiladi:

Parlamentning ijro etuvchi hokimiyat ustidan nazoratini kuchaytirish;

davlat sektorining shaffofligini taʼminlash;

fuqarolarning siyosiy jarayonlardagi ishtirokini oshirish;

koʻppartiyaviylik tizimini mustahkamlash.

2022-yil dekabr

Qonunchilik muammolari

va parlament tadqiqotlari instituti

(F. Otaxonov)

Oliy Majlis palatalari

(kelishuvga koʻra)

11.

Sud tizimi mustaqilligini mustahkamlash strategiyasi.

Hujjatda quyidagi ustuvor yoʻnalishlar nazarda tutiladi:

sudyalik kasbiga malakali kadrlarni tayyorlash va tayinlash tizimini takomillashtirish;

sud hokimiyati tizimida korrupsiya holatlarini keltirib chiqaruvchi sabablarni bartaraf etish;

odil sudlovni amalga oshirishda bosqichma-bosqich raqamli texnologiyalarni joriy etish;

sud hokimiyati mustaqilligini kafolatlovchi moliyaviy, moddiy-texnikaviy va huquqiy asoslarni mustahkamlash;

sudyalarning daxlsizligini taʼminlash mexanizmining samaradorligini oshirish;

birinchi va yuqori instansiya sudlarida sudyalarning yetishmasligi muammosini hal etish, barcha darajadagi sudlarda sudyalarga ortiqcha yuklama qoʻyilishining oldini olish;

nizolarni muqobil (suddan tashqari) va sudgacha hal qilishning samarali mexanizmlarini yoʻlga qoʻyish.

2022-yil avgust

Sudyalar oliy maktabi

(H. Isoqov),

Huquqiy siyosat tadqiqot instituti

(E. Maxkamov)

Adliya vazirligi

(R. Davletov)

12.

Ommaviy kommunikatsiya mexanizmlarini rivojlantirish strategiyasi.

Hujjatda quyidagi ustuvor yoʻnalishlar nazarda tutiladi:

ommaviy axborot vositalari toʻgʻrisidagi qonunchilik hujjatlarini takomillashtirish va samarali qoʻllash;

ommaviy axborot vositalari faoliyatining shaffofligi, ishonchliligi va mustaqilligini kuchaytirish;

elektron va bosma ommaviy axborot vositalari faoliyatini tartibga soluvchi organlar faoliyati samaradorligi va hisobdorligini oshirish;

ommaviy axborot vositalari vakillari, jurnalistlar xavfsizligi va daxlsizligini taʼminlash;

huquqni muhofaza qilish organlari xodimlari, davlat xizmatchilarida ommaviy axborot vositalari bilan ishlash madaniyatini rivojlantirish, ularning kommunikativ savodxonligini oshirish;

fuqarolik jurnalistikasini rivojlantirish, uni jamiyatdagi dolzarb muammolarni muhokama qilishning samarali platformalaridan biriga aylantirish.

2022-yil sentabr

Oʻzbekiston jurnalistika

va ommaviy kommunikatsiyalar universiteti

(Sh. Qudratxoʻja)

Axborot va ommaviy kommunikatsiyalar agentligi

(A. Xodjayev)

13.

Raqobatni rivojlantirish konsepsiyasi.

Hujjatda quyidagi ustuvor yoʻnalishlar nazarda tutiladi:

raqobatni rivojlantirishga doir davlat siyosatining maqsadlari, vazifalari va asosiy tamoyillarining amalga oshirilishini taʼminlash;

davlat miqyosida va mahalliy darajada raqobatni rivojlantirishning samarali mexanizmlarini yaratish, shu jumladan iqtisodiyotda davlat ishtiroki ulushini kamaytirish;

raqamli iqtisodiyotni rivojlantirish va monopoliyaga qarshi tartibga solishni takomillashtirish;

tabiiy monopoliyalar faoliyatini huquqiy tartibga solish, tariflarni tartibga solishning samarali mexanizmlarini qayta koʻrib chiqish;

davlat ehtiyojlari uchun xaridlarni amalga oshirish va davlat mulki obyektlarini kimoshdi savdosida sotishda samarali raqobat uchun sharoit yaratish;

individual soliq va bojxona imtiyozlarini taqdim etish amaliyotini cheklash, imtiyoz va preferensiyalar berish tizimini takomillashtirish, ularning iqtisodiy maqsadga muvofiqligi va samaradorligini baholash.

2022-yil dekabr

Huquqiy siyosat tadqiqot instituti

(E. Maxkamov)

Monopoliyaga qarshi kurashish qoʻmitasi

(Sh. Sharaxmetov)

14.

Davlat organlari faoliyatining shaffofligi va samaradorligini oshirish strategiyasi.

Hujjatda quyidagi ustuvor yoʻnalishlar nazarda tutiladi:

Davlat budjeti mablagʻlaridan foydalanish ustidan jamoatchilik nazoratini oshirish (elektron budjet);

davlat organlari, boshqa tashkilotlar va mansabdor shaxslarning jamoatchilik va fuqarolar bilan muloqot oʻrnatishida axborot texnologiyalaridan keng foydalanish, ularda fuqarolar oldida hisobdorlik hissi va masʼuliyatini oshirish;

moliyaviy shaffoflik — davlat kimoshdi savdolari (davlat koʻchmas mulkini sotish, ijaraga berish), shaharsozlik va yerdan foydalanishga oid hujjatlar, davlat buyurtmalari va xaridlari toʻgʻrisidagi maʼlumotlardan ochiq va tezkor foydalanishni taʼminlash;

mahalliy hokimiyat va Hukumat rejalari va qarorlarini qabul qilish va amalga oshirish jarayonida shaffoflikni taʼminlashga fuqarolar va jamoat birlashmalarini jalb qilish;

manfaatlar toʻqnashuvini oshkor qilish va oldini olish;

davlat xizmatchilari, ularning oila aʼzolarining daromadlari va mol-mulkini deklaratsiya qilish;

chop etiladigan Davlat budjeti haqidagi maʼlumotlar, iqtisodiy va moliyaviy statistik maʼlumotlar, davlat unitar korxonalari hisobotlari aniqligini va ulardan keng foydalanishni taʼminlash.

2022-yil oktabr

Huquqiy siyosat tadqiqot instituti

(E. Maxkamov)

Innovatsion rivojlanish vazirligi

(I. Abduraxmonov)