Koreya Respublikasi bilan parlamentlararo hamkorlikni yanada faollashtirish hamda Oʻzbekiston Respublikasi Prezidentining 2021-yil 28-dekabrdagi “Oʻzbekiston Respublikasi va Koreya Respublikasi oʻrtasidagi alohida strategik sheriklik munosabatlarini yanada chuqurlashtirish chora-tadbirlari toʻgʻrisida”gi PQ-67-sonli Qarorida belgilangan vazifalar ijrosi ustidan qatʼiy parlament nazoratini oʻrnatish maqsadida Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi va Koreya Respublikasi oʻrtasidagi oliy darajadagi kelishuvlarning bajarilishi boʻyicha amaliy chora-tadbirlar rejasi (“yoʻl xaritasi”) ilovaga* muvofiq tasdiqlansin.

2. Ushbu Qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining birinchi oʻrinbosari A. Saidov zimmasiga yuklatilsin.

3. Ushbu Qaror qabul qilingan kundan eʼtiboran kuchga kiradi.