LexUZ sharhi
Mazkur qaror O‘zbekiston Respublikasi Vazirlar Mahkamasining 2000-yil 30-iyundagi 253-sonli “O‘zbektelekom” aksiyadorlik kompaniyasi faoliyatini tashkil etish masalalari to‘g‘risida”gi qaroriga asosan o‘z kuchini yo‘qotgan.
Xalqaro va shaharlararo telegraf-telefon tarmoqlarini modernizatsiya qilish hamda rivojlantirishni nazarda tutuvchi O‘zbekiston Respublikasi telekommunikatsiya tarmog‘ini 2010-yilgacha bo‘lgan davrda rekonstruksiya qilish va rivojlantirish milliy dasturini amalga oshirishni jadallashtirish maqsadida Vazirlar Mahkamasi qaror qiladi:
1. O‘zbekiston pochta va telekommunikatsiyalar agentligining, “Xalqaro Telekom” aksiyadorlik kompaniyasining Toshkent telegraf-telefon stansiyasi, Toshkent xalqaro elektraloqa markazi va Magistral aloqalar hamda televideniye hududiy ishlab chiqarish birlashmasi negizida “STET Interneyshnl Niderlandiya N.V.” (Niderlandiya) kompaniyasi orqali bog‘langan “STET Interneyshnl S.r.A.” (Italiya) va “Simens AG” (Germaniya) kompaniyalari bilan birgalikda yopiq turdagi aksiyadorlik jamiyati shaklidagi “UDINET” korxonasini (keyingi o‘rinlarda qo‘shma korxona deb ataladi) tashkil etish to‘g‘risidagi taklifi qabul qilinsin.
O‘zbekiston Respublikasining umumiy foydalanishdagi kommutatsiya stansiyalari va tarmoqlarini, aloqaning kabel, radiorele, yo‘ldosh liniyalari va tizimlarini yanada rivojlantirish hamda ulardan foydalanishni takomillashtirish;
O‘zbekiston Respublikasi telekommunikatsiya tarmoqlarini boshqa mamlakatlarning aloqa tarmoqlari bilan o‘zaro bog‘lash bo‘yicha integratsiya jarayonlarini ta’minlash va ularni yanada takomillashtirish;
Umumiy foydalanishdagi mahalliy aloqa tarmoqlarining shaharlararo va xalqaro telegraf-telefon aloqalari oqimining tranzitga bo‘lgan ehtiyojlarini qondirish.
qo‘shma korxona ustav jamg‘armasining dastlabki miqdori ishlab chiqilgan investitsiya dasturiga asosan keyinchalik ilovaga* muvofiq 320 mln AQSh dollarigacha ko‘paytirilgan holda 123 mln AQSh dollarini tashkil etadi;
ustav jamg‘armasidagi ulushlar quyidagicha taqsimlanadi: O‘zbekiston tomoni — 50 foiz, xorijiy ishtirokchilar — 50 foiz (shu jumladan, “STET Intekneyshnl Niderlandiya N.V.” — 42 foiz, “Simens AG” — 8 foiz);
Toshkent telegraf-telefon stansiyasi, Toshkent xalqaro elektr-aloqa markazi va Magistral aloqalar hamda televideniye hududiy ishlab chiqarish birlashmasining moddiy va nomoddiy aktivlari O‘zbekiston tomonining qo‘shma korxona ustav jamg‘armasidagi ulushi hisoblanadi;
qo‘shma korxona aksiyalarining o‘zbekistonlik ishtirokchiga tegishli bo‘lgan bir qismini sotib olish, shuningdek, qo‘shma korxona ustav jamg‘armasini shakllantirish va to‘ldirishga mo‘ljallangan pul mablag‘lari;
shaharlararo va xalqaro aloqa tarmoqlari hamda vositalarini modernizatsiya qilish va rivojlantirishga mo‘ljallangan texnologik asbob-uskunalar xorijiy ishtirokchilarning ulushlari hisoblanadi.
3. “UDINET” qo‘shma korxonasi muassislarining ko‘rsatiladigan xalqaro va shaharlararo telegraf-telefon aloqa xizmatlarini 3 baravar oshirish imkonini beruvchi, 2003-yilgacha 12 ming nomerli xalqaro va shaharlararo telefon stansiyalarini, uzunligi 4 mln kanal-kilometr bo‘lgan radiorele va optik tolali aloqa liniyalarini foydalanishga topshirish bo‘yicha taklifi ma’qullansin.
4. O‘zbekiston Respublikasi Makroiqtisodiyot va statistika vazirligi qo‘shma korxonaning mazkur loyihasini O‘zbekiston Respublikasining Investitsiya dasturiga kiritsin.
har qanday valyutada schyotlar ochish va ulardan foydalanish, respublika hududida hisob-kitoblar milliy valyutada yuritilishini nazarda tutib O‘zbekiston Respublikasi Markaziy banki tomonidan belgilangan tartibda xorijiy valyuta olish, ulardan foydalanish va ularni O‘zbekiston va uning tashqarisidagi banklarda saqlash;
valyuta tushumining majburiy 30 foizini elektr aloqasi xizmati uchun o‘zaro hisob-kitoblarning xalqaro prinsiplariga muvofiq saldo asosida hisobot beriladigan chorak tugaganidan so‘ng sotish;
qo‘shma korxona masalalari bo‘yicha ishlash uchun keladigan xorijiy mutaxassislar tomonidan vizalarni rasmiylashtirish, respublika hududida yashash va transportning barcha turlarida yurish uchun O‘zbekiston Respublikasi fuqarolari uchun nazarda tutilgan tariflar bo‘yicha haq to‘lash;
qo‘shma korxonani o‘z ishlab chiqarish ehtiyojlari uchun import qilinadigan barcha asbob-uskunalar, mexanizmlar va moddiy-texnik resurslar uchun barcha import boj poshlinalari va yig‘g‘imlari (bojxona tartibotlari o‘tkazilganligi uchun boj yig‘imidan tashqari) to‘lashdan ozod qilish;
uning xodimlariga — O‘zbekiston Respublikasi norezidentlariga nisbatan Pensiya jamg‘armasiga ajratmalardan ozod qilish.
6. O‘zbekiston pochta va telekommunikatsiyalar agentligi qo‘shma korxonaga shaharlararo, xalqaro aloqa liniyalari, ma’lumotlarni uzatish tarmoqlarini loyihalashtirish, qurish va ulardan foydalanish uchun ruxsatnoma (litsenziya) uning faoliyatining barcha muddatiga berilishini ta’minlasin.
10. Belgilab qo‘yilsinki, “UDINET” qo‘shma korxonasi telekommunikatsiya asbob-uskunasi yetkazib berish, shaharlararo va xalqaro telefon-telegraf aloqasi xizmatlari ko‘rsatish uchun xorijiy kompaniyalar bilan tuzilgan kontraktlar, shuningdek, O‘zbekiston TOYE segmenti qurilishiga konsern tomonidan olingan kreditlarni uzish yuzasidan majburiyatlar bo‘yicha “O‘zbektelekom” konsernining huquqiy vorisi hisoblanadi”.
O‘zbekiston Respublikasi Tashqi iqtisodiy faoliyat milliy banki O‘zbekiston TOYE segmenti bo‘yicha kredit shartnomalarini “UDINET” qo‘shma korxonasiga qayta rasmiylashtirsin.
O‘zbekiston Respublikasi Moliya vazirligi qayta rasmiylashtirilgan kredit shartnomalari bo‘yicha Tashqi iqtisodiy faoliyat milliy bankiga berilgan Hukumat kafolatlariga tegishli qo‘shimchalar bersin.
11. O‘zbekiston Respublikasi Vazirlar Mahkamasining “O‘zbekiston pochta va telekommunikatsiyalar agentligi faoliyatini tashkil etish to‘g‘risida” 1997-yil 31-iyuldagi 380-son qaroriga 1a, 4, 4a-ilovalardagi “Shaharlararo aloqa va televideniye hududiy birlashmasi” aksiyadorlik jamiyati, “Toshkent telegraf-telefon stansiyasi”, “Toshkent xalqaro elektraloqa markazi” so‘zlari “UDINET” qo‘shma korxonasi” so‘zlari bilan almashtirilsin, shuningdek, mazkur qarorga 6-ilovaning 2-bo‘limidan 1, 2, 3-banddar chiqarib tashlansin, ulushlar “UDINET” qo‘shma korxonasiga taqsimlansin.