1-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4, 5-moddalar, № 4, 224-modda, № 7, 430, 431, 432-moddalar, № 10, 671, 673, 679-moddalar; 2019-yil, № 1, 1, 3, 5-moddalar, № 2, 47-modda, № 3, 161, 165, 166-moddalar, № 5, 259, 261, 267, 268-moddalar, № 7, 386-modda, № 8, 469, 471-moddalar, № 9, 591, 592-moddalar, № 10, 674, 676-moddalar, № 11, 787, 791-moddalar, № 12, 880, 891-moddalar; 2020-yil, № 1, 4-modda, № 3, 203, 204-moddalar, № 7, 449-modda, № 9, 539, 540-moddalar, № 10, 593, 596-moddalar, № 11, 651-modda, № 12, 691-modda; 2021-yil, № 1, 5, 7, 12, 13, 14-moddalar, № 2, 142-modda, № 3, 217-modda, № 4, 290, 293-moddalar, 4-songa ilova, № 8, 800, 802, 803-moddalar, № 9, 903-modda) quyidagi oʻzgartish va qoʻshimchalar kiritilsin:

1) 128¹-moddaning matni quyidagi tahrirda bayon etilsin:

“Transport vositasini boshqarish vaqtida haydovchilarning telefondan foydalanishi (bundan telefondan quloqchinlar orqali va qoʻllarni ishlatmasdan turib soʻzlashuvlar olib borish imkoniyatini beradigan boshqa uskunalar orqali foydalanish mustasno), —

bazaviy hisoblash miqdorining uch baravari miqdorida jarima solishga sabab boʻladi”;

2) 128²-modda quyidagi tahrirda bayon etilsin:

Transport vositasini boshqarish vaqtida tele-, videodasturlarni tomosha qilish maqsadida transport vositasi salonining old qismiga oʻrnatilgan monitordan (displeydan) foydalanish, —

bazaviy hisoblash miqdorining bir baravari miqdorida jarima solishga sabab boʻladi”;

3) 128³-modda quyidagi mazmundagi oltinchi qism bilan toʻldirilsin:

“Ushbu moddaning birinchi — beshinchi qismlarida nazarda tutilgan huquqbuzarliklar sodir etilganda tezlikni oʻlchaydigan maxsus uskunalar va transport vositalari spidometrlari koʻrsatkichlaridagi yoʻl qoʻyilishi mumkin boʻlgan jami xatolar hisobga olinib, ular qayd etgan tezlikdan soatiga 5 kilometr chegirib tashlangan holda, maʼmuriy jazo chorasi qoʻllaniladi”;

4) 135-modda quyidagi mazmundagi toʻrtinchi qism bilan toʻldirilsin:

“Haydovchining yonida Oʻzbekiston Respublikasining ichki ishlar organlari yoxud konsullik muassasalari tomonidan berilgan biometrik pasport yoki identifikatsiyalovchi ID-kartasi mavjud boʻlgan taqdirda, uning transport vositasini boshqarish huquqini beruvchi hujjatni, transport vositasi roʻyxatdan oʻtkazilganligi toʻgʻrisidagi, shuningdek transport vositasiga egalik qilish, egasi yoʻqligida undan foydalanish yoki uni tasarruf etish huquqini tasdiqlovchi hujjatlarni, transport vositalari egalarining fuqarolik javobgarligini majburiy sugʻurta qilish boʻyicha sugʻurta polisini oʻz yonida olib yurishi talab etilmaydi”;

5) 135¹-modda:

birinchi qismining sanksiyasidagi “bir baravari” degan soʻzlar “ikkidan bir qismi” degan soʻzlar bilan almashtirilsin;

ikkinchi qismining sanksiyasi quyidagi tahrirda bayon etilsin:

“fuqarolarga bazaviy hisoblash miqdorining ikkidan bir qismi, mansabdor shaxslarga esa — ikki baravari miqdorida jarima solishga sabab boʻladi”;

6) 170-moddaning sanksiyasi quyidagi tahrirda bayon etilsin:

“valyuta boyliklari musodara qilinib, oʻn besh sutkagacha maʼmuriy qamoqqa olishga yoki ushbu Kodeksga muvofiq oʻziga nisbatan maʼmuriy qamoq qoʻllanilishi mumkin boʻlmagan shaxslarga bazaviy hisoblash miqdorining oʻn baravaridan yigirma baravarigacha miqdorda jarima solishga sabab boʻladi”;

7) 175¹-modda:

birinchi qismining sanksiyasidagi “besh baravaridan oʻn baravarigacha” degan soʻzlar “uch baravaridan yetti baravarigacha” degan soʻzlar bilan almashtirilsin;

ikkinchi qismining sanksiyasidagi “oʻn baravaridan yigirma baravarigacha” degan soʻzlar “yetti baravaridan oʻn baravarigacha” degan soʻzlar bilan almashtirilsin;

8) 176³-moddaning sanksiyasi quyidagi tahrirda bayon etilsin:

“fuqarolarga bazaviy hisoblash miqdorining yetti baravari miqdorida, mansabdor shaxslarga esa — oʻttiz baravari miqdorida jarima solishga sabab boʻladi”;

9) 245-moddaning birinchi qismidagi “128¹-moddasining ikkinchi qismida, 128²-moddasining uchinchi qismida” degan soʻzlar chiqarib tashlansin;

10) 248-modda:

birinchi qismidagi “128¹-moddasining birinchi qismida, 128²-moddasining birinchi va ikkinchi qismlarida” degan soʻzlar “128¹, 128²-moddalarida” degan soʻzlar bilan almashtirilsin;

ikkinchi qismining:

5-bandidagi “128¹-moddasining birinchi qismida, 128²-moddasining birinchi va ikkinchi qismlarida” degan soʻzlar “128¹, 128²-moddalarida” degan soʻzlar bilan almashtirilsin;

6-bandidagi “128¹-moddasining birinchi qismida, 128²-moddasining birinchi va ikkinchi qismlarida” degan soʻzlar “128¹, 128²-moddalarida” degan soʻzlar bilan almashtirilsin;

7-bandidagi “128²-moddasining birinchi qismida” degan soʻzlar “128²-moddasida” degan soʻzlar bilan almashtirilsin;

11) 256-modda:

birinchi qismidagi “128¹-moddasining birinchi qismida, 128²-moddasining birinchi va ikkinchi qismlarida” degan soʻzlar “128¹, 128²-moddalarida” degan soʻzlar bilan almashtirilsin;

ikkinchi qismining uchinchi xatboshisidagi “128¹-moddasining birinchi qismida, 128²-moddasining birinchi va ikkinchi qismlarida” degan soʻzlar “128¹, 128²-moddalarida” degan soʻzlar bilan almashtirilsin;

12) 291-modda birinchi qismining:

“a” kichik bandidagi “137, 176³-moddalarida” degan soʻzlar “137-moddasida” degan soʻzlar bilan almashtirilsin;

“d” kichik bandidagi “176³” raqami chiqarib tashlansin.

2-modda. Oʻzbekiston Respublikasi Ichki ishlar vazirligi axborotni (transport vositasini boshqarish huquqini beruvchi hujjatlar, transport vositalari roʻyxatdan oʻtkazilganligi toʻgʻrisidagi, shuningdek transport vositasiga egalik qilish, egasi yoʻqligida undan foydalanish yoki uni tasarruf etish huquqini tasdiqlovchi hujjatlar, transport vositalari egalarining fuqarolik javobgarligini majburiy sugʻurta qilish boʻyicha sugʻurta polislari haqidagi axborotni) Oʻzbekiston Respublikasining ichki ishlar organlari yoki konsullik muassasalari bergan biometrik pasport (identifikatsiyalovchi ID-karta) asosida planshetlar va kompyuterlar vositasida foydalangan holda Davlat yoʻl harakati xavfsizligi xizmati xodimlari tomonidan tekshirish tartibini Maʼmuriy huquqbuzarliklar toʻgʻrisidagi yagona elektron ish yuritish tizimi doirasida 2022-yil 1-martga qadar boʻlgan muddatda joriy etsin.

3-modda. Oʻzbekiston Respublikasi Adliya vazirligi, Ichki ishlar vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 1-moddasining 4-bandi 2022-yil 1-martdan eʼtiboran amalga kiritiladi.